ଗାଜିଆବାଦ – ଅନେକ ସମୟରେ ଚାଲି ଚାଲି ଯାଉଥିବା ବେଳେ ବା ଗାଡ଼ି ଚଲାଉ ଥିବା ବେଳେ ଅନେକ ବ୍ୟକ୍ତି ମୋବାଇଲର ବ୍ୟବହାର କରିଥାନ୍ତି। କିଛି ଲୋକ ତ ମୋବାଇଲରେ ଏମିତି ବୁଡ଼ି ଯାଆନ୍ତି ଯେ ଏଥିରେ ବଡ଼ ବଡ ଦୁର୍ଘଟଣା ବି ଘଟିଥାଏ। ଏମିତି ଏକ ଦୃଦୟ ବିଦାରକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି। ଭିଡ଼ିଓରେ ଯୁବକ ନିଜର ପୋଷା କୁକୁରକୁ ନେଇ ରାସ୍ତାରେ ବୁଲାଉଛନ୍ତି , ଆଉ ନିଜେ ମୋବାଇଲର ବ୍ୟବହାର କରୁଛନ୍ତି। ସେତେବେଳେ ସାମନାରୁ ଆସୁଥିବା ଏକ କାର୍‌ କୁକୁର ଉପରେ ଚଢି ଯାଇଛି। 

କଳା ଚଷମା, ଗୋଲାପୀ ଶାଢୀ , ହାତରେ ସୁନ୍ଦର ଘଡ଼ି … ସମସ୍ତଙ୍କ ଧ୍ୟାନ ଆକର୍ଷଣ କଲେ ମହିଳା ପୋଲିଂ ଅଫିସର

ଭାଇରାଲ ଭିଡ଼ିଓରେ ଦେଖିବାକୁ ମିଳୁଛି , ଜଣେ ଯୁବକ ରାସ୍ତାରେ ପୋଷା କୁକୁରକୁ ନେଇ ବୁଲାଉଛନ୍ତି। ଏହି ସମୟରେ ସେ ନିଜର ମୋବାଇଲ ମଧ୍ୟ ବ୍ୟବହାର କରୁଛନ୍ତି। କୁକୁରଟି ଯୁବକଙ୍କ ଠାରୁ କିଛି ଦୂରରେ ରହି ଚାଲୁଛି। ତାର ବେକରେ ବନ୍ଧା ହୋଇଥିବା ପଟ୍ଟିକୁ ଯୁବକ ଧରିଛନ୍ତି। ସେତେବେଳେ ସାମନାକୁ ଆସୁଥିବା ଏକ କାର୍‌ କୁକୁର ଉପରେ ଚଢି ଯାଇଛି। ଦୁର୍ଘଟଣା ପରେ କୁକୁରଟି ଆଉ ଚାଲି ପାରିନଥିଲା। ସେ କୌଣସି ପ୍ରକାରେ ଯନ୍ତ୍ରଣାରେ ଛଟପଟ ହୋଇ ରାସ୍ତା କଡ଼କୁ ଆସିଥିଲା। 

ଏକ୍ସରେ ଭିଡ଼ିଓ ପୋଷ୍ଟ କରିଥିବା ଜଣେ ୟୁଜର କହିଛନ୍ତି କି ଏହା ଗାଜିଆବାଦର ଇନ୍ଦିରାପୁରମ୍‌ର ଘଟଣା ଏବଂ ଏହି ଦୁର୍ଘଟଣାରେ କୁକୁରର ମୃତ୍ୟୁ ହୋଇଗଲା।

କୁକୁର ସହ ଏହି ଦୁର୍ଘଟଣାର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି। ସନ୍ତୋଷ ନାମକ ୟୁଜର ଏକ୍ସ (ଟ୍ୱିଟରରେ) ଲେଖିଛନ୍ତି , ମୋବାଇଲରେ ବ୍ୟସ୍ତ ଥିବା ଯୁବକଙ୍କର ଏହା ଭୁଲ। ମୋବାଇଲ ଅନେକ ମଣିଷର ଜୀବନ ଛଡ଼େଇ ନେଇଛି , ଇଏ ତ ଏକ ପଶୁ। ମୋବାଇଲରୁ ଫୁରସତ୍‌ ମିଳିଲେ କୁକୁର ଉପରେ ବି ଧ୍ୟାନ ଦିଅନ୍ତୁ।