ନୂଆଦିଲ୍ଲୀ,୨୬।୫: ଭାରତୀୟ ସେନା ମୁଖ୍ୟ ଜେନେରାଲ ମନୋଜ ପାଣ୍ଡେଙ୍କ ସେବାରେ ଏକ ମାସ ବୃଦ୍ଧି କରାଯାଇଛି। ଜେନେରାଲ ମନୋଜ ପାଣ୍ଡେ ୩୧ ମଇରେ ଅବସର ନେବାକୁ ଯାଉଛନ୍ତି। ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ତାଙ୍କର କାର୍ଯ୍ୟକାଳ ଏକ ମାସ ବୃଦ୍ଧି କରାଯାଇଛି।
ପ୍ରତିରକ୍ଷା ମନ୍ତ୍ରଣାଳୟ ବିବୃତ୍ତି ଅନୁସାରେ, ରବିବାର (ମେ ୨୬)ରେ କ୍ୟାବିନେଟର ନିଯୁକ୍ତି କମିଟି ସେନା ମୁଖ୍ୟ ଜେନେରାଲ ମନୋଜ ପାଣ୍ଡେଙ୍କ ସେବାରେ ଏକ ମାସ ବୃଦ୍ଧି କରିବାକୁ ଅନୁମୋଦନ କରିଛନ୍ତି। ସେ ୩୧ ମେ ୨୦୨୪ ରେ ଅବସର ନେବାକୁ ସ୍ଥିର କରିଥିଲେ, କିନ୍ତୁ ବର୍ତ୍ତମାନ ଜେନେରାଲ ପାଣ୍ଡେ ୩୦ଜୁନ୍ ୨୦୨୪ ପର୍ଯ୍ୟନ୍ତ କାର୍ଯ୍ୟ କରିବେ। ସେ ୩୦ ଏପ୍ରିଲ୍ ୨୦୨୨ ରେ ନିଯୁକ୍ତ ହେବା ପରଠାରୁ ସେନା ମୁଖ୍ୟ ଭାବରେ କାର୍ଯ୍ୟ କରିଆସୁଛନ୍ତି।
"କ୍ୟାବିନେଟର ନିଯୁକ୍ତି କମିଟି ୨୯ ମଇ ୨୦୨୪ ରେ ସେନା ନିୟମ ୧୬ଏ(୪) ଅନୁଯାୟୀ ଜେନେରାଲ ମନୋଜ ପାଣ୍ଡେଙ୍କ ସେବାରେ ତାଙ୍କର ସ୍ବାଭାବିକ ଅବସର ବୟସ ଏକ ମାସ ପାଇଁ ଅର୍ଥାତ ୩୦ ଜୁନ୍ ୨୦୨୪ ପର୍ଯ୍ୟନ୍ତ ବଢାଇବା ନେଇ ମଞ୍ଜୁରୀ ଦେଇଛନ୍ତି।