ନୂଆଦିଲ୍ଲୀ, ୦୬/୧୧: ଇସ୍ରାଏଲ୍-ହମାସ ଯୁଦ୍ଧକୁ ମାସେ ବିତିଛି । ଗାଜାରେ ଇସ୍ରାଏଲର ଗ୍ରାଉଣ୍ଡ ଆଟାକ୍ ଜାରି ରହିଛି । ଅକ୍ଟୋବର ୭ ତାରିଖ ଆକ୍ରମଣ ପରେ ହମାସ୍ ଉପରେ କାର୍ଯ୍ୟାନୁଷ୍ଠାନ ନେଇ ଦାବି ଉଠିଥିଲା । ଆମେରିକା ଓ ଜର୍ମାନୀ, ହମାସକୁ ଆତଙ୍କବାଦୀ ସଂଗଠନ କହିବା ସହ ଉଭୟ ଦେଶ ହମାସକୁ ବ୍ୟାନ୍ କରିଛନ୍ତି ।

ଏବେ ଭାରତ ମଧ୍ୟ ହମାସକୁ ଆତଙ୍କବାଦୀ ସଂଗଠନ ଘୋଷଣା କରି ପ୍ରତିବନ୍ଧକ ଲଗାଇବାକୁ ଦାବି ହେଉଛି । ତେବେ ନୂଆଦିଲ୍ଲୀର କହିବା କଥା, ଏବେ ହମାସକୁ ବ୍ୟାନ୍ କରାଯିବ ନାହିଁ । ଏନେଇ ଗୃହ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ଏବେ ଭାରତରେ ହମାସ୍ ସକ୍ରିୟ ନାହିଁ । ତେଣୁ ପ୍ରତିବନ୍ଧକ ଲଗାଇବାର ପ୍ରଶ୍ନ ଉଠୁ ନାହିଁ । 

ପାର୍ବଣରେ ମହଙ୍ଗା ମାଡ଼ରୁ ମିଳିବ ଆଶ୍ୱସ୍ତି, କେଜି ପିଛା ୨୭ ଟଙ୍କା ୫୦ ପଇସାରେ ଭାରତ ବ୍ରାଣ୍ଡ ଅଟା ବିକିବେ ସରକାର

ଯଦି ସରକାର ହମାସକୁ ବ୍ୟାନ କରନ୍ତି ତ ଡର ଆରବ ଦେଶ ସହ ବିଗିଡ଼ିପାରେ ଭାରତର ସମ୍ପର୍କ । ଦେଶରେ କୌଣସି ସଂଗଠନକୁ ବ୍ୟାନ୍ କରାଯିବ ସେନେଇ ଆଇନ୍ ଅନୁସାରେ ନିଷ୍ପତ୍ତି ନେଇଥାଏ ଗୃହ ମନ୍ତ୍ରଣାଳୟ । ୨୦୨୩ ଫେବ୍ରୁଆରୀ ସୁଦ୍ଧା UAPA ତାଲିକାରେ ୪୪ଟି ସଂଗଠନ ରହିଛନ୍ତି । ଉକ୍ତ ସଂଗଠନକୁ ଭାରତ ଆତଙ୍କବାଦୀ ସଂଗଠନ ବିବେଚନା କରେ ।

ଶେଷଥର ପାଇଁ ଭାରତ ୨୦୧୫ରେ ISISକୁ ଭାରତ ଆତଙ୍କବାଦୀ ସଂଗଠନ ଘୋଷଣା କରିଥିଲା । କୌଣସି ସଂଗଠନକୁ ଏହି ତାଲିକାର ରଖିବା ହେଉଛି ଏକ ଲମ୍ବା ପ୍ରକ୍ରିୟା । ହୋଇପାରେ ଭବିଷ୍ୟତରେ ଭାରତ, ହମାସକୁ ନେଇ କୌଣସି ନିଷ୍ପତ୍ତି ନେଇପାରେ । କିନ୍ତୁ ଏବେ କିଛି ହେବାର ନାହିଁ ।

‘ଇସ୍ରାଏଲକୁ କଡ଼ା ସନ୍ଦେଶ’; ଯୁଦ୍ଧ ମଧ୍ୟରେ ସମସ୍ତ କୂଟନୀତିଜ୍ଞଙ୍କୁ ଫେରାଇ ନେବ ଦକ୍ଷିଣ ଆଫ୍ରକା

ବିଶେଷଜ୍ଞଙ୍କ ଅନୁସାରେ, ସବୁବେଳେ ଭାରତର ଆଭିମୁଖ୍ୟ ଭିନ୍ନ ଓ ସ୍ୱାଧୀନ ଫିଲିସ୍ତିନକୁ ନେଇ ରହିଛି । ଏବେବି ଭାରତର ଆଭିମୁଖ୍ୟ ସମାନ ରହିଛି । ଏଥିପାଇଁ ଭାରତ, ହମାସକୁ ଆତଙ୍କବାଦୀ ସଂଗଠନ ଘୋଷଣା କରୁ ନାହିଁ । ନିକଟରେ ଗାଜାରେ ଅସ୍ତ୍ରବିରତିକୁ ନେଇ ଜାତିସଂଘରେ ହୋଇଥିବା ଭୋଟିଂରେ ଭାରତ ଭାଗ ନେଇ ନଥିଲା ।