ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ଡିସେମ୍ବର ୧୫ ସୁଦ୍ଧା ପ୍ରସ୍ତୁତ ହୋଇଯିବ ଅଯୋଧ୍ୟା ଅନ୍ତର୍ଜାତୀୟ ଏୟାରପୋର୍ଟ, ଶ୍ରୀରାମଙ୍କ ନାମରେ ହେବ ନାମିତ

Image Courtesy: NDTV

ନୂଆଦିଲ୍ଲୀ: ଅଯୋଧ୍ୟାରେ ଭବ୍ୟ ରାମ ମନ୍ଦିର ସାର୍ବଜନୀନ ଦର୍ଶନ ଲାଗି ଖୋଲିବାର ମାସକ ପୂର୍ବରୁ ସହରରେ ନିର୍ମାଣଧୀନ ଅନ୍ତର୍ଜାତୀୟ ବିମାନ ବନ୍ଦରକୁ ନେଇ ବଡ଼ ଖବର ସାମ୍ନାକୁ ଆସିଛି । ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶନିବାର ସୂଚନା ଦେଇଛନ୍ତି ଯେ, ଅଯୋଧ୍ୟାରେ ନିର୍ମାଣ ହେଉଥିବା ଅନ୍ତର୍ଜାତୀୟ ବିମାନ ବନ୍ଦର କାର୍ଯ୍ୟ ଡିସେମ୍ବର ୧୫ ସୁଦ୍ଧା ଶେଷ ହେବ । ଏହି ଏୟାରପୋର୍ଟର ନାଁ ରହିବ ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମ । ଏଠାରେ ବୋଇଂ ୭୩୭, ଏୟାର ବସ୍‌ ୩୧୯ ଏବଂ ଏୟାର ବସ୍‌ ୩୨ହ ଭଳି ବିମାନ ଅବତରଣ କରିପାରିବ ।

ଶନିବାର ଏୟାରପୋର୍ଟ କାର୍ଯ୍ୟର ସମୀକ୍ଷା କରିବାକୁ ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ, ବିକେ ସିଂହଙ୍କ ସହ ଯାଇଥିବା ଯୋଗୀ ଆଦିତ୍ୟନାଥ କହିଛନ୍ତି, ନୂଆ ଭାରତର ପ୍ରତୀକ ହେବ ଅଯୋଧ୍ୟା । ସମୀକ୍ଷା ବୈଠକ ପରେ ମୁଖ୍ୟମନ୍ତ୍ରୀ ଆଦିତ୍ୟନାଥ କହିଛନ୍ତି ଯେ, ପୂର୍ବରୁ ଅଯୋଧ୍ୟା ମାତ୍ର ୧୭୮ ଏକର ପରିବ୍ୟାପ୍ତ ଏକ ଛୋଟ ବିମାନ ବନ୍ଦର ଥିଲା । କିନ୍ତୁ ଏବେ ଏହାକୁ ବହୁତ ବଡ଼ କରିବାକୁ ଯୋଜନା ହୋଇଥିବା ବେଳେ ଏଥିପାଇଁ ରାଜ୍ୟ ସରକାର ୮୨୧ ଏକର ଜମି ଦେଇଛନ୍ତି । ଅଯୋଧ୍ୟାର ବିକାଶ କରିବା ଲାଗି ତାଙ୍କ ସରକାରଙ୍କ ପ୍ରତିଶ୍ରୁତି ପୂରଣ ହେବାକୁ ଯାଉଛି ବୋଲି ଯୋଗୀ ଆଦିତ୍ୟନାଥ କହିଛନ୍ତି ।

 ଅଯୋଧ୍ୟାର ସାଂସ୍କୃତିକ ଦୃଶ୍ୟପଟକୁ ଦେଖାଇବା ଲାଗି ପ୍ରଚେଷ୍ଟା ଜାରି ରହିଛି ବୋଲି କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି । ୬୫ ହଜାର ବର୍ଗ ଫୁଟର ଏହି ଏୟାରପୋର୍ଟର ନିର୍ମାଣ କାର୍ଯ୍ୟ ପ୍ରଥମ ଚରଣରେ ଥିବା ବେଳେ ଏଠାରେ ଘଣ୍ଟାକୁ ୨-୩ଟି ବିମାନ ଅବତରଣ କରିପାରିବ । ୨୨ ଶହ ମିଟରର ରନଓ୍ବେ ନିର୍ମାଣ କାର୍ଯ୍ୟ ଜାରି ରହିଥିବା ବେଳେ ଏଥିରେ ବୋଇଂ ୭୩୭, ଏୟାର ବସ୍‌ ୩୧୯ ଏବଂ ୩୨୦ ଭଳି ବିମାନ ଲ୍ୟାଣ୍ଡ କରିପାରିବ ବୋଲି ସେ କହିଛନ୍ତି ।

ସେପଟେ ଦ୍ବିତୀୟ ପର୍ଯ୍ୟାୟରେ ରନ୍ଓ୍ବେର ଲମ୍ବ ୩୭୦୦ ମିଟରକୁ ବୃଦ୍ଧି କରାଯିବ । ଫଳରେ ଏଠାରେ ବିଶାଳକାୟ ଏୟାରକ୍ରାଫ୍ଟ ବୋଇଂ ୭୮୭ ଡ୍ରିମ ଲାଇନର ଏବଂ ବୋଇଂ ୭୭୭ ଭଳି ବିମାନ ଅବତରଣ କରିପାରିବ । ସେହିଭଳି ବିମାନ ବନ୍ଦରର ପରିଧି ୫ ଲକ୍ଷ ବର୍ଗ ଫୁଟ କରିବାର ଲକ୍ଷ୍ୟ ରହିଛି ବୋଲି କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି ।

  • uttarpradesh
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.