ନୂଆଦିଲ୍ଲୀ ୨୬/୦୧ : ପ୍ରାୟ ଲୋକ ସକାଳ ଜଳଖିଆରେ ବ୍ରେଡ୍ ବା ପାଉରୁଟି ଖାଇବାକୁ ପସନ୍ଦ କରିଥାନ୍ତି । କେବଳ ପାଉଁରୁଟି ନୁହେଁ ବରଂ ଭିନ୍ନ ଭିନ୍ନ ଆଇଟମ୍ ତିଆରି କରିବା ମଧ୍ୟ ସହଜ । ତେଣୁ ପ୍ରାୟ ଲୋକ ଏହାକୁ ସକାଳ ଜଳଖିଆର ଅଭିନ୍ନ ଅଙ୍ଗ କରିଥାନ୍ତି । ବଜାରରେ ବିଭିନ୍ନ ପ୍ରକାରର ପାଉଁରୁଟି ମିଳିଥାଏ । କିନ୍ତୁ ସବୁ ପାଉଁରୁଟି ସ୍ୱାସ୍ଥ୍ୟକର ନୁହେଁ । ଅନ୍ୟ ସବୁ ପାଉରୁଟି ଅପେକ୍ଷା ବ୍ରାଉନ୍ ବ୍ରେଡ୍ ବେଶୀ ସ୍ୱାସ୍ଥ୍ୟକର । ଚାଲନ୍ତୁ ଜାଣିବା ହ୍ୱାଇଟ ବ୍ରେଡ୍ ଓ ବ୍ରାଉନ୍ ବ୍ରେଡ୍ ସମ୍ପର୍କରେ...
ହ୍ୱାଇଟ୍ ବ୍ରେଡ୍ :
ପାଉରୁଟିରେ ବିଭିନ୍ନ ପ୍ରକାରର ଖାଦ୍ୟ ସମାଗ୍ରୀ ପ୍ରସ୍ତୁତ କରିବା ଖୁବ୍ ସହଜ । ଯେପରିକି ବ୍ରେଡ୍ ପକୋଡା, ସ୍ୟାଣ୍ଡ୍ଉଇଚି, ହଦିବରା, ବ୍ରେଡ୍ ଶିରା ଓ ଅନ୍ୟାନ୍ୟ ପସନ୍ଦିଆ ଖାଦ୍ୟ ତିଆରି କରି ହୁଏ । କିନ୍ତୁ ଆପଣ ଜାଣନ୍ତି କି ଧଳା ପାଉରୁଟିରେ ୫୦ ପ୍ରତିଶତ ମଇଦା ରହୁଥିବାବେଳେ ୫୦ପ୍ରତିଶତ ଅଟା ମିଶିଥାଏ । ତା’ସହିତ ସଂରକ୍ଷଣ ପାଇଁ ପ୍ରିଜର୍ଭେଟିଭ୍ ମଧ୍ୟ ମିଶାଇ ଯାଇଥାଏ । ତେଣୁ ଏହାର ପାଶ୍ୱର୍ ପ୍ରତିକ୍ରିୟା ରହିଥାଏ । ଯେପରିକି ମୋଟାପଣ, ମଧୁମେହ ସମସ୍ୟା ଉପୁଜିବାର ଆଶଙ୍କା ରହିଥାଏ ।
ବ୍ରାଉନ୍ ବ୍ରେଡ୍ :
ଏହା ସମ୍ପୂର୍ଣ୍ଣ ଭାବେ ଅଟାରେ ତିଆରି । ଏହାକୁ ଅତ୍ୟଧିକ ପ୍ରୋସେସିଂ କରାଯାଇନଥାଏ । ତେଣୁ ଏହା ପୋଷକ ତତ୍ତ୍ୱରେ ଭରା । ଏଥିରେ ଭିଟାମିନ୍, ଆଇରନ୍, ଫାଇବର, ଜିଙ୍କ୍ ଓ ମ୍ୟାଗନେସିୟମ୍ ପରି ବିଭିନ୍ନ ପ୍ରକାରର ଖଣିଜ ପଦାର୍ଥ ରହିଥାଏ । ତେଣୁ ଏହାକୁ ଖାଇବା ଦ୍ୱାରା ରକ୍ତରେ ଶର୍କରା କିମ୍ବା କୋଲେଷ୍ଟରଲ୍ ବଢିନଥାଏ । ଏଥିରେ ଥିବା ଫାଇବର ରକ୍ତରେ ଶର୍କରା ସ୍ତରକୁ ନିୟନ୍ତ୍ରିତ କରିବା ସହ ଗ୍ଲୁକୋଜ୍କୁ ଅବଶୋଷଣ କରି ଧୀମା କରିଦେଇଥାଏ । ତେଣୁ ମଧୁମେହ ରୋଗୀଙ୍କ ପାଇଁ ଏହି ବ୍ରେଡ୍ ବେଶ୍ ଉପକାରୀ । ବ୍ରାଉନ୍ ବ୍ରେଡ୍ କାର୍ବୋହାଇଡ୍ରେଟ୍ରେ ଭରା, ଯାହା ଶରୀରକୁ ଶକ୍ତି ଯୋଗଇଥାଏ । ଏଥିରେ ବିଭିନ୍ନ ପୋଷକ ତତ୍ତ୍ୱ ରହିଛି ଯେପରିକି ଫଲିକ୍ ଏସିଡ୍, ଭିଟାମିନ୍ ଇ ଓ ବି-୬ ଆଦି ।
