ପ୍ରମୁଖ ଖବର
  • ଆଉ ୫ଟି ଲୋକସଭା ଆସନ ଲାଗି ଆପ୍‌ର ପ୍ରାର୍ଥୀ ଘୋଷଣା
  • ||
  • ବଲାଙ୍ଗିର ଭୀମଭୋଇ ମେଡିକାଲରେ ମୃତ ଶବ ଛାଡି ଫେରାର ସମ୍ପର୍କୀୟ,ଟାଉନ ଥାନା ପୋଲିସର ତଦନ୍ତ ଆଇମ୍ଭ
  • ||
  • ମିଶନ ଶକ୍ତି ମହିଳାଙ୍କ ଆକାଉଣ୍ଟକୁ ଗଲା ଟଙ୍କା,୭୩୦ କୋଟିର ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ସୁନ୍ଦରଗଡ଼: ବାଇକ ଚାଳକ ଙ୍କ ଉପରେ ଚଢ଼ିଗଲା ପାଉଁଶ ବୋଝେଇ ଟ୍ରକ,ବାଇକ ଚାଳକର ମୃତ୍ୟୁ
  • ||
  • ପାଲଲହଡ଼ା ଯାଉଥିଲା ରାଧାମାଧବ, ଅଧାରସ୍ତାରେ ଓଲଟିଲା ବସ୍‌
  • ||
  • କୋରାପୁଟ: ନାଲକୋ ଦାମନଯୋଡ଼ିରେ ରଡ଼ ପଶି ଦୁଇ ଶ୍ରମିକ ମୃତ, ଜଣେ ଗୁରୁତର
  • ||
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||

ଅନ୍ତରିଣ ବଜେଟ୍‌ ଉପସ୍ଥାପନ କଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ; କୃଷି, ଶିକ୍ଷା, ସ୍ବାସ୍ଥ୍ୟ ଠାରୁ ମହିଳା ଉଦ୍ୟୋଗୀ, ନିଯୁକ୍ତି ସୁଯୋଗ ଓ ଆୟକରକୁ ନେଇ ଦେଲେ ମହତ୍ବପୂର୍ଣ୍ଣ ଟିପ୍ପଣୀ

ନୂଆଦିଲ୍ଲୀ,୦୧/୦୨: ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ୨୦୨୪-୨୪ ଆର୍ଥିକ ବର୍ଷ ପାଇଁ ମଧ୍ୟବର୍ତ୍ତୀକାଳୀନ ବଜେଟ୍ ଉପସ୍ଥାପନ କରିଛନ୍ତି। ଏହାପୂର୍ବରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏଥିପାଇଁ ଅନୁମତି ଦେଇଥିଲେ। ଏହା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ମଧ୍ୟ ଏହାକୁ ଅନୁମୋଦନ କରାଯାଇଥିଲା। ପ୍ରଧାନମନ୍ତ୍ରୀ ନିଜେ ସ୍ପଷ୍ଟ କରିଛନ୍ତି ଯେ ନୂତନ ସରକାର ଗଠନ ପରେ ସେ ସମ୍ପୂର୍ଣ୍ଣ ବଜେଟ୍ ଆଣିବେ। ଆସନ୍ତା ମାସରେ ଲୋକସଭା ନିର୍ବାଚନ ହେବାକୁ ଯାଉଛି। ସରକାର କିଛି ଜନପ୍ରିୟ ଘୋଷଣା କରିପାରନ୍ତି ବୋଲି ଏକ ସମ୍ଭାବନା ଅଛି।   ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ 'ସବ୍‌କା ସାଥ, ସବ୍‌କା ବିକାଶ' ମନ୍ତ୍ର ସହିତ ଆମ ସରକାର ଆଗକୁ ବଢ଼ୁଛନ୍ତି। ବିକାଶର ଫଳ ଜନସାଧାରଣଙ୍କ ନିକଟରେ ପହଞ୍ଚିବା ଆରମ୍ଭ କରିଛି ବୋଲି କହିଛନ୍ତି ଅର୍ଥମନ୍ତ୍ରୀ।

୮୦ କୋଟି ଗରିବ ପରିବାରଙ୍କ ପାଖରେ ପହଞ୍ଚିଛି ମୁକ୍ତ ରାସନ:

ମହାମାରୀ ସତ୍ତ୍ବେ ଭାରତ ଦ୍ରୁତ ଗତିରେ ଅଗ୍ରଗତି କରୁଛି। ଆମ ଯୁବକମାନେ ଦେଶର ବିକାଶ ପାଇଁ ଆଗଭର ଅଛନ୍ତି। ଦେଶର ଲୋକମାନେ ଆମ ସରକାରକୁ ଆଗକୁ ନେଇଛନ୍ତି। ଗତ ୧୦ ବର୍ଷ ମଧ୍ୟରେ ଅନେକ ବିକାଶମୂଳକ କାର୍ଯ୍ୟକ୍ରମ ଚାଲିଛି। ପ୍ରତିଘରକୁ ଆବାସ, ପ୍ରତି ଘରକୁ ପାଣି, ବ୍ୟାଙ୍କ ଆକାଉଣ୍ଟ ଖୋଲିବା ଆଦି ପ୍ରତ୍ୟେକ କ୍ଷେତ୍ରରେ ଆମେ କାର୍ଯ୍ୟ କରିଛୁ। ଆମେ ୮୦ କୋଟି ଲୋକଙ୍କୁ ରାସନ ଯୋଗାଇଛୁ।

ଗରୀବଙ୍କୁ ପ୍ରାଥମିକତା ଆମ ସରକାରଙ୍କ ସଂକଳ୍ପ: 

ପ୍ରଧାନମନ୍ତ୍ରୀଙ୍କର ସମ୍ପୂର୍ଣ୍ଣ ବିଶ୍ୱାସ ଅଛି ଯେ ଆମେ ଗରିବ, ମହିଳା, ଯୁବକ ଏବଂ ଅନ୍ନାଦା ଚାଷୀଙ୍କ ପାଇଁ କାମ କରିବା। ସେମାନଙ୍କର କଲ୍ୟାଣ ଆମର ପ୍ରାଥମିକତା। ସମସ୍ତେ ସରକାରୀ ସୁବିଧା ପାଇବା ଉଚିତ, ଯାହା ଦ୍ବାରା ଆମ ଦେଶ ଶକ୍ତିଶାଳୀ ହୋଇପାରିବ। ଆଜିର ଦିନରେ ସରକାରୀ ଅନୁଦାନ ସିଧାସଳଖ ବ୍ୟାଙ୍କ ଆକାଉଣ୍ଟକୁ ପଠାଯାଇପାରୁଛି। ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନା ମାଧ୍ୟମରେ କାରିଗରମାନଙ୍କୁ ସହାୟତା ଯୋଗାଇ ଦିଆଯାଉଛି। ଆମ ସରକାରର ପ୍ରାଥମିକତା ହେଉଛି ଯୁବକମାନଙ୍କୁ ସଶକ୍ତ କରିବା। ଆମେ ଜାତୀୟ ଶିକ୍ଷା ନୀତି ଆଣିଛୁ। ଦକ୍ଷତା ବିକାଶ ମିଶନ ଅଧୀନରେ ଆମେ ଲକ୍ଷ ଲକ୍ଷ ଯୁବକଙ୍କୁ ସଶକ୍ତ କରିଛୁ। ଆମେ ବଡ଼ ଆକାରରେ ଉଚ୍ଚଶିକ୍ଷା ପ୍ରତିଷ୍ଠାନ ଖୋଲିଛୁ। ଗତ ଦଶ ବର୍ଷ ମଧ୍ୟରେ ଆମେ ମହିଳା ଉଦ୍ୟୋଗୀଙ୍କୁ ୩୦ କୋଟି ଟଙ୍କା ମୁଦ୍ରା ଯୋଜନା ଋଣ ଦେଇଛୁ। ମହିଳାମାନଙ୍କୁ ଆତ୍ମନିର୍ଭରଶୀଳ କରିବା ପାଇଁ ଆମ ସରକାର ଅନେକ କାମ କରୁଛନ୍ତି। ଆଜି ପ୍ରତ୍ୟେକ କ୍ଷେତ୍ରରେ ମହିଳାଙ୍କ ଅଂଶଗ୍ରହଣ ବୃଦ୍ଧି ପାଇଛି। ଆମେ ତିନି ତଲାକ୍‌କୁ ରଦ୍ଦ କରିଛୁ।

କୋଟି କୋଟି ଯୁବକଙ୍କୁ ତାଲିମ: 

ଅର୍ଥମନ୍ତ୍ରୀ ନିର୍ମଳା ସୀତାରମଣ ତାଙ୍କ ବଜେଟ ଅଭିଭାଷଣରେ କହିଛନ୍ତି ଯେ 'ସାଧାରଣ ଲୋକଙ୍କ ଜୀବନରେ ପରିବର୍ତ୍ତନ ଆଣିବାକୁ ଆମ ସରକାର ଉଚ୍ଚାଭିଳାଷୀ ପଦକ୍ଷେପ ଗ୍ରହଣ କରିଛନ୍ତି। ପ୍ରତ୍ୟେକ କ୍ଷେତ୍ରରେ ବିକାଶର ନିଷ୍ଠା ସହିତ କାର୍ଯ୍ୟ କରିବା କ୍ଷେତ୍ରରେ ଏକ କୋଟିରୁ ଅଧିକ ଯୁବକଙ୍କୁ ତାଲିମ ଦିଆଯାଇଛି। ମହିଳା ଉଦ୍ୟୋଗ ୨୮ ପ୍ରତିଶତ ବୃଦ୍ଧି ପାଇଛି। ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ବଜେଟ୍ ଉପସ୍ଥାପନ କରିବା ସହିତ ସେ ତାଙ୍କ ଅଭିଭାଷଣରେ କହିଥିଲେ ଯେ, 'ବିଶ୍ୱ ଶକ୍ତି ଭାବରେ ଭାରତ ଉଦୀୟମାନ ହେଉଛି। ସମସ୍ତ ପ୍ରକଳ୍ପ ଠିକ୍ ସମୟରେ ଶେଷ ହେଉଛି। ଲୋକଙ୍କ ଆୟ ବୃଦ୍ଧି ପାଇଛି। ମୁଦ୍ରାସ୍ଫୀତି ଅଧିକ ବୃଦ୍ଧି ପାଇନାହିଁ। ଲୋକମାନେ ସଶକ୍ତ ହୋଇଛନ୍ତି। ଭିତ୍ତିଭୂମି ବିକାଶ ଉପରେ ଗୁରୁତ୍ୱ ଦିଆଯାଉଛି। ଆର୍ଥିକ କ୍ଷେତ୍ରକୁ ମଜବୁତ କରାଯାଉଛି। ଲୋକଙ୍କ ପାଇଁ ସୁଯୋଗ ବୃଦ୍ଧି କରାଯାଉଛି।

ଗରିବ ପରିବାରକୁ ୩୦୦ ୟୁନିଟ ମାଗଣା ବିଜୁଳୀ:

ଆମ ସରକାର ମିଳିତ ଅଭିବୃଦ୍ଧିକୁ ପ୍ରୋତ୍ସାହିତ କରୁଛନ୍ତି। ପ୍ରତ୍ୟେକ ଭାରତୀୟଙ୍କ ଆକାଂକ୍ଷା ପୂରଣ ଉପରେ ଗୁରୁତ୍ୱ ଦିଆଯାଉଛି। ପ୍ରଧାନମନ୍ତ୍ରୀ ଆବାସ ଯୋଜନାରେ କରୋନାର ଚ୍ୟାଲେଞ୍ଜ ସତ୍ତ୍ବେ ଆମେ ଗ୍ରାମାଞ୍ଚଳରେ ୩ କୋଟି ଘର ନିର୍ମାଣ ଲକ୍ଷ୍ୟ ହାସଲ କରିଛୁ। ଆସନ୍ତା ପାଞ୍ଚ ବର୍ଷ ମଧ୍ୟରେ ୨ କୋଟି ଅଧିକ ଗୃହ ନିର୍ମାଣ କାର୍ଯ୍ୟ ଶେଷ ହେବ। ଦେଶର ୧ କୋଟି ଘରକୁ ସୌର ଶକ୍ତି ମାଧ୍ୟମରେ ୩୦୦ ୟୁନିଟ୍ ମାଗଣା ବିଦ୍ୟୁତ୍ ଯୋଗାଇ ଦିଆଯିବ।

ଅଙ୍ଗନଓ୍ବାର୍ଡି କର୍ମଚାରୀଙ୍କୁ ଆୟୁଷ୍ମାନ ଭାରତର ସୁବିଧା: 

ଗର୍ଭାଶୟ କର୍କଟକୁ ରୋକିବା ପାଇଁ ଆମ ସରକାର ଟୀକାକରଣ ଆଣିଛନ୍ତି। ଝିଅମାନଙ୍କୁ ଏଥିରୁ ରକ୍ଷା କରିବା ପାଇଁ ସେମାନଙ୍କୁ ମାଗଣା ଟିକା ଦିଆଯିବ। ଦେଶର ମେଡିକାଲ କଲେଜଗୁଡ଼ିକରେ ସୁବିଧା ବୃଦ୍ଧି ପାଇବ। ଆୟୁଷ୍ମାନ ଭାରତ ଯୋଜନା ଅଧୀନରେ ସମସ୍ତ ଆଶା କର୍ମୀ ଏବଂ ଅଙ୍ଗନୱାଡି କର୍ମୀଙ୍କୁ ସୁବିଧା ଯୋଗାଇ ଦିଆଯାଇଛି। 

୨୫ କୋଟି ଲୋକ ଗରିବ ସୀମାରେଖାରୁ ବାହାରେ:

ଚାଷୀଙ୍କ ଆୟ ବୃଦ୍ଧି ପାଇଁ ଅଧିକ ଦ୍ରୁତ ଗତିରେ କାର୍ଯ୍ୟ କରାଯିବ ବୋଲି କହିଛନ୍ତି ଅର୍ଥମନ୍ତ୍ରୀ। ଆମ ସରକାର କୃଷକମାନଙ୍କୁ ସଶକ୍ତିକରଣ ଉପରେ ଧ୍ୟାନ ଦେଇଛନ୍ତି। ଦେଶର ମାଣ୍ଡିଗୁଡ଼ିକୁ eNAM ସହିତ ସଂଯୁକ୍ତ କରାଯାଉଛି। ଆମ ସରକାର ୨୫ କୋଟି ଲୋକଙ୍କୁ ଦାରିଦ୍ର ସୀମାରୁ ଉଦ୍ଧାର କରିଛନ୍ତି।

ଲକ୍ଷପତି ଦିଦି ହୋଇଛନ୍ତି ଏକ କୋଟି ମହିଳା: 

ଦେଶର ଏକ କୋଟିରୁ ଅଧିକ ମହିଳା ଲକ୍ଷ୍ମପତି ଦିଦି ହୋଇଛନ୍ତି। ଏହାର ଲକ୍ଷ୍ୟ ୨ କୋଟିରୁ ୩ କୋଟିକୁ ବୃଦ୍ଧି କରିବାକୁ ସ୍ଥିର ହୋଇଛି। ୯ କୋଟି ମହିଳାଙ୍କ ଜୀବନରେ ପରିବର୍ତ୍ତନ ଆସିଛି। 

୨୦୪୭ ସୁଦ୍ଧା ବିକଶିତ ଭାରତ: 

୨୦୪୭ ସୁଦ୍ଧା ଭାରତକୁ ବିକଶିତ କରିବାର ସଂକଳ୍ପ ନେଇ ଆମ ସରକାର ଆଗକୁ ବଢ଼ୁଛନ୍ତି। ଅର୍ଥମନ୍ତ୍ରୀ କହିଛନ୍ତି, 'ଗତ ଚାରି ବର୍ଷ ମଧ୍ୟରେ ଅର୍ଥନୈତିକ ବିକାଶ ଦ୍ରୁତ ଗତିରେ ହୋଇଛି। ମତ୍ସ୍ୟ ଉତ୍ପାଦନ ଦ୍ୱିଗୁଣିତ ହୋଇଛି। ପ୍ରତିରକ୍ଷା କ୍ଷେତ୍ରରେ ଭାରତ ଆତ୍ମନିର୍ଭରଶୀଳ ହେବାକୁ ଯାଉଛି।

ବନ୍ଦେ ଭାରତର ସଫଳତା: 

ବିମାନ ବନ୍ଦରଗୁଡ଼ିକ ସମ୍ପ୍ରସାରିତ ହେଉଛି। ବନ୍ଦେ ଭାରତର ଲୋକପ୍ରିୟତା ବଢ଼ିବାରେ ଲାଗିଛି। ଏକ ମାଲ ପରିବହନ କରିଡର ମଧ୍ୟ ନିର୍ମାଣ କରାଯାଉଛି। ବନ୍ଦେ ଭାରତ ପାଇଁ ୪୧ ହଜାର କୋଚ୍ ପ୍ରସ୍ତୁତ କରାଯାଉଛି। ଦେଶରେ ୫୧୭ ବିମାନବନ୍ଦର ବିକଶିତ ହୋଇଛି। ୩ଟି ନୂତନ ରେଳ କରିଡର ନିର୍ମାଣ କରାଯିବ। ଏହାଦ୍ୱାରା ଅର୍ଥନୈତିକ ବିକାଶ ହେବ, ଯାତ୍ରୀମାନଙ୍କ ପାଇଁ ସୁବିଧା ଆହୁରି ବୃଦ୍ଧି ପାଇବ।

୪ କୋଟି କୃଷକଙ୍କୁ ପିଏମ୍‌ ଫସଲ ଯୋଜନାର ଲାଭ: 

୪ କୋଟି ଚାଷୀଙ୍କୁ ପ୍ରଧାନମନ୍ତ୍ରୀ ଫସଲ ଯୋଜନାର ଲାଗ ମିଳିଛି। ଆମେ ପବନ ଶକ୍ତିର ବିକାଶ ଦିଗରେ ଦ୍ରୁତ ଗତିରେ କାମ କରୁଛୁ। ଆଜି ସାଧାରଣ ପରିବହନରେ ଇ-ଯାନଗୁଡ଼ିକ ଅଧିକରୁ ଅଧିକ ବ୍ୟବହୃତ ହେଉଛି। ମେଟ୍ରୋ ବିସ୍ତାର ଉପରେ ମଧ୍ୟ କାର୍ଯ୍ୟ ଚାଲିଛି। ବଡ଼ ସହରରେ ଆଧୁନିକ ପରିବହନ ବ୍ୟବସ୍ଥା କରାଯାଉଛି।

ଜୁଲାଇରେ ବିକଶିତ ଭାରତର ରୋଡମ୍ୟାପ୍‌ ଉପସ୍ଥାପନ କରିବେ ସରକାର: 

ଆମ ସରକାର ମଧ୍ୟ ପର୍ଯ୍ୟଟନ କ୍ଷେତ୍ରରେ ଭଲ କାମ କରୁଛନ୍ତି। ବିଦେଶୀ ପୁଞ୍ଜି ବିନିଯୋଗକୁ ଉତ୍ସାହିତ କରାଯାଉଛି। ପର୍ଯ୍ୟଟନ କେନ୍ଦ୍ରଗୁଡ଼ିକ ବିକଶିତ ହେବ। ଜୁଲାଇରେ ଆମ ସରକାର ଏକ ବିକଶିତ ଭାରତର ବାହ୍ୟରେଖା ଉପସ୍ଥାପନ କରିବେ। ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୪-୨୫ ବର୍ଷ ପାଇଁ ଅନ୍ତରିଣ ବଜେଟ୍ ଉପସ୍ଥାପନ କରିବା ବେଳେ ସେ କରଦାତାମାନଙ୍କୁ ଧନ୍ୟବାଦ ଦେଇଛନ୍ତି। ସରକାର ଟିକସ ହାର ହ୍ରାସ କରିଛନ୍ତି। ୭ ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରୁଥିବା ବ୍ୟକ୍ତିଙ୍କ ପାଇଁ କୌଣସି ଟିକସ ନେଣଦେଣ ନାହିଁ। ଆମେ ଗତ ପାଞ୍ଚ ବର୍ଷ ମଧ୍ୟରେ ଟିକସଦାତାମାନଙ୍କ ପାଇଁ ବହୁତ କାମ କରିଛୁ। ରିଟର୍ନ ଦାଖଲ କରିବାର ବ୍ୟବସ୍ଥା ସହଜ ହୋଇଛି। ବର୍ତ୍ତମାନ ରିଟର୍ଣ୍ଣ ପାଇବା ପାଇଁ ବହୁତ କମ୍ ସମୟ ଲାଗୁଛି। ବିତ୍ତୀୟ ନିଅଣ୍ଟକୁ ୪.୫ ପ୍ରତିଶତକୁ ହ୍ରାସ କରାଯିବାକୁ ଲକ୍ଷ୍ୟ ରଖାଯାଇ‌ଥିବା ବେଳେ ୨୦୨୪-୨୫ରେ ବିର୍ତ୍ତୀୟ ନିଅଣ୍ଟ ୫.୧ ପ୍ରତିଶତ ରହିବାକୁ ଲକ୍ଷ୍ୟ ରଖାଯାଇଛି। କପୋରେଟ୍ ଟିକସ ହାର  ୩୦ ପ୍ରତିଶତରୁ ୨୫ ପ୍ରତିଶକକୁ ହ୍ରାସ ଘୋଷଣା କରାଯାଇଛି। ତେବେ ଆୟକର ସ୍ଲାବ ସମାନ ରହିଲା ବୋଲି ଅର୍ଥମନ୍ତ୍ରୀ ରିର୍ମଳା ସୀତାରମଣ ଅନ୍ତରିଣ ବଜେଟ ଅଭିଭାଷଣରେ କହିଛନ୍ତି।

  • prameyanews
  • PrameyaOdia
  • prameya
  • Union Budget 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.