ବଲାଙ୍ଗିର/ସଇନ୍ତଳା,୦୪/୧୧: ବଲାଙ୍ଗିର ଜିଲ୍ଲା  ସଇନ୍ତଳା ବ୍ଲକ ଅନ୍ତର୍ଗତ ବଡ଼ମାଳ ଗୋଳାବାରୁଦ  କାରଖାନା ପରିସରରେ କଲରାପତରିଆ ବାଘ  ବୁଲୁଥିବା ଖବର ମିଳିଛି । ଶୁକ୍ରବାର ସକାଳୁ ବାଘର ଏକ ସିସିଟିଭି ଭିଜୁଆଲ ସୋସିଆଲ ମିଡିଆରେ ଭାଇରାଲ  ହେବାରେ ଲାଗିଛି । ଏହା ଗୁରୁବାର ରାତିର ଘଟଣା  ବୋଲି ଜଣାପଡ଼ିଛି । 

ସିସିଟିଭି ଦୃଶ୍ୟ ଅନୁସାରେ, ଏକ  କଲରାପତରିଆ ବାଘ ସୋଲାର ପ୍ଲାଣ୍ଟ ତାର ଜାଲି  ଡେଇଁ ଗୋଳାବାରୁଦ କାରଖାନା ଭିତରକୁ ଆସୁଛି ।  ଏହାପରେ ସେ ଦୌଡ଼ି ପ୍ଲାଣ୍ଟ ପଟକୁ ଚାଲିଯାଇଛି । ଏହି ଖବର ପ୍ରଚାର ପରେ ଶୁକ୍ରବାର କାରଖାନାରେ  କାର୍ଯ୍ୟରତ କର୍ମଚାରୀ ତଥା ଆଖପାଖରେ ରହୁଥିବା  ଅଞ୍ଚଳବାସୀ ଭୟଭୀତ ହୋଇଯାଇଛନ୍ତି । ଟିଟିଲାଗଡ଼  ରେଞ୍ଜର ଲିଙ୍ଗ ଭୋଇଙ୍କ ନେତୃତ୍ୱରେ ବଡ଼ମାଳ ସେକ୍ସନର  ଏକ ଟିମ କାରଖାନାରେ ପହଞ୍ଚି ବାଘର ଗତିବିଧି ଉପରେ  ନଜର ରଖିଛି । ଏ ବାବଦରେ ରେଞ୍ଜର ଶ୍ରୀ ଭୋଇ  କହିଛନ୍ତି, ବାଘ ଠାବ ନେଇ ବିଭିନ୍ନ ସ୍ଥାନରେ ଯାଞ୍ଚ ଚାଲିଛି ।