ପ୍ରମୁଖ ଖବର
  • ଆଜି ଓୟୁଟିଆର୍‌ରେ ପ୍ରଥମ ସମାବର୍ତ୍ତନ ଉତ୍ସବ, ସଭାପତିତ୍ୱ କରିବେ ରାଜ୍ୟପାଳ
  • ||
  • ମଙ୍ଗଳବାର ୟୁପି ରାଜ୍ୟସଭା ନିର୍ବାଚନ, ବିଜେପିକୁ ସମର୍ଥନ କରିବେ ରାଜା ଭୈୟା
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||
  • ୨୯ରେ ଶ୍ରୀମନ୍ଦିର ପରିଚାଳନା କମିଟି ବୈଠକ, ଉପସ୍ଥାପିତ ହେବ ରତ୍ନଭଣ୍ଡାର ଲେଜର ସ୍କାନିଂ ରିପୋର୍ଟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସ ୯ ଓ୍ବିକେଟ୍ ବିଜୟୀ, ୟୁପି ୱାରିୟର୍ସର ଦ୍ୱିତୀୟ ପରାଜୟ
  • ||
  • ବୁଧବାରଠୁ ୪ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ଆଜି କାର୍‌କେଡ୍‌ ରିହର୍ସାଲ କରିବ ଓଡ଼ିଶା ପୁଲିସ୍‌
  • ||
  • ଶନିବାର ବାରବାଟୀ ଷ୍ଟାଡିୟମ୍‌ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ, ୪୧ଟି କ୍ରିକେଟ୍‌ ଏକାଡେମୀ ହେବ ଲୋକାର୍ପଣ
  • ||
  • ଆସନ୍ତା ୩ ତାରିଖ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଅସ୍ତ୍ରବିରତି ଶେଷ ପରେ ଗାଜାର ୪୦୦ ସ୍ଥାନରେ ଇସ୍ରାଏଲର ଆକ୍ରମଣ, ୨୪୦ ମୃତ

ଜେରୁଜେଲମ୍, ୦୨/୧୨: ହମାସ୍-ଇସ୍ରାଏଲ୍ ମଧ୍ୟରେ ଯୁଦ୍ଧ ବିରତି ଶେଷ ପରେ ଗାଜା ପଟ୍ଟିରେ ପୁଣି ଥରେ ଆକ୍ରମଣ ଶାଣିତ କରିଛି ଆଇଡିଏଫ୍ । ଶୁକ୍ରବାର ଯୁଦ୍ଧ ବିରତି ଶେଷ ପରେ ଇସ୍ରାଏଲ୍ କରିଥିବା ଆକ୍ରମଣରେ ଶନିବାର ସୁଦ୍ଧା ୨୪୦ ଜଣଙ୍କ ମୃତ୍ୟୁ ହୋଇଥିବା ହମାସ୍ ଦାବି କରିଛି । 

ଅନ୍ୟପଟେ ଜାତିସଂଘ ଅନୁସାରେ, ଯୁଦ୍ଧରେ ବିସ୍ଥାପିତ ହୋଇଛନ୍ତି ଗାଜାର ପ୍ରାୟ ୧.୭ ମିଲିୟନ୍ ଲୋକ ଯାହାକି ମୋଟ ଜନସଂଖ୍ୟାର ୮୦ ପ୍ରତିଶତ । ପ୍ରାୟ ୮ ସପ୍ତାହ ହେଲାଣି ହମାସ୍-ଇସ୍ରାଏଲ୍ ମଧ୍ୟରେ ଯୁଦ୍ଧ ଲାଗି ରହିଛି । ଗାଜାର ଅଲ୍-ଅହିଲ୍ ହସ୍ପିଟାଲର ମୁଖ୍ୟ ଡାକ୍ତର ଫଡେଲ୍ ନୈମ୍ ସକାଳୁ ୩୦ଟି ମୃତଦେହ ମିଳିଥିବା କହିଛନ୍ତି । ଯେଉଁଥିରେ ୭ ଜଣ ଛୁଆ ବି ପ୍ରାଣ ହରାଇଛନ୍ତି ।

ସେହିଭଳି ଜଣେ ସ୍ଥାନୀୟ ବାସିନ୍ଦାଙ୍କ ଅନୁସାରେ, ୩ଟି ବୋମା ତାଙ୍କ ଘରେ ଉପରେ ଖସିବାରୁ ପରିବାରର ୧୦ ଜଣ ପ୍ରାଣ ହରାଇଛନ୍ତି । ୧୩ ଜଣ ଆହତ ହୋଇଥିବା ଜଣାପଡ଼ିଛି । ଗାଜାରେ ଲୋକଙ୍କୁ ପର୍ଯ୍ୟାପ୍ତ ଖାଦ୍ୟ, ପାନୀୟ ଓ ଅନ୍ୟ ଆବଶ୍ୟକୀୟ ସାମଗ୍ରୀ ମିଳୁ ନାହିଁ । ଅଧିକାଂଶ ଘର ନଷ୍ଟ ହୋଇ ଯାଇଛି । 

ଶୁକ୍ରବାର ହମାସ୍-ଇସ୍ରାଏଲ୍ ମଧ୍ୟରେ ଯୁଦ୍ଧ ବିରତି ଶେଷ ହେବା ପରେ ଇଜିପ୍ଟର ରାପାହ ବର୍ଡର ଦେଇ ସହାୟତା ଟ୍ରକକୁ ଇସ୍ରାଏଲ୍ ଛାଡ଼ି ନାହିଁ । ତେବେ ଶନିବାର କିଛି ଟ୍ରକକୁ ଇଜିପ୍ଟ ପ୍ରଶାସନ ଛାଡ଼ିଥିବା ସୂଚନା ମିଳିଛି । ହମାସ୍ ଓ ଇସ୍ରାଏଲ୍ ପରସ୍ପରକୁ ଅସ୍ତ୍ରବିରତି ଉଲ୍ଲଂଘନ କରିଥିବା ନେଇ ଦାୟୀ କରୁଛନ୍ତି । ଅସ୍ତ୍ରବିରତି ସମୟରେ ଇସ୍ରାଏଲ୍ ୩୪୦ ଫିଲିସ୍ତିନ୍ ବନ୍ଦୀଙ୍କୁ ମୁକ୍ତସ କରିଥିବା ବେଳେ ହମାସ୍ ୮୦ ଜଣ ପଣବନ୍ଦୀଙ୍କୁ ଛାଡ଼ିଥିଲା । 

ଅକ୍ଟୋବର ୭ରେ ହମାସ୍ ଅତର୍କିତ ଭାବେ ଇସ୍ରାଏଲ୍ ଉପରେ ଆକ୍ରମଣ କରିଥିଲା । ହମାସରେ ଆକ୍ରମଣରେ ଇସ୍ରାଏଲର ୧୨୦୦ ନାଗିରକଙ୍କ ମୃତ୍ୟୁ ହୋଇଥିଲା । ପ୍ରାୟ ୨୪୦ ଜଣଙ୍କୁ ପଣବନ୍ଦୀ କରି ନେଇ ଯାଇଥିଲେ ହମାସ୍ ଆତଙ୍କବାଦୀ । ତା ପରେ ଇସ୍ରାଏଲ୍ ଆକ୍ରମଣରେ ଗାଜାରେ ୧୫ ହଜାରରୁ ଅଧିକ ଲୋକଙ୍କ ଜୀବନ ଗଲାଣି ।


News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.