ନୂଆଦିଲ୍ଲୀ ୦୧/୧୨: ପାଚିଲା କଦଳୀ ଶରୀର ପାଇଁ ଖୁବ୍‌ ଲାଭଦାୟକ ଏକଥା ସମସ୍ତେ ଜାଣନ୍ତି । କିନ୍ତୁ କଞ୍ଚା କଦଳୀର ଫାଇଦା ବିଷୟରେ ଜାଣନ୍ତି କି? ସେମିତି ଦେଖିବାକୁ ଗଲେ ବିଭିନ୍ନ ଫଳରେ ଭିନ୍ନ ଭିନ୍ନ ଗୁଣ ନିଶ୍ଚୟ ରହିଛି । କିନ୍ତୁ କଞ୍ଚା କଦଳୀ ପୋଷକ ତତ୍ତ୍ୱରେ ଭରା । ଏହା ସହଜରେ ହଜମ ହୋଇଥାଏ । ଏଥିରେ ଫାଇବର, ପୋଟାସିୟମ୍‌ ସହିତ ଅନ୍ୟାନ୍ୟ ପୋଷକ ତତ୍ତ୍ୱ ମଧ୍ୟ ରହିଛି ।

ଓଜନ କମାଏ :

କଞ୍ଚା କଦଳିରେ ରେଜିଷ୍ଟାର୍ଡ ଷ୍ଟାର୍ଚ ଓ ପୋକ୍ଟିନ୍‌ ରହିଛି, ଯାହା ଦୀର୍ଘ ସମୟ ଯାଏ ପେଟକୁ ଭରା ରଖିଥାଏ । ଫଳରେ ଭୋକ ଲାଗି ନଥାଏ । ବାରମ୍ବାର ଖାଦ୍ୟ ନ ଖାଇବା ଦ୍ୱାରା ଓଜନ ନିୟନ୍ତ୍ରିତ ରହିଥାଏ ।

ପ୍ରଦାହ କମାଏ :

କଞ୍ଚା କଦଳୀରେ ଥିବା ଆଣ୍ଟି-ଅକ୍ସିଡାଣ୍ଟ ଫ୍ରି ରେଡିକଲ୍ସରୁ ଶରୀରକୁ ରକ୍ଷା କରିଥାଏ । ସୁସ୍ଥ କୋଷଗୁଡିକୁ ଅକ୍ସିଡେଟିଭ୍‌ ଡ୍ୟାମେଜ୍‌ ବା ନଷ୍ଟ ହେବାରୁ ରକ୍ଷା କରିଥାଏ । ଏହି କଦଳୀରେ ଭିଟାମିନ୍‌-ସି, ଭିଟା କ୍ୟାରୋଟିନ୍‌ ଏବଂ ଫାଇଟୋନ୍ୟୁଟ୍ରିଏଣ୍ଟ୍‌ ରହିଛି, ଯାହା ପ୍ରଦାହକୁ କମ୍‌ କରିଥାଏ ।

ଭିଟାମିନ୍‌ ସି’ରେ ଭରା :

କଞ୍ଚା କଦଳୀରେ ବହୁ ମାତ୍ରାରେ ଭିଟାମିନ୍‌ ସି’ ରହିଥାଏ । ଫଳରେ ଏହା ବିଭିନ୍ନ ସଂକ୍ରମଣ ଓ ପୁରୁଣା ରୋଗରୁ ରକ୍ଷା କରିଥାଏ । ଏହା ରୋଗ ପ୍ରତିରୋଧକ ଶକ୍ତି ବଢାଇବା ସହିତ ତ୍ୱଚାକୁ ସୁସ୍ଥ ରଖିଥାଏ ।

ରକ୍ତରେ ଶର୍କରା ସ୍ତର କରେ ନିୟନ୍ତ୍ରିତ :

ପାଚିଲା କଦଳୀ ତୁଳନାରେ କଞ୍ଚା କଦଳୀରେ ଶର୍କରା କମ୍‌ ରହିଥାଏ । ଏହାବ୍ୟତୀତ ଏଥିରେ ଥିବା ରେଜିଷ୍ଟାର୍ଡ ଷ୍ଟାର୍ଚ ଓ ପୋକ୍ଟିନ ରକ୍ତରେ ଶର୍କରାସ୍ତରକୁ ନିୟନ୍ତ୍ରିତ ରଖିଥାଏ । ସେହିପରି କଞ୍ଚା କଦଳୀର ଗ୍ଲାଇସୋମିକ୍‌ ଇଣ୍ଡେକ୍ସ କମ୍‌ ରହିଥାଏ ।

Also Read:-

ଶୀତଦିନେ ଉଦାସ ଅନୁଭବ କରୁଛନ୍ତି କି? ଆପଣାନ୍ତୁ ଏହି ସବୁ ଉପାୟ