ନୂଆଦିଲ୍ଲୀ,୦୯/୦୯: ଚୀନ ସରକାର ସେଠାକାର ସରକାରୀ କର୍ମଚାରୀଙ୍କୁ ଆଇଫୋନ ବ୍ୟବହାର ନ କରିବାକୁ ନିର୍ଦ୍ଦେଶ ଦେବା ପରେ ଏହା କମ୍ପାନିର ସେୟାର କାରବାର ଉପରେ ପ୍ରଭାବ ପଡିଛି । ଫଳରେ ଆପଲ୍ କମ୍ପାନିର ସେୟାର କାରବାର ୬% ହ୍ରାସ ହୋଇଛି । ଗୁରୁବାର ଏହା ୫.୩୫ ଡଲାର ହ୍ରାସ ହୋଇ ୧୭୭.୫୬ ଡଲାର ରହିଛି ।
ଚୀନ ହେଉଛି ଆପଲର ତୃତୀୟ ବୃହତ୍ ବଜାର । ଗତ ବର୍ଷ ଚୀନର ୩୯୪ ବିଲିୟନ ଡଲାର ରାଜସ୍ୱ ମଧ୍ୟରୁ ଚୀନର ଅଂଶ ୧୮% ରହିଛି । ଚୀନରେ ଆପଲର ସବୁଠାରୁ ଅଧିକ ଫୋନ ନିର୍ମାଣ ହୋଇଥାଏ । ସେଠାରେ କଟକଣା ଯୋଗୁ କମ୍ପାନିର ବିକ୍ରି ୫% କମିପାରେ ବୋଲି ଆକଳନ କରାଯାଇଛି । ଆମେରିକାର ଆପଲ ସହ ଅନ୍ୟ ଦେଶଗୁଡିକର ଡିଭାଇସ ବ୍ୟବହାର ନ କରିବାକୁ ଚୀନ ସରକାର ସରକାରୀ କର୍ମଚାରୀଙ୍କୁ ବାରଣ କରିଥିବା ୱାଲ ଷ୍ଟ୍ରିଟ ଜର୍ଣ୍ଣାଲରେ ଏକ ରିପୋର୍ଟ ଆସିଥିଲା
