ରାଞ୍ଚି, ୧୮/୧୧: ଝାଡ଼ଖଣ୍ଡର ଗିରିଡିହରେ ବଡ଼ ଧରଣର ଦୁର୍ଘଟଣା ହୋଇଛି । ଦୁର୍ଘଟଣାରେ ଘଟଣାସ୍ଥଳରେ ୫ ଜଣ ପ୍ରାଣ ହରାଇଛନ୍ତି । ଦୁର୍ଘଟଣା ଏତେ ଭୀଷଣ ଥିଲା ଯେ ସ୍କର୍ପିଓର ସମ୍ମୁଖ ଭାଗ ବନେଟ୍ ଉଡ଼ି ଯାଇଛି । ମିଳିଥିବା ସୂଚନା ଅନୁସାରେ, ସ୍କର୍ପିଓରେ ଥିବା ସମସ୍ତେ ବାହାଘରରେ ଯୋଗ ଦେଇ ଫେରୁଥିଲେ ।
ଜ୍ୟୋତିଷଙ୍କ ଭବିଷ୍ୟବାଣୀ: ହିଟ୍ମ୍ୟାନ୍ଙ୍କ ରାଶିରେ ବିଶ୍ୱକପ୍ ଟ୍ରଫି, ଚ୍ୟାଲେଞ୍ଜ ଦେବ ଅଷ୍ଟ୍ରେଲିଆ
ଦୁର୍ଘଟଣା ଖବର ପାଇ ପୋଲିସ ପହଞ୍ଚିବା ସହ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ବିଳମ୍ବିତ ରାତିରେ ବିରନି ଥାନା ବାଘମାରାର ଲୁକୈୟାରେ ଏହି ଦୁର୍ଘଟଣା ହୋଇଛି । ବାହାଘରରେ ଯୋଗ ଦେଇ ସମସ୍ତେ ଘରକୁ ଫେରୁଥିବା ବେଳେ ହଠାତ୍ ସ୍କର୍ପିଓଟି ରାସ୍ତାକଡ଼ ଗଛରେ ପିଟି ହୋଇ ଯାଇଥିଲା ।
ଦୁର୍ଘଟଣା ପରେ ସ୍ଥାନୀୟ ଲୋକ କାରରୁ ଲୋକଙ୍କୁ ଉଦ୍ଧାର କରିଥିଲେ । ପୋଲିସ ଖବର ପାଇ ପହଞ୍ଚିଥିଲା । ଘଟଣାସ୍ଥଳରେ ହିଁ ୫ ଜଣଙ୍କ ମୃତ୍ୟୁ ହୋଇଥିବା କହିଛି ପୋଲିସ । ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
