ଗଜପତି, ୦୨/୦୧ : ଡ଼ାକ୍ତରଙ୍କୁ ମାଡ଼ ମାରି ଗିରଫ। ପାରଳାଖେମୁଣ୍ଡିର ମୃତ ନବୋଦୟ ଛାତ୍ରୀଙ୍କ ମା ସୁଜ୍ଞାନୀ ରୋଇତ ପୋଷ୍ଟମର୍ଟମ କରିଥିବା ଡାକ୍ତରଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ଜୋତାରେ ମାଡ଼ ମାରିଥିଲେ। ଏହି ଘଟଣାରେ ଆଜି ପାରଳାଖେମୁଣ୍ଡି ପୋଲିସ ସୁଜ୍ଞାନୀଙ୍କୁ ଗିରଫ କରିଛି। ପୋଲିସ ଏନେଇ ଅଧିକ ତଦନ୍ତ ଜାରି ରଖିଛି।

ସୂଚନାନୁଯାୟୀ, ଗତବର୍ଷ ଫେବୃଆରୀ ୧୭ରେ ନବୋଦୟ ବିଦ୍ୟାଳୟରେ ସୁଜ୍ଞାନୀଙ୍କ ଝିଅ ଆତ୍ମହତ୍ୟା କରିଥିବା ଖବର ମିଳିଥିଲା । ମୃତ ନାବାଳିକାଙ୍କ ମା ସୁଜ୍ଞାନୀ ଆତ୍ମହତ୍ୟା କଥାକୁ ଅସ୍ବୀକାର କରିଥିଲେ । ଝିଅର ପୋଷ୍ଟମର୍ଟମ ରିପୋର୍ଟରେ ଡ଼ାକ୍ତର ଆତ୍ମହତ୍ୟା ଲେଖିଥିବା ନେଇ ଅସନ୍ତୁଷ୍ଟ ଥିଲେ ସୁଜ୍ଞାନୀ। ଜାନୁଆରୀ ୩୦ ତାରିଖ ଦିନ ମୃତ ଛାତ୍ରୀଙ୍କ ମା ଜିଲ୍ଲା ମୁଖ୍ୟ ଚିକତ୍ସାଳୟକୁ ଯାଇ ରିପୋର୍ଟ ଦେଇଥିବା ଡାକ୍ତରଙ୍କୁ ଅଶ୍ଳୀଳ ଭାଷା ପ୍ରୟୋଗ କରିବା ସହ ସମସ୍ତ କର୍ମଚାରୀଙ୍କ ଆଗରେ ତାଙ୍କୁ ଜୋତାରେ ମାଡ଼ ମାରିଥିଲେ । ଏଇ ଘଟଣାରେ ସୁଜ୍ଞାନୀଙ୍କୁ ଗିରଫ କରିଛି ପାରଳାଖେମୁଣ୍ଡି ପୋଲିସ ।