ପ୍ରମୂଖ ଖବର
  • ସିଂହଦ୍ବାର ସମ୍ମୁଖରେ ଲାଗିଲା ତିନି ରଥ, ଗୁଣ୍ଡିଚା ଯାତ୍ରା ସାରି ବାହୁଡ଼ିଲେ ଶ୍ରୀଜିଉ
  • ||
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ଅଷ୍ଟ୍ରେଲିଆରେ ପଢ଼ିବା ହେଲା ମହଙ୍ଗା, ଦୁଇଗୁଣ ବଢ଼ିଲା ଷ୍ଟୁଡେଣ୍ଟ ଭିସା ଶୁଳ୍କ

Image Courtesy: kayak.co.in

ନୂଆଦିଲ୍ଲୀ: ଅଷ୍ଟ୍ରେଲିଆ ଯାଇ ସେଠାରେ ପଢ଼ିବା ଆଉ ସହଜ ହେବ ନାହିଁ । ଦେଶକୁ ସମଗ୍ର ବିଶ୍ବରୁ ଆସୁଥିବା ଛାତ୍ରଛାତ୍ରୀଙ୍କ ଲାଗି ଭିସା ନିୟମରେ ପରିବର୍ତ୍ତନ କରିଛନ୍ତି ଅଷ୍ଟ୍ରେଲିଆ ସରକାର । ଭିସା ପାଇଁ ଏଣିକି ଛାତ୍ରଛାତ୍ରୀମାନଙ୍କୁ ଅଧିକ ଟଙ୍କା ଦେବାକୁ ପଡ଼ିବ । ଭିସା ଶୁଳ୍କ ଦୁଇଗୁଣ କରିଦିଆଯାଇଛି । ପ୍ରବାସୀମାନଙ୍କୁ ରୋକିବା ଲାଗି ଅଷ୍ଟ୍ରେଲିଆ ସରକାର ଏଭଳି ନିମୟ ଆଣିଛନ୍ତି ବୋଲି କୁହାଯାଉଛି । 

ଜୁଲାଇ ୧ (ସୋମବାର)ରୁ ଅନ୍ତର୍ଜାତୀୟ ଛାତ୍ରଛାତ୍ରୀଙ୍କ ଲାଗି ଭିସା ଶୁଳ୍କ ବୃଦ୍ଧି ପାଇଛି । ଏହି ଶୁଳ୍କ ୭୧୦ ଅଷ୍ଟ୍ରେଲିଆ ଡଲାର (ଭାରତୀୟ ମୁଦ୍ରାରେ ପ୍ରାୟ ୩୯,୪୯୩ ଟଙ୍କା)ରୁ ବଢ଼ି ୧୬୦୦ ଅଷ୍ଟ୍ରେଲିଆ ଡଲାର (୮୮,୯୯୮ ଟଙ୍କା) ହୋଇଛି । ସେହିଭଳି ଭିଜିଟର ଭିସା ଏବଂ ସ୍ଥାୟୀ ସ୍ନାତକ ଡିଗ୍ରି ଲାଗି ଭିସା ଆବେଦନ କରାଯାଇପାରିବ ନାହିଁ । ଏଭଳି ଆବେଦନ ଉପରେ ସରକାର ପ୍ରତିବନ୍ଧକ ଲଗାଇ ଦେଇଛନ୍ତି ।  ଅଷ୍ଟ୍ରେଲିଆର ଗୃହମନ୍ତ୍ରୀ କ୍ଲେୟର ଓ ନୀଲ କହିଛନ୍ତି ଯେ, ଏଭଳି ପରିବର୍ତ୍ତିତ ନିୟମ ଦ୍ବାରା ଅନ୍ତର୍ଜାତୀୟ ଶିକ୍ଷା ପ୍ରଣାଳୀ କ୍ଷେତ୍ରରେ ଏକତା ଫେରିବ । ଏହା ଦ୍ବାରା ଏକ ପ୍ରବାସୀ ପ୍ରଣାଣୀ ତିଆରି ହେବ । ଯାହା ନିରପେକ୍ଷ ଏବଂ ଅଷ୍ଟ୍ରେଲିଆ ପାଇଁ ଭଲ ହେବ । 

ମାର୍ଚ୍ଚରେ ସରକାରୀ ସୂତ୍ରରୁ ମିଳିଥିବା ଏକ ରିପୋର୍ଟ ଅନୁସାରେ, ୩୦ ସପ୍ଟେମ୍ବର ୨୦୨୩ ସୁଦ୍ଧା ଅଷ୍ଟ୍ରେଲିଆରେ ପ୍ରବାସୀଙ୍କ ସଂଖ୍ୟା ୬୦ ପ୍ରତିଶତ ବୃଦ୍ଧି ପାଇ ୫,୪୮,୮୦୦ରେ ପହଞ୍ଚିଥିଲା । ଷ୍ଟୁଡେଣ୍ଟ ଭିସା ଶୁଳ୍କ ବଢ଼ାଇବା ପରେ ଏଣିକି ଆମେରିକା ଏବଂ କାନାଡା ତୁଳନାରେ ଅଷ୍ଟ୍ରେଲିଆ ଯିବା ଛାତ୍ରଛାତ୍ରୀଙ୍କ ପାଇଁ ଆହୁରି  ମହଙ୍ଗା ହୋଇଛି । ଆମେରିକା ପାଇଁ ଏହି ଶୁଳ୍କ ୧୮୫ ଆମେରିକୀୟ ଡଲାର ବା ୧୫, ୪୪୦ ଟଙ୍କା ଥିବା ବେଳେ କାନାଡା ପାଇଁ ଛାତ୍ର ଭିସା ଶୁଳ୍କ ୧୫୦ କାନାଡିଆନ୍‌ ଡଲାର ବା ୯,୧୫୬ ଟଙ୍କା ରହିଛି । ସେପଟେ ଭିସା ନିୟମରେ ଥିବା ତ୍ରୁଟିକୁ ସୁଧାରିବାକୁ ପ୍ରୟାସ କରାଯାଉଛି ବୋଲି ଅଷ୍ଟ୍ରେଲିଆ ସରକାର କହିଛନ୍ତି । 

  • australia
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.