ମୁମ୍ବାଇ ୩୧/୦୮: ନିକଟରେ ବଲିଉଡ୍‌ର ଲଭ୍‌ବର୍ଡ ଅନନ୍ୟା ପାଣ୍ଡେ ଓ ଅଭିନେତା ଆଦିତ୍ୟ ରୟ କପୁର ପରସ୍ପରଠୁ ଅଲଗା ହୋଇଥିଲେ । ଏହା ପରେ ପୂର୍ବତନ ମଡେଲ ୱାକର ବ୍ଲାନ୍‌କୋଙ୍କୁ ଅନନ୍ୟା ଡେଟିଂ କରୁଥିବା ଖବର ଗଣମାଧ୍ୟମରେ ସାମ୍ନାକୁ ଆସିଲା । ଏବେ ଅନନ୍ୟା ଓ ଆଦିତ୍ୟ ପୁଣି ଥରେ ଏକାଠି ହୋଇଛନ୍ତି । ରିୟଲ ଲାଇଫ୍‌ରେ ନୁହେଁ, ଏକ ବିଜ୍ଞାପନରେ ଉଭୟ ସ୍କ୍ରିନ୍‌ ଶେୟାର କରିଛନ୍ତି । ଉଭୟଙ୍କୁ ଏକାଠି ଦେଖିବା ପରେ ଫ୍ୟାନ୍‌ ଚର୍ଚ୍ଚା ଆରମ୍ଭ କରିଦେଇଛନ୍ତି । 

ବ୍ରେକ୍‌ଅପ ସତ୍ତେ୍ୱ ବଲିଉଡ୍‌ କଳାକାରମାନେ ପରଦାରେ ପରସ୍ପର ସହ ସୁନ୍ଦର ତାଳମେଳ ରଖୁଥିବା ଦେଖିବାକୁ ମିଳୁଛି । ପରଦାରେ ଅନନ୍ୟା-ଆଦିତ୍ୟଙ୍କ ବାର୍ତ୍ତାଳାପ ଦେଖି ଫ୍ୟାନ୍‌ ଏହା କହୁଛନ୍ତି । ଏକ ଚଷମା ବ୍ରାଣ୍ଡ୍‌ର ବିଜ୍ଞାପନ ପାଇଁ ଉଭୟ ଏକାଠି ହୋଇଛନ୍ତି । ବିଜ୍ଞାପନରେ ଆଦିତ୍ୟଙ୍କୁ ଏକ ଲିଫ୍ଟରେ ପ୍ରବେଶ କରୁଥିବା ଦେଖିବାକୁ ମିଳିଛି । ସେଠାରେ ପୂର୍ବରୁ ଅନନ୍ୟା ଅଛନ୍ତି । ତାଙ୍କୁ ଦେଖି ଆଦିତ୍ୟ ନିଜର ଚଷମା ଖୋଲି ପୁଣି ଷ୍ଟାଇଲ୍‌ରେ ପିନ୍ଧିଛନ୍ତି । ତା’ପରେ ଉଭୟଙ୍କ ମଧ୍ୟରେ ଆଖିରେ ଆଖିରେ ମଜାଦାର ବାର୍ତ୍ତାଳାପ ହୋଇଛି । ବିଜ୍ଞାପନ ଶେଷରେ ଦୁହେଁ ଏକାଠି ହସିଛନ୍ତି । ବିଜ୍ଞାପନରେ ଦୁହିଁଙ୍କୁ ଦେଖି ଫ୍ୟାନ୍‌ ସୋସିଆଲ ମିଡିଆରେ ବିଭିନ୍ନ ପ୍ରକାର ପ୍ରତିକ୍ରିୟା ଦେଇଛନ୍ତି ।