ବେଗୁନିଆ ୦୪/୧୨: ୨୦୨୪ ନିର୍ବାଚନ ନିମନ୍ତେ ଭୁବନେଶ୍ୱର ବିଜେପି ସାଂସଦ ଅପରାଜିତା ଷଡଙ୍ଗୀ ଆରମ୍ଭ କଲେଣି ରଣନୀତି । ଅପରାଜିତା ପ୍ରଥମେ ଖେଳ କିଟ ବାଣ୍ଟି ସଂସଦୀୟ କ୍ଷେତ୍ରର ଯୁବଗୋଷ୍ଠୀଙ୍କ ସମର୍ଥନ ହାତେଇବାକୁ ଉଦ୍ୟମ କରିଥିବା ବେଳେ ଏବେ ନଜର ମହିଳା ଭୋଟରଙ୍କ ଉପରେ । ଆଜି ଖୋର୍ଦ୍ଧା ଜିଲ୍ଲା ବେଗୁନିଆ ମିନି ଷ୍ଟାଡିୟମରେ ସାଂସଦ ଅପରାଜିତା ଏକ ମହିଳା ସମାବେଶ ଆୟୋଜନ କରିଥିଲେ । ଏଥି ସହ ଆସନ୍ତା ନିର୍ବାଚନ ପାଇଁ ପ୍ରଚାର ମଧ୍ୟ ଆରମ୍ଭ କରିଛନ୍ତି ।
ସମାବେଶରେ ବେଗୁନିଆ ନିର୍ବାଚନମଣ୍ଡଳୀରୁ ବହୁ ମହିଳାଙ୍କୁ ବିନା ଦଳୀୟ ଚିହ୍ନରେ ଏକାଠି କରିଥିଲେ । ସମାବେଶରେ ଅପରାଜିତା ରାଜ୍ୟ ସରକାରଙ୍କୁ ମଞ୍ଚ ଉପରୁ ଟାର୍ଗେଟ କରିଥିଲେ । ଜିଲ୍ଲା ବିଜେପି ସଭାପତି ରଶ୍ମିରଞ୍ଜନ ମହାପାତ୍ର, ଉପସଭାପତି ରୋଜିନା ରାଣୀ ଦାସ, ଜିଲ୍ଲା ସାଧାରଣ ସଂପାଦକ ପ୍ରକାଶ ବିଜୁଳି, ବରିଷ୍ଠ ବିଜେପି ନେତା ରବିନ୍ଦ୍ର ନାଥ ପରିଡା, ରାଜ୍ୟ କୃଷକ ମୋର୍ଚ୍ଚା କୋଷାଧ୍ୟକ୍ଷ ବିଶ୍ୱଜିତ ସ୍ୱାଇଁଙ୍କ ସମେତ ବହୁ ପ୍ରମୁଖ ନେତା ଓ ବିଜେପି କାର୍ଯ୍ୟକର୍ତ୍ତା ଉପସ୍ଥିତ ଥିଲେ । ମୌସୁମୀ ମହାପାତ୍ର କାର୍ଯ୍ୟକ୍ରମ ସଂଚାଳନ କରିଥିଲେ । ରଘୁନାଥ ଷଡ଼ଙ୍ଗୀ ଅତିଥି ପରିଚୟ ଓ ଅଶୋକ ପଟ୍ଟନାୟକ ଧନ୍ୟବାଦ ଦେଇଥିଲେ ।
