ନୂଆଦିଲ୍ଲୀ ୧୯/୦୯: ଆମ୍ବଡ଼ା ଫଳ ହେଉଛି ଏକ ଖଟା ଜାତୀୟ ଜଙ୍ଗଲୀ ଫଳ । ଏହି ଗଛର ଉତ୍ପତ୍ତି ଫିଲିପାଇନ୍ସ ଓ ଇଣ୍ଡୋନେସିଆରୁ ଆସିଛି । ଏହି ଫଳ ବୈଜ୍ଞାନିକ ନାମ ସ୍ପୋନଡିଆସ୍‌ ପିନାଟା । ଇଂରାଜୀରେ ଏହାକୁ ହଗ୍‌ ପ୍ଲମ୍‌ କୁହାଯାଏ । ଏହି ଫଳ ଜୁଲାଇସେପ୍ଟେମ୍ବର ମାସରେ ହୋଇଥାଏ । ଓଡ଼ିଶାର ଲୋକମାନେ ଏହି ଫଳର ଚୋପାକୁ ମଧ୍ୟ ଆଚାର ତିଆରି କରିବା ପାଇଁ ବ୍ୟବହାର କରନ୍ତି ।

ଫଳର ଗଠନ :

ଆମ୍ବଡ଼ା ଫଳ ଦେଖିବାକୁ ଅଣ୍ଡା ଆକୃତିର । ଏହି ଫଳ ଦେଖିବାକୁ ଈଷତ ସବୁଜ ରଙ୍ଗ । ଏହି ଫଳ ପାଚିବା ପରେ ହଳଦିଆ ରଙ୍ଗ ହୋଇଯାଇଥାଏ । ଏହି ଫଳର ଭିତରେ ମଞ୍ଜି ଥାଏ । ଏହି ଫଳର ଆକାର ୩୫-୫୦ ମି.ମି ।

ସ୍ୱାସ୍ଥ୍ୟ ଲାଭ :

-ଏହି ଫଳକୁ ଆୟୁର୍ବେଦିକ ଚିକିତ୍ସାରେ ପେଟ ସମସ୍ୟା, ଚର୍ମ ରୋଗ, କ୍ଷତ ଆଦି ଭଲ କରିବାରେ ବ୍ୟବହାର କରାଯାଏ ।

-ବାନ୍ତି ଏବଂ ଡାଇରିଆ ସମସ୍ୟାରେ ମଧ୍ୟ ଏହି ଫଳର ବ୍ୟବହାର ହୋଇଥାଏ ।

-ଆନୋରକ୍ସିଆ ଭଳି ରୋଗର ଆଶଙ୍କା କମ କରିବାରେ ସାହାଯ୍ୟ କରିଥାଏ ।

ପୋଷକତତ୍ତ୍ୱ :

ଗବେଷଣାରୁ ଜଡାପଡିଛି ଯେ ଏହି ଫଳରେ ପ୍ରାୟ ୩୫ଟି ଫାଇଟୋକେମିକାଲ୍ସ ରହିଛି । ଯଥା କୁଇନନ୍‌, ଆଲ୍କାଲଏଡ୍‌, ଫିନଲ୍‌, ଫ୍ଲାବୋନୋଏଡ୍‌, ଗ୍ଲାଇକୋସାଇଡ୍‌, ଟାନିନ୍‌, କ୍ୟୁମାରିନ୍‌ ଇତ୍ୟାଦି ଭରି ରହିଛି । ୧୦୦ ଗ୍ରା. ଆମ୍ବଡାରେ ୭୧.୦୬% ମଏଶ୍ଚର, ୪.୨୩% ଆସ୍‌,୩.୪୩% ଫ୍ୟାଟ୍‌, ୪.୪୭% ଫାଇବର,୫.୫୪% ପ୍ରୋଟିନ, ୨୮.୩୮% କାର୍ବୋହାଇଡ୍ରେଟ, ୧୬୬.୪% ଏନର୍ଜି ଥାଏ । ଏହି ଫଳରେ ଭିଟାମିନ୍‌-ସି ଅଧିକ ଥାଏ ।