ପ୍ରମୁଖ ଖବର
  • ମୁମ୍ବାଇ: ମଝି ସମୁଦ୍ରରେ ହୁତୁହୁତୁ ହୋଇ ଜଳିଗଲା ବିଳାସପୂର୍ଣ୍ଣ ବୋଟ, ଅଗ୍ନିକାଣ୍ଡର କାରଣ ଅସ୍ପଷ୍ଟ
  • ||
  • ପାରାଦୀପ: ବିଦେଶୀ ଜାହାଜରେ ୨୨୦ କୋଟିର କୋକେନ୍‌ ଜବତ ମାମଲା, କ୍ରୁ ମେମ୍ବରଙ୍କୁ ଜେରା କରୁଛି ଏନ୍‌ସିବି ଟିମ୍‌
  • ||
  • ଭୁବନେଶ୍ୱର: ଚାକିରୀରୁ ବିଦା ହେଲେ ବୈପାରୀଗୁଡ଼ା ଥାନା IIC, ୩୭ ଲକ୍ଷରୁ ଉର୍ଦ୍ଧ୍ଵ ଟଙ୍କା ଜବତ କରିଥିଲା ଭିଜିଲାନ୍ସ
  • ||
  • ଆଜି ଜାତୀୟ ପ୍ରଦୂଷଣ ନିୟନ୍ତ୍ରଣ ଦିବସ: ପ୍ରଦୂଷଣ କମାନ୍ତୁ, ପ୍ରକୃତି ବଞ୍ଚାନ୍ତୁ
  • ||
  • ଭୁବନେଶ୍ୱର: ପାହାଳରେ ଟ୍ରକ୍‌କୁ ପିଟିଲା କାର୍, ଡ୍ରାଇଭରଙ୍କ ସହ ୩ ମୃତ
  • ||
  • ଭୁବନେଶ୍ୱର: ଆଜିଠୁ ଏମ୍‌ଆର୍‌ଏଫ୍‌ଟି ଆବେଦନ ଆରମ୍ଭ, ୩୦୦ ପିଲାଙ୍କୁ ମିଳିବ ଗବେଷଣା ପାଇଁ ଛାତ୍ରବୃତ୍ତି
  • ||
  • ଭୁବନେଶ୍ୱର: ଆସନ୍ତା ୨୪ ଘଣ୍ଟା ମଧ୍ୟରେ ଗଭୀର ଅବପାତ, ୩ରେ ନେବ ବାତ୍ୟା ରୂପ: ୫ରୁ ପ୍ରବଳ ବର୍ଷା ସମ୍ଭାବନା, ଫସଲ ନଷ୍ଟ ଆଶଙ୍କା
  • ||
  • ଭୁବନେଶ୍ୱର: ୱାଟ୍‌କୋ ଦାଦାଗିରି: ରାତିଅଧିଆ ବନ୍ଦ କରିଦେଲେ ଗଣ୍ଡମୁଣ୍ଡା-ଜାଗମରା ରାସ୍ତା, ଇଟାଲୀରେ ମଉଜ କରୁଛନ୍ତି ଯନ୍ତ୍ରୀ
  • ||
  • ଭୁବନେଶ୍ୱର: ଏଲ୍‌-ନିନୋ ପ୍ରଭାବ: ଏ ବର୍ଷ ଶୀତ ପ୍ରକୋପ ପୂରା କମ୍‌, ଫେବ୍ରୁଆରୀରୁ ମାଡ଼ି ଆସିବ ତାତି
  • ||

ଛଟ୍ ପୂଜାରୁ ଫେରୁଥିବା ବେଳେ ପରିବାର ଉପରକୁ ଗୁଳିମାଡ଼, ୨ ମୃତ, ୪ ଆହତ

ପାଟଣା, ୨୦/୧୧: ଏକତରଫା ଭଲ ପାଇବା କେତେ ଯେ ଭୟାନକ ହୋଇପାରେ ତାହା ଦେଖିବାକୁ ମିଳିଛି ବିହାରର । ସକାଳେ ଛଟ୍ ପୂଜା ସାରି ଫେରୁଥିବା ପରିବାର ଉପରକୁ ବିହାରର ଲଖିସରାଇ ଜିଲ୍ଲା କବାୟା ପୋଲିସ ଥାନା ଅଞ୍ଚଳରେ ।

ଛଟ୍ ଘାଟରୁ ଫେରୁଥିବା ବେଳେ ଗୋଟିଏ ପରିବାର ଉପରେ ଆଖିବୁଜା ଗୁଳିମାଡ଼ ହୋଇଛି । ପରିବାରର ୬ ସଦସ୍ୟଙ୍କ ଦେହରେ ଗୁଳି ବାଜିଛି । ୨ ଭାଇଙ୍କ ମୃତ୍ୟୁ ହୋଇଥିବା ବେଳେ ଆଉ ୪ ଜଣଙ୍କ ଅବସ୍ଥା ଗୁରୁତର ରହିଛି । ଗୁରୁତରଙ୍କୁ ବେଗୁସରାଇରୁ ପାଟଣା ହସ୍ପିଟାଲକୁ ଚିକିତ୍ସା ପାଇଁ ସ୍ଥାନାନ୍ତର କରାଯାଇଛି ।

 ଆଜି ଉଦ୍‌ଘାଟନ ହେବ ତିନି ଆବାସ ପ୍ରକଳ୍ପ, ବସ୍ତିବାସିନ୍ଦାଙ୍କୁ ଘର ଉପହାର ଦେବେ ମୁଖ୍ୟମନ୍ତ୍ରୀ

ଗୁଳିମାଡ଼ ପରେ ଉକ୍ତ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ଲୋକେ ଭୟଭୀତ ଅଛନ୍ତି । ଗୁଳିମାଡ଼ ପରେ ସଙ୍ଗେ ସଙ୍ଗେ ସମସ୍ତଙ୍କୁ ହସ୍ପିଟାଲ୍ ନିଆ ଯାଇଥିଲା । ୨ ଭାଇଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ଉଭୟଙ୍କ ପତ୍ନୀ, ବାପା ଓ ଭଉଣୀ ଗୁରୁତର ଆହତ ହୋଇଛନ୍ତି । ଘଟଣାସ୍ଥଳରେ ପୋଲିସ ପ୍ରଶାସନର ବରିଷ୍ଠ ଅଧିକାରୀ ପହଞ୍ଚି ଥିବା ବେଳେ ପୋଲିସ ଅଭିଯୁକ୍ତକୁ ଧରିବାକୁ ଛାନଭିନ୍ କରୁଛି ।

ଲଖିସରାଇ ଏସପିଙ୍କ ଅନୁସାରେ, ପରିବାରର ୬ ଜଣ ଛଟ୍ ଘାଟରୁ ଫେରୁଥିଲେ । ତାଙ୍କ ଘର ନିକଟରେ ହିଁ ସେମାନଙ୍କୁ ଗୁଳି କରାଯାଇଛି । ଗୁଳି କରିଥିବା ଅଭିଯୁକ୍ତ ହେଉଛି ପରିବାରର ପଡ଼ୋଶୀ ଆଶିଷ ଚୌଧୁରୀ । ପ୍ରାୟ ୧୦ ଦିନ ତଳେ ଅଭିଯୁକ୍ତ ଆଶିଷ ସହ ପରିବାରର କଥା କଟାକଟି ହୋଇଥିଲା । ପୋଲିସ ଅନୁସାରେ, ଏକତରଫା ପ୍ରେମ ବ୍ୟାପାରକୁ ନେଇ ଏହି ଗୁଳିମାଡ଼ ହୋଇଛି ।

ହୃଦ୍‌ରୋଗ ବିଶେଷଜ୍ଞ ଡାକ୍ତର ଜେ.ପି ଦାସଙ୍କ ପରଲୋକ, ଚିତ୍ରଶିଳ୍ପୀ ଭାବେ ଅର୍ଜନ କରିଥିଲେ ବିଶେଷ ଖ୍ୟାତି

ସୂଚନା ଅନୁସାରେ, ଆଶିଷ ନାମକ ଯୁବକ ନିଜ ଘର ସାମ୍ନାରେ ରହୁଥିବା ଯୁବତୀଙ୍କୁ ଭଲ ପାଉଥିଲା । ବିବାହ କରିବାକୁ ଚାହୁଁଥିଲା । କିନ୍ତୁ ଏହାର ବିରୋଧ କରୁଥିଲେ ଯୁବତୀଙ୍କ ପରିବାର । ଏଥିରେ ଉତକ୍ଷିପ୍ତ ହୋଇ ଯୁବକ ଜଣଙ୍କ ଗୁଳିମାଡ଼ କରିଛି । ଚନ୍ଦନ ଝା ଓ ରାଜେନ୍ଦ୍ର ଝାଙ୍କ ମୃତ୍ୟୁ ହୋଇଥିବା ବେଳେ ଶଶିଭୂଷଣ, ଦୁର୍ଗା, ପ୍ରୀତି ଦେବୀ ଓ ଲଭଲୀ ଦେବୀ ଗୁରୁତର ଆହତ ହୋଇଛନ୍ତି ।

Copyright © 2022 - Summa Real Media Private Limited. All Rights Reserved.