ଜୟପୁର,୧୧/୧୧:  ରାଜସ୍ଥାନର ଦୌସାରେ ଜଣେ ପୁଲିସ୍‌ ସବ୍‌-ଇନ୍ସପେକ୍ଟର ଜଣେ  ୪ ବର୍ଷୀୟ ଝିଅକୁ ଦୁଷ୍କର୍ମ କରିବାର ଘଟଣା ସାମ୍ନାକୁ ଆସିଛି । ଲାଲସୋଟ ବିଧାନସଭା ଆସନର  ରାହୁବାସ ଗାଁରେ ଏହି ଅଘଟଣ  ଘଟିଛି । 

ବିଧାନସଭା ନିର୍ବାଚନକୁ  ଦୃଷ୍ଟିରେ ଦୌସା ଏସ୍‌ପି ବନ୍ଦିତା  ରାଣା ସବ୍‌-ଇନସପେକ୍ଟର  ଭୂପେନ୍ଦ୍ର ସିଂହଙ୍କୁ ରାହୁବାସ ଗାଁକୁ ଡ୍ୟୁଟି ଲାଗି ପଠାଇଥିଲେ । ସେଠାରେ ଭୂପେନ୍ଦ୍ର ଅନ୍ୟ ଜଣେ ପୁଲିସକର୍ମୀଙ୍କ ଦ୍ୱାରା ଭଡା ନିଆଯାଇଥିବା ଏକ ରୁମ୍‌ ବ୍ୟବହାର କରୁଥିଲେ । ୪ ବର୍ଷୀୟ ଝିଅଟି  ଖେଳୁଖେଳୁ ସେହି କୋଠରୀ ପାଖରୁ ଆସିବା ପରେ ଭୂପେନ୍ଦ୍ର  ତାଙ୍କୁ କୋଠରୀକୁ ଟେକି ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଘଟଣା ଜଣାପଡିବା  ପରେ ସ୍ଥାନୀୟ ଲୋକେ ଥାନା  ଘେରାଉ କରି ପୁଲିସ ବିରୋଧରେ  ନାରାବାଜି କରିଥିଲେ । ଝିଅର ପରିଜନଙ୍କ ଅଭିଯୋଗକ୍ରମେ ଭୂପେନ୍ଦ୍ରଙ୍କ ବିରୋଧରେ ଏତଲା ରୁଜୁ ହୋଇଛି । ଅଭିଯୁକ୍ତ ଏସ୍ଆଇଙ୍କୁ ଗିରଫ କରି ତଦନ୍ତ ଆରମ୍ଭ କରିଛି ପୁଲିସ।