ନୂଆଦିଲ୍ଲୀ ୦୭/୦୯: ଦେଶର ଔପଚାରିକ ନାଁ ଇଣ୍ଡିଆରୁ ଭାରତ କରାଯିବାକୁ ନେଇ ଚାଲିଥିବା ଚର୍ଚ୍ଚାରେ ଏଣ୍ଟ୍ରି କରିଛନ୍ତି ବଲିଉଡ୍‌ କୁଇନ୍‌ କଙ୍ଗନା ରଣାୱତ । ସେ ଏହାକୁ ସମର୍ଥନ କରିଛନ୍ତି । ସୋସିଆଲ ମିଡିଆରେ ପୋଷ୍ଟ୍‌ କରି ସେ ଲେଖିଛନ୍ତି, ୨୦୨୧ ମସିହାରେ ସେ କହିଥିଲେ ଯେ ଖୁବ୍‌ଶୀଘ୍ର ଦେଶର ନାଁ ବଦଳି ଇଣ୍ଡିଆରୁ ଭାରତ ହେବା ଉଚିତ୍‌ । ସେ ଟ୍ୱିଟରରେ ନିଜ ପୁରୁଣା ସାକ୍ଷାତକାରର ଏକ ସ୍କ୍ରିନ୍‌ଶଟ୍‌ ଶେୟାର କରିଛନ୍ତି । ସେଥିରେ ଦୁଇ ବର୍ଷ ତଳେ ଦେଶର ନାଁ ବଦଳାଇବାର ଇଚ୍ଛା ଜାହିର କରିଥିଲେ । କଙ୍ଗନା କହିଥିଲେ ‘ଆମକୁ ଇଂରେଜଙ୍କ ଠାରୁ ‘ଇଣ୍ଡିଆ’ ନାଁ ମିଳିଛି । ତେଣୁ ଦେଶର ନାଁ ଭାରତ ହେବା ଉଚିତ୍‌ । ପୁରୁଣା ଟ୍ୱିଟ୍‌ ଶେୟାର କରି ସେ ଲେଖିଛନ୍ତି ‘ସମସ୍ତଙ୍କୁ ଅଭିନନ୍ଦନ, ଆମେ ସମସ୍ତେ ଦାସତ୍ୱର ନାଁରୁ ମୁକ୍ତ ହୋଇଗଲୁ... ଜୟ ଭାରତ ।’

And some call it black magic …. It’s simply Grey matter honey 🙃
Congratulations to everyone!!
Freed from a slave name …
Jai Bharat 🇮🇳 https://t.co/I6ZKs3CWNl

— Kangana Ranaut (@KanganaTeam) September 5, 2023

ଆଉ ଏକ ଟ୍ୱିଟ୍‌ରେ କଙ୍ଗନା ଲେଖିଛନ୍ତି ‘ଇଣ୍ଡିଆ’ ନାଁରେ ଭଲପାଇବା ଭଳି କ’ଣ ଅଛି? ସର୍ବପ୍ରଥମେ ବିଦେଶୀ ଆକ୍ରମଣକାରୀମାନେ ସିନ୍ଧୁ ନାଁ ଉଚ୍ଚାରଣ କରିପାରିଲେ ନାହିଁ । ତେଣୁ ନାଁକୁ ବିଗାଡ଼ି ‘ଇଣ୍ଡସ୍‌’ବା ‘ହିନ୍ଦୋସ୍‌’ କରିଦେଲେ । ମହାଭାରତ କାଳରୁ କୁରୁକ୍ଷେତ୍ରର ମହାଯୁଦ୍ଧରେ ଭାଗ ନେଇଥିବା ସମସ୍ତ ରାଜ୍ୟ ‘ଭାରତ ମହାଦ୍ୱୀପ’ ନାମରେ ପରିଚିତ ଥିଲେ । ସେମାନେ ଆମକୁ ସିନ୍ଧୁ କାହିଁକି କହୁଥିଲେ? ଭାରତ ନାଁ ଉପଯୁକ୍ତ । ‘ଇଣ୍ଡିଆ’ର ଅର୍ଥ କ’ଣ? ସେମାନେ ଆମକୁ ରେଡ୍‌ ଇଣ୍ଡିଆନ୍‌ କହୁଥିଲେ, କାରଣ ପ୍ରାଚୀନ ଇଂରାଜୀରେ ଇଣ୍ଡିଆନ୍‌ର ଅର୍ଥ ଗୁଲାମ ବା ଦାସ ଥିଲା । ସେମାନେ ଆମକୁ ଇଣ୍ଡିଆନ୍‌ ପରିଚୟ ଦେଇଥିଲେ । ପୁରୁଣା କାଳର ଅଭିଧାନରେ ମଧ୍ୟ ଇଣ୍ଡିଆନ୍‌ର ଅର୍ଥ ଗୁଲାମ ବୋଲି ଉଲ୍ଲେଖ ହୋଇଥିଲା । ଏବେ କିନ୍ତୁ ଏହା ବଦଳିଯାଇଛି । ଆମେ ଭାରତୀୟ, ଇଣ୍ଡିଆନ୍‌ ନୁହଁ ।’

What is there to love in this name? First of all they couldn’t pronounce ‘Sindhu’ toh usko bigad ke ‘ Indus’ kar diya. Phir kabhi Hindos kabhi Indos kuch bhi gol mol karke India bana diya.
From the time of Mahabharata, all the kingdoms who participated in the Great War of… https://t.co/R11hrMcjbH

— Kangana Ranaut (@KanganaTeam) September 5, 2023

କଙ୍ଗନାଙ୍କ ପୂର୍ବରୁ ଅମିତାଭ ବଚ୍ଚନ ସୋସିଆଲ ମିଡିଆରେ ଦେଶର ନାଁ ଇଣ୍ଡିଆରୁ ଭାରତ କରାଯିବାକୁ ନେଇ ନିରବ ସମର୍ଥନ ଜଣାଇଛନ୍ତି । ପୂର୍ବ ଭାରତୀୟ କ୍ରିକେଟର ବିରେନ୍ଦ୍ର ସେହୱାଗ ମଧ୍ୟ ଏହାକୁ ଖୋଲାଖୋଲି ସମର୍ଥନ କରିଛନ୍ତି । ସୋସିଆଲ ମିଡିଆରେ ଏବେ ଇଣ୍ଡିଆ ବନାମ ଭାରତ ଟ୍ରେଣ୍ଡ୍‌ କରୁଛି ।