ପୁରୀ, ୩୧/୦୮ : ଶ୍ରୀମନ୍ଦିରରେ ମହାପ୍ରଭୁଙ୍କର ବଡ଼ ମହାସ୍ନାନ ନୀତି। ସକାଳ ଧୂପ ବଢି ଭୋଗମଣ୍ଡପ ଉଠିବା ପରେ ମହାପ୍ରଭୁଙ୍କ ବଡ଼ ମହାସ୍ନାନ ହୋଇଛି। ଧୁକୁଡ଼ି ଦ୍ଵାର ନିକଟରେ ରକ୍ତଛିଟା ପଡିବାରୁ ମହାପ୍ରଭୁଙ୍କ ବଡ଼ ମହାସ୍ନାନ ନୀତି ହୋଇଛି।
ସୂଚନାନୁଯାୟୀ, ଶ୍ରୀମନ୍ଦିର ଧୁକୁଡ଼ି ଦ୍ଵାର ନିକଟରେ ଜଣେ ଭକ୍ତଙ୍କ ଗୋଡରେ ଆଘାତ ଲାଗି ରକ୍ତଛିଟା ପଡିଥିଲା। ତେଣୁ ସକାଳ ଧୂପ ବଢି ଭୋଗମଣ୍ଡପ ଉଠିବା ପରେ ମହାପ୍ରଭୁଙ୍କ ବଡ଼ ମହାସ୍ନାନ ହୋଇଛି। ଏହି ସମୟରେ ସର୍ବସାଧାରଣ ଦର୍ଶନ ବନ୍ଦ ରହିଥିଲା। ଦିନ ୧ଟା ପରେ ମହାପ୍ରଭୁଙ୍କ ଦର୍ଶନ ପୁଣି ଆରମ୍ଭ ହୋଇଛି। ମହାପ୍ରଭୁଙ୍କ ଅନ୍ୟାନ୍ୟ ନୀତିକାନ୍ତି ଚାଲିଥିବା ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ମିଳିଛି।
