ପ୍ରମୁଖ ଖବର
  • ଆଉ ୫ଟି ଲୋକସଭା ଆସନ ଲାଗି ଆପ୍‌ର ପ୍ରାର୍ଥୀ ଘୋଷଣା
  • ||
  • ବଲାଙ୍ଗିର ଭୀମଭୋଇ ମେଡିକାଲରେ ମୃତ ଶବ ଛାଡି ଫେରାର ସମ୍ପର୍କୀୟ,ଟାଉନ ଥାନା ପୋଲିସର ତଦନ୍ତ ଆଇମ୍ଭ
  • ||
  • ମିଶନ ଶକ୍ତି ମହିଳାଙ୍କ ଆକାଉଣ୍ଟକୁ ଗଲା ଟଙ୍କା,୭୩୦ କୋଟିର ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ସୁନ୍ଦରଗଡ଼: ବାଇକ ଚାଳକ ଙ୍କ ଉପରେ ଚଢ଼ିଗଲା ପାଉଁଶ ବୋଝେଇ ଟ୍ରକ,ବାଇକ ଚାଳକର ମୃତ୍ୟୁ
  • ||
  • ପାଲଲହଡ଼ା ଯାଉଥିଲା ରାଧାମାଧବ, ଅଧାରସ୍ତାରେ ଓଲଟିଲା ବସ୍‌
  • ||
  • କୋରାପୁଟ: ନାଲକୋ ଦାମନଯୋଡ଼ିରେ ରଡ଼ ପଶି ଦୁଇ ଶ୍ରମିକ ମୃତ, ଜଣେ ଗୁରୁତର
  • ||
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||

କରାଇ ନାହାନ୍ତି କି KYC ? ଫେବ୍ରୁଆରୀ ପହିଲାରୁ କାମ କରିବନି FASTag

ନୂଆଦିଲ୍ଲୀ, ୩୧/୦୧: ଆପଣଙ୍କ ଗାଡ଼ିରେ ଫାସଟ୍ୟାଗ୍ ଲାଗିଛି କି ? ଯଦି ହଁ ଜାତୀୟ ରାଜପଥକୁ ଯିବା ପୂର୍ବରୁ ଫାସଟ୍ୟାଗର କେୱାଇସି କରାଇ ନିଅନ୍ତି । ଫାସଟ୍ୟାଗର କେୱାଇସି ଲାଗି ଜାନୁଆରୀ ୩୧ ଆଜି ହେଉଛି ଶେଷ ତାରିଖ । ଫାସଟ୍ୟାଗର କେୱାଇସି ନକଲେ ତାହା ଫେବ୍ରୁଆର ୧ରୁ କାମ କରିବ ନାହିଁ ।

ଜାତୀୟ ରାଜପଥରେ ଥିବା ଟୋଲ୍ ପ୍ଲାଜା ଗୁଡ଼ିକରେ ନିର୍ବିଘ୍ନରେ ଯାଆସ ଲାଗି ୪ ଚକିଆ ଓ ଅନ୍ୟ ଯାନରେ ଫାସଟ୍ୟାଗ୍ ଲାଗିଛି । ଯାହା ମାଧ୍ୟମରେ ଆପଣ ଟୋଲ୍ ପ୍ଲାଜାରେ ନ ଅଟକି ଚାଲି ଯାଉଥିବା ବେଳେ ଆକାଉଣ୍ଟରୁ ଦେୟ କଟୁଛି ।

ବୈଦ୍ୟୁତିକ ଟୋଲ୍ ଆଦାୟକୁ ଅଧିକ ସୁରକ୍ଷିତ କରିବା ଲାଗି କେୱାଇସି ଯାଞ୍ଚର ବୁଧବାର ହେଉଛି ଶେଷ ତାରିଖ । ଗୋଟିଏ ନିର୍ଦ୍ଧିଷ୍ଟ ଗାଡ଼ି ଲାଗି ଏକାଧିକ ଫାସଟ୍ୟାଗ୍ ଜାରି କରାଯାଇଥିବା ଅଭିଯୋଗ ହୋଇଥିଲା । ଯାହାକି ଆରବିଆଇ ନିୟମର ଉଲ୍ଲଂଘନ । ଏହା ପରେ NHAI ପକ୍ଷରୁ ଫାସଟ୍ୟାଗର କେୱାଇସି ଯାଞ୍ଚ କରାଯାଉଛି ।

NHAI ନୋଟିସ୍ ଅନୁସାରେ ଫାସଟ୍ୟାଗର କେୱାଇସି ପାଇଁ ଅନ୍ତିମ ତାରିଖ ଥିଲା ୨୦୨୩ ଡିସେମ୍ବର ୩୧ । କେୱାଇସି ଅବଧିକୁ ୨୦୨୪ ଜାନୁଆରୀ ୩୧ ପର୍ଯ୍ୟନ୍ତ ବୃଦ୍ଧି କରା ଯାଇଥିଲା । ଯଦି ଆପଣ ଫାସଟ୍ୟାଗର କେୱାଇସି କରାଇ ନାହାନ୍ତି ତାହେଲେ କଣ କରିବେ ଆସନ୍ତୁ ଜାଣିବା ।

  • ଅପରାହ୍ଣ ୪ଟାରେ ଅଧିକାଂଶ ବ୍ୟାଙ୍କ ଶାଖା ବନ୍ଦ ହୋଇ ଯାଉଥିବାରୁ ଆପଣ ଅନଲାଇନ୍ ବ୍ୟବସ୍ଥାର ଉପଯୋଗ କରନ୍ତୁ ।

  • ଆପଣଙ୍କ ବ୍ୟାଙ୍କ ୱେବସାଇଟର ଫାସଟ୍ୟାଗ୍ ପେଜକୁ ଯାଆନ୍ତୁ ।

  • ଆପଣଙ୍କ ପଞ୍ଜିକୃତ ମୋବାଇଲ୍ ନମ୍ବର ଦେଇ ଓଟିପି ସାହାଯ୍ୟରେ ଲଗଇନ୍ କରନ୍ତୁ ।

  • ଏହା ପରେ ମାଇଁ ପ୍ରୋଫାଇଲ୍ ସେକ୍ସନକୁ ଯାଇ କେୱାଇସରେ କ୍ଲିକ୍ କରନ୍ତୁ ।

  • ଏହା ପରେ ଆବଶ୍ୟକ ତଥ୍ୟ ଯେଭଳି ବାସସ୍ଥାନ ପ୍ରମାଣପତ୍ର ଦେଇ ସମ୍ବିଟ୍ କରନ୍ତୁ ।

  • କେୱାଇସି ଲାଗି ଗାଡ଼ିର ପଞ୍ଜିକରଣ ପତ୍ର (RC), ଆପଣଙ୍କ ପରିଚୟ ପତ୍ର, ବାସସ୍ଥାନ ପ୍ରମାଣପତ୍ର ଓ ପାସପୋର୍ଟ ସାଇଜ୍ ଫଟୋ ଆବଶ୍ୟକ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.