ଭୁବନେଶ୍ବର,୬/୬:ରଜ ଉପଲକ୍ଷେ ଆସନ୍ତାକାଲି ଅର୍ଥାତ ଜୁନ୍ ୭ ତାରିଖରେ ରିଲିଜ ହେବାକୁ ଯାଉଛି ଓଡ଼ିଆ ଫିଲ୍ମ 'ଟିକେ ଟିକେ ଅଚିହ୍ନା ତୁ'। ଏଥିରେ ଲୋକପ୍ରିୟ  ତାରକା ସ୍ୱରାଜ ବାରିକ ଏବଂ ଭୂମିକା ଦାଶଙ୍କୁ ଏକାଠି ଦେଖିବାକୁ ମିଳିବ । ଯାହାକୁ ନେଇ ଫ୍ୟାନ୍ସ ବେଶ୍ ଉତ୍ସାହିତ ଅଛନ୍ତି । ଏଥିସହ ଫିଲ୍ମଟି ରଜରେ ରିଲିଜ ହେବାକୁ ଥିବା ବେଳେ ଦର୍ଶକଙ୍କୁ ନିଶ୍ଚୟ ମନକୁ ଛୁଇଁବ ବୋଲି ଫିଲ୍ମର ପୁରା ଟିମ ଆଶାବାଦୀ ରହିଛନ୍ତି। ଆମର ଷ୍ଟୁଡିଓ ଓ ଡିକେ ମୁଭି ବ୍ୟାନରରେ ଚଳଚ୍ଚିତ୍ରଟି ପ୍ରସ୍ତୁତ ହୋଇଥିବା ବେଳେ ଫାମିଲି ଡ୍ରାମା, ଲଭ,ରୋମାନ୍ସ ସହ ଭରପୁର ମନୋରଞ୍ଜନ ଦେଖିବାକୁ ମିଳିବ । ଏଥିରେ ତ୍ରିକୋଣୀୟ ଲଭଷ୍ଟୋରୀ ମଧ୍ୟ ଦେଖିବାକୁ ମିଳିବ । ତେବେ ଏହି ଫିଲ୍ମଟି ଯୁବ ପିଢିଙ୍କ ଜୀବନଚର୍ଯ୍ୟା ଓ ପରିବାରର ମୂଲ୍ୟକୁ ନେଇ ଗତିଶୀଳ ହୋଇଛି ।

ତେବେ ଏହି ଫିଲ୍ମରେ କେବଳ ଯେ ଭୂମିକା ଏବଂ ସ୍ୱରାଜ ନୁହଁ ବରଂ ଅନ୍ୟତମ ନାୟକ ଶୁଭମଙ୍କୁ ମୁଖ୍ୟ ଚରିତ୍ରରେ ଦେଖିବାକୁ ମିଳିବ । ତ୍ରିକୋଣୀୟ ପ୍ରେମ କାହାଣୀକୁ ନେଇ ଫିଲ୍ମଟି ନିର୍ମିତ ହୋଇଥିବା ବେଳେ ଗୀତ ମଧ୍ୟ ସାନଦାର ରହିଛି । ତେବେ ଲୋକପ୍ରିୟ ଗୀତିକାର ପ୍ରେମ ଆନନ୍ଦ ଗୀତଗୁଡିକୁ ଲେଖିଛନ୍ତି ।  ଗୀତ ସହ ଦମଦାର କାହାଣୀକୁ ନେଇ ରଜରେ ଫିଲ୍ମଟି ରାଜ କରିବ ବୋଲି କହିଛି ପ୍ରଯୋଜନା ସଂସ୍ଥା । ଫିଲ୍ମର ନିର୍ଦ୍ଦେଶନା ଦେଇଛନ୍ତି ତାପସ ସରଗରିଆ । ପ୍ରକାଶ ଥାଉକି ରଜ ଉପଲକ୍ଷେ ଆମର ଷ୍ଟୁଡିଓରେ ପ୍ରସ୍ତୁତ ଆଉ ଦୁଇ ଚଳଚ୍ଚିତ୍ର ଚନ୍ଦ୍ରବଂଶୀ ଓ ପାବାର ମଧ୍ୟ ରିଲିଜ ହେବାକୁ ଯାଉଥଛି ।