ଭୁବନେଶ୍ୱର ୨୩/୦୨ : ଚା’ କାହାକୁ ଭଲ ନ ଲାଗେ । କିନ୍ତୁ ଆଜିକାଲି ପ୍ରାୟ ଲୋକ ଦୁଗ୍ଧ ଚା’ଠାରୁ ଦୂରେଇ ଭିନ୍ନ ଭିନ୍ନ ଚା’ ପିଇବାକୁ ପସନ୍ଦ କରୁଛନ୍ତି । ଗ୍ୟାସ୍ ତଥା ଅନ୍ୟାନ୍ୟ କେତେକ ସମସ୍ୟାଠାରୁ ଦୂରେଇ ରହିବା ପାଇଁ ଲୋକଙ୍କ ପସନ୍ଦ ବଦଳିଛି । ଆଜିକାଲିର ଯୁବପିଢିଙ୍କ ଭିତରେ ଗ୍ରୀନ୍ ଟି’, ବ୍ଲାକ୍ ଟି’ ଓ ହ୍ୱାଇଟ୍ ଟି’ ଚାହିଦା ବଢିବାରେ ଲାଗିଛି । ହ୍ୱାଇଟ୍ ଟି’ ବା ଧଳା ଚା’ କ୍ୟାମେଲିଆ ସିନେସିସ୍ ଗଛରୁ ପ୍ରସ୍ତୁତ ହୋଇଥାଏ । ଏହି ଗଛର ପତ୍ରଗୁଡିକୁ ପୂରା ଖୋଲିବା ପୂର୍ବରୁ ଏହାକୁ ସଂଗ୍ରହ କରାଯାଏ । ଯେତେବେଳେ ଏହି ପତ୍ରଗୁଡିକ ସୂକ୍ଷ୍ମ ଧଳା କେଶ ଦ୍ୱାରା ଆଚ୍ଛାଦିତ ହୋଇଥାଏ । ଏହି ଧଳା କେଶ ଯୋଗୁ ଏହାକୁ ଧଳା ଚା’ କୁହାଯାଏ ।
ଗ୍ରୀନ୍ ଓ ବ୍ଲାକ୍ ଟି’ ମଧ୍ୟ କ୍ୟାମେଲିଆ ସିନେସିସ୍ ଗଛରୁ ସଂଗ୍ରହ କରାଯାଇଥାଏ ।ଭିନ୍ନ ଭିନ୍ନ ପ୍ରକ୍ରିୟାକରଣ ପଦ୍ଧତି ଯୋଗୁ ଏହାର ସ୍ୱାଦ ଓ ସୁଗନ୍ଧ ସ୍ୱତନ୍ତ୍ର ହୋଇଥାଏ । ଧଳା ଚା’ ୩ଟି ଚା’ର ସର୍ବନିମ୍ନ ପ୍ରକ୍ରିୟାକରଣ । ସେଥିପାଇଁ ଏହା ଅଧିକ ପରିମାଣର ଆଣ୍ଟିଅକ୍ସିଡାଣ୍ଟ ରଖିଥାଏ । ଗବେଷଣାରୁ ଜଣାପଡିଛି ଯେ ଏହା ଶରୀରର ବିଭିନ୍ନ ସମସ୍ୟାକୁ ଦୂର କରିବାରେ ସମର୍ଥ । ଯେମିତିକି ଇନ୍ସୁଲିନ୍ ପ୍ରତିରୋଧ, ହୃଦ୍ରୋଗ ଆଶଙ୍କା ଓ ଓଜନ ହ୍ରାସ, ଚର୍ମର ବାର୍ଦ୍ଧକ୍ୟକୁ ମୁକାବଲା ମଧ୍ୟ କରିଥାଏ । ଧଳା ଚା’ କ୍ୟାଟେଚିନ୍ ନାମକ ପଲିଫେନୋଲ୍ ତତ୍ତ୍ୱରେ ଭରା । ଫ୍ରି-ରେଡିକଲ୍ସ ନାମକ ଯୌଗିକ ଦ୍ୱାରା ନଷ୍ଟ ହେଉଥିବା କୋଷଗୁଡିକୁ ଆଣ୍ଟିଅକ୍ସିଡାଣ୍ଟ ସୁରକ୍ଷା ଦେଇଥାଏ । ସେହିପରି ଧଳା ଚା’ରେ ଥିବା ପଲିଫିନୋଲଗୁଡିକ ବିଭିନ୍ନ ଉପାୟରେ ହୃଦ୍ରୋଗ ଆଶଙ୍କାକୁ କମ୍ କରିଥାଏ ।
ପଲିଫିନୋଲ୍ ରକ୍ତନଳୀକୁ ଆରାମ ଦେବା ସହ ରୋଗ ପ୍ରତିରୋଧକ ଶକ୍ତି ବଢାଇଥାଏ । ସେହିପରି ଖରାପ କୋଲେଷ୍ଟେରୋଲ୍କୁ ଅକ୍ସିଡାଇଜ୍ଡ୍ ନ ହେବାରେ ସାହାଯ୍ୟ କରେ, ଯାହା ହୃଦ୍ରୋଗର ଆଶଙ୍କା କମ୍ କରେ । ଏହି ଚା’ରେ ସମାନ ସ୍ତରର କ୍ୟାଫିନ୍ ଓ କ୍ୟାଟେଚିନ୍ସ ପରି ଏପିଗାଲୋକାଟେସିନ୍ ଗାଲେଟ୍ ପରି ଏକ ଯୌଗିକ ରହିଥାଏ, ଯାହା ଗ୍ରୀନ୍ ଟି’ ପରି ଚର୍ବିକୁ ଜାଳିଥାଏ । ଆଉ ମେଟାବୋଲିଜିମ୍ ବୃଦ୍ଧି କରିବାରେ ସାହାଯ୍ୟ କରିଥାଏ । ଏହି ଚା’ ଫ୍ଲୋରାଇଡ୍, କ୍ୟାଟେଟିନ୍ ଓ ଟେନିନ୍ର ଏକ ଉତ୍ତମ ଉତ୍ସ । ଅଣୁମାନଙ୍କର ମିଶ୍ରଣ ଜୀବାଣୁ ଓ ଚିନି ସହ ଲଢି ଦାନ୍ତକୁ ମଜଭୁତ କରିଥାଏ ।
