ବେଜିଂ,୨୬/୦୫: ତାଇୱାନକୁ ପୁଣି ଆକ୍ରମଣ ଧମକ ଦେଇଛି ଚୀନ୍ । ଯେ ପର୍ଯ୍ୟନ୍ତ ତାଇୱାନ ଚୀନ୍ର ନ ହୋଇଛି ସାମରିକ କାର୍ଯ୍ୟାନୁଷ୍ଠାନ ଜାରି ରହିବ ବୋଲି କୁହାଯାଇଛି । ତେବେ ଏଥିଲାଗି ଡ୍ରାଗନ୍ ସେନା ଯୁଦ୍ଧାଭ୍ୟାସ ବି କରିଛି । ଚୀନ୍ର ପ୍ରତିରକ୍ଷା ମନ୍ତ୍ରଣାଳୟ ଏଭଳି ଧମକ ଦେବା ପରେ ତାଇୱାନ ସତର୍କ ହୋଇଯାଇଛି । ଚୀନ୍ ଦୁଇଦିନ ଧରି ତାଇୱାନକୁ ଘେରି ଯୁଦ୍ଧାଭ୍ୟାସ କରିଥିଲା । ଶୁକ୍ରବାର ଏହା ଶେଷ ହୋଇଥିଲା । ଏଥିରେ ଦେଶର ତିନି ସେନା ସାମିଲ ହୋଇଥିଲେ । ତାଇୱାନକୁ ଦଣ୍ଡ ଦେବା ଉଦ୍ଦେଶ୍ୟରେ ଏହାକୁ ଆରମ୍ଭ କରାଯାଇଥିଲା।
ଉଲ୍ଲେଖଯୋଗ୍ୟ, ଚଳିତବର୍ଷ ତାଇୱାନରେ ରାଷ୍ଟ୍ରପତି ନିର୍ବାଚନ ହୋଇଥିଲା । ଏଥିରେ ଚୀନ୍ ବିରୋଧୀ ନେତା ୱିଲିୟମ ଲାଇ ଚିଙ୍ଗ୍ ବିଜୟୀ ହୋଇଥିଲେ । ଏହାକୁ ନେଇ ଚୀନ୍ ଆହୁରି କ୍ରୋଧାନ୍ୱିତ ହୋଇଯାଇଛି । ଏବେ ବିଭିନ୍ନ ସମୟରେ ତାଇୱାନକୁ ଯୁଦ୍ଧ ଧମକ ଦେବାରେ ଲାଗିଛି । ଗତ ୨୦ ତାରିଖରେ ତାଇୱାନର ନୂଆ ରାଷ୍ଟ୍ରପତି ଶପଥ ଗ୍ରହଣ କରିଥିଲେ । ଏହାର ଦୁଇଦିନ ପରେ ଚୀନ୍ ସମରାଭ୍ୟାସ ଆରମ୍ଭ କରିଥିଲ।
