ଭବାନୀପାଟଣା,୦୬/୦୫: ଆସନ୍ତା  ୧୩ରେ କଳାହାଣ୍ଡିରେ ସାଧାରଣ ନିର୍ବାଚନ ହେବ । ଏହି ପରିପ୍ରେକ୍ଷୀରେ ସୋମବାର  ନିର୍ବାଚନୀ ପ୍ରଚାର ପାଇଁ ବିଜେଡିର ମୁଖ୍ୟ ଷ୍ଟାର ପ୍ରଚାରକ ତଥା ସଭାପତି ମୁଖ୍ୟମନ୍ତ୍ରୀ  ନବୀନ ପଟ୍ଟନାୟ କଳାହାଣ୍ଡି ଗସ୍ତରେ ଆସୁଛନ୍ତି । ଜିଲ୍ଲାର ୭ଟି ନିର୍ବାଚନମଣ୍ଡଳୀ ଓ  କଳାହାଣ୍ଡି ଲୋକସଭା ପାଇଁ ପ୍ରଚାର କରିବେ ।

 ଭବାନୀପାଟଣା ଓ ଖଡିଆଳରେ ଦଳ ପକ୍ଷରୁ  ଆୟୋଜିତ ଦୁଇଟି ଜନସଭାରେ ଯୋଗଦେବା  କାର୍ଯ୍ୟକ୍ରମ ରହିଛି । ଭବାନୀପାଟଣାରେ  ମୁଖ୍ୟମନ୍ତ୍ରୀ ପୂର୍ବାହ୍ନ ୧୧ଟା ୫ମିନିଟ୍‌ରେ ପହଞ୍ଚିବେ । ଶ୍ରୀକ୍ରୀଷ୍ଣାନଗର ପଡ଼ିଆରେ ଆୟୋଜିତ ବିଶାଳ ଜନସମାବେଶରେ ଜନସାଧାରଣଙ୍କୁ ଉଦ୍‌ବୋଧନ ଦେବେ । କଳାହାଣ୍ଡିର ରୂପାନ୍ତରଣ ତଥା ଜିଲ୍ଲାର  ବିକାଶ ସମ୍ପର୍କରେ ଜିଲ୍ଲାବାସୀଙ୍କୁ ହିସାବ ଦେବେ ବୋଲି ରବିବାର ଜିଲ୍ଲା ବିଜେଡି  ପକ୍ଷରୁ ଭବାନୀପାଟଣାରେ ଆୟୋଜିତ ସାମ୍ବାଦିକ ସମ୍ମିଳନୀରେ ରାଜ୍ୟସଭା ସଦସ୍ୟ  ତଥା ଲୋକସଭା ନିର୍ବାଚନ ପର୍ଯ୍ୟବେକ୍ଷକ ସୁଜିତ କୁମାର ସୂଚନା ଦେଇଛନ୍ତି । ଜିଲ୍ଲା  ବିଜେଡି ମୁଖ୍ୟ ସମ୍ପାଦକ ଭବାନୀଶଙ୍କର  ମିଶ୍ରଙ୍କ ଅଧ୍ୟକ୍ଷତାରେ ସାମ୍ବାଦିକ ସମ୍ମିଳନୀ  ହୋଇଥିଲା । ମୁଖ୍ୟମନ୍ତ୍ରୀ ସୋମବାର  ନୂଆପଡ଼ା ଜିଲ୍ଲାର ଖଡିଆଳକୁ ମଧ୍ୟ ନିର୍ବାଚନୀ  ପ୍ରଚାରରେ ଆସୁଥିବା ସୂଚନା ମିଳିଛି।