ବେଙ୍ଗାଲୁରୁ,୦୩/୧୨: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ୫ମ୍ୟାଚ୍ ବିଶିଷ୍ଟ ଟି ୨୦ ସିରିଜ୍ର ଚୁଡ଼ାନ୍ତ ମ୍ୟାଚ୍ ବେଙ୍ଗାଲୁରୁର ଏନ୍. ଚିନ୍ନାସ୍ଵାମୀ ଷ୍ଟାଡିୟମରେ ଖେଳା ଯାଇଥିଲା। ଟି-୨୦ ସିରିଜ୍ର ଶେଷ ମ୍ୟାଚ୍ରେ ଭାରତ ଆକର୍ଷଣୀୟ ସ୍କୋର କରିଛି। ଶ୍ରେୟସ ଆୟରଙ୍କ ୫୩ ରନ୍ର ଅର୍ଦ୍ଧଶତକୀୟ ପାଳି ବଳରେ ଭାରତ ନିର୍ଦ୍ଧାରିତ ଓଭରରେ ୮ ଓ୍ଵିକେଟ୍ ହରାଇ ୧୬୦ ରନ କରିଛି। ଶ୍ରେୟସ୍ ତାଙ୍କ ଇନିଂସରେ ୫ ଚୌକା ଓ ୨ ଛକା ମାରିଥିଲେ। ଶେଷ ଓଭରରେ ଶ୍ରେୟସ୍ ଆୟର ନାଥନ୍ ଏଲିସ୍ଙ୍କ ଶିକାର ହୋଇଥିଲେ। ମ୍ୟାଚ୍ ଜିତିବାକୁ ହେଲେ ଅଷ୍ଟ୍ରେଲିଆକୁ ୧୬୧ ରନ୍ର ଆବଶ୍ୟକତା ରହିଛି। ଶ୍ରେୟସଙ୍କ ବ୍ୟତୀତ ଅକ୍ଷର ପଟେଲ୍ ୩୧ ଓ ଜିତେଶ ଶର୍ମା ୨୧୪ ରନର ଦ୍ରୁତ ଇନିଂସ ଖେଳିବାରୁ ଭାରତ ଏହି ସ୍କୋରରେ ପହଞ୍ଚି ପାରିଛି। ଅଷ୍ଟ୍ରେଲିଆ ପକ୍ଷରୁ ବେନ ଡ୍ଵାରସିସ ଦୁଇଟି ଲେଖାଏଁ ଓ୍ଵିକେଟ୍ ନେଇଛନ୍ତି।
ଅଷ୍ଟ୍ରେଲିଆ ଅଧିନାୟକ ମାଥ୍ୟୁ ୱେଡ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ଭାରତୀୟ ଦଳ ଭଲ ଆରମ୍ଭ କରିଥିଲା। ପ୍ରଥମ ୱିକେଟ୍ ସୁଦ୍ଧା ଟିମ୍ ଇଣ୍ଡିଆର ଓପନର ଯଶାସୀ ଜୟସୱାଲ ଏବଂ ରୁତୁରାଜ ଗାଇକୱାଡ ୪.୩ ଓଭର ସୁଦ୍ଧା ୩୩ ରନ୍ ଯୋଡିଥିଲେ। ଯଶସ୍ୱୀ ଜସୱାଲ ୧୫ ବଲରେ ୨୧ ରନ୍ ସଂଗ୍ରହ କରିଥିଲେ। ସେ ତାଙ୍କ ଇନିଂସରେ ଗୋଟିଏ ଚୌକା ଓ ଦୁଇଟି ଛକା ମାରିଥିଲେ। କିନ୍ତୁ ଭଲ ଆରମ୍ଭକୁ ଏକ ବଡ଼ ଇନିଂସରେ ପରିଣତ କରିପାରିଲା ନାହିଁ। ଅଷ୍ଟ୍ରେଲୀୟ ଦ୍ରୁତ ବୋଲର ଜେସନ ବେହେରେଣ୍ଡର୍ଫ ଯଶସ୍ବୀ ଜସୱାଲଙ୍କୁ ତାଙ୍କର ଶିକାର କରିଥିଲେ। ଏହା ପରେ ଭାରତୀୟ ବ୍ୟାଟ୍ସମ୍ୟାନ୍ମାନେ ନିୟମିତ ବ୍ୟବଧାନରେ ପାଭିଲିୟନକୁ ଫେରୁଥିଲେ।