ନୂଆଦିଲ୍ଲୀ,୦୨/୦୯: ଗ୍ଲୋବାଲ  ଫାଇନାନ୍ସ ମାଗାଜିନ ପକ୍ଷରୁ ସେଣ୍ଟ୍ରାଲ  ବ୍ୟାଙ୍କ ରିପୋର୍ଟ କାର୍ଡ ୨୦୨୩ ପ୍ରକାଶ  ପାଇଛି । ଏଥିରେ ରିଜର୍ଭ ବ୍ୟାଙ୍କ  ଗଭର୍ଣ୍ଣର ତଥା ଓଡ଼ିଆ ପୁଅ ଶକ୍ତିକାନ୍ତ  ଦାସଙ୍କୁ ଏ ପ୍ଲସ ମାନ୍ୟତା ରହିଛି ।  ତାଲିକାରେ ସେ ପ୍ରଥମରେ ରହିଛନ୍ତି ।  ଏହି ମାନ୍ୟତା ପାଇବାରେ ବିଶ୍ୱର ୩  ଶ୍ରେଷ୍ଠ କେନ୍ଦ୍ରୀୟ ବ୍ୟାଙ୍କ ଗଭର୍ଣ୍ଣରଙ୍କ  ମଧ୍ୟରେ ଶକ୍ତିକାନ୍ତ ରହିଛନ୍ତି ।  ମାଗାଜିନ ଏହାର ଅକ୍ଟୋବର  ସଂସ୍କରଣ (ପ୍ରିଣ୍ଟ ଓ ଡିଜିଟାଲ)ରେ  ବ୍ୟାଙ୍କରଙ୍କ ସମ୍ପର୍କରେ ଏକ ଆଲେଖ୍ୟ  ପ୍ରକାଶ କରିବ । 

୧୯୯୪ ପରଠାରୁ ୧୦୧ ପ୍ରମୁଖ  ଦେଶର କେନ୍ଦ୍ରୀୟ ବ୍ୟାଙ୍କ ଗଭର୍ଣ୍ଣରଙ୍କ  ତାଲିକା ଗ୍ଲୋବାଲ ଫାଇନାନ୍ସ ପ୍ରକାଶ  କରୁଛି । ଏ ପ୍ଲସ ମିଳିଥିବା ଅନ୍ୟ ୨  ଗଭର୍ଣ୍ଣର ହେଲେ ସୁଇଜରଲ୍ୟାଣ୍ଡର  ଥୋମାସ ଜେ ଜୋର୍ଡାନ ଏବଂ  ଭିଏଟନାମର ଗୁଏନ ଥିନ ହଙ୍ଗ  ରହିଛନ୍ତି । ମୁଦ୍ରାସ୍ଫୀତି ନିୟନ୍ତ୍ରଣ, ଆର୍ଥିକ ଅଭିବୃଦ୍ଧି ଲକ୍ଷ୍ୟ, ମୁଦ୍ରା  ସ୍ଥିରତା, ସୁଧହାର ପରିଚାଳନା ଭଳି  ବିଭିନ୍ନ ଦିଗକୁ ଧ୍ୟାନରେ ରଖି ଏ ଠାରୁ  ଏ ଯାଏ ର‌୍ୟାଙ୍କ ଦେଇଥାଏ ଏହି  ମାଗାଜିନ । ଏସବୁ କ୍ଷେତ୍ରରେ ଭଲ  କାମ କରିଥିବା ଗଭର୍ଣ୍ଣର ମାନ୍ୟତା  ପ୍ରଦାନ କରିବା ଦିଗରେ ଏଭଳି  ପଦକ୍ଷେପ ଗ୍ରହଣ କରାଯାଉଛି ବୋଲି  ଗ୍ଳୋବାଲ ଫାଇନାନ୍ସର ପ୍ରତିଷ୍ଠାତା  ତଥା ଏଡିଟୋରିଆଲ ଡାଇରେକ୍ଟର  ଜୋସେଫ ଗିଆରାପୋଟୁ କହିଛନ୍ତି।