ଭୁବନେଶ୍ୱର,୦୯/୦୮: ବିବାହର ପ୍ରତିଶ୍ରୁତି ଦେଇ ସାରା ଦେଶରେ ମହିଳା ଓ ଯୁବତୀଙ୍କୁ ଧୋକା ଦେଇଥିବା ଯାଜପୁରର ସତ୍ୟଜିତ୍‌ ସାମଲଙ୍କ କଳା କାରନାମାର ଗୁମର ଫିଟିବାରେ ଲାଗିଛି । ତା’ଠାରୁ ଆଉ କିଛି ତଥ୍ୟ ଆଦାୟ କରିବା ପାଇଁ  ପୁଲିସ୍‌ ତାକୁ  ପୁଣି ୧୦ ଦିନ ରିମାଣ୍ଡରେ ଆଣିବାକୁ ଆବେଦନ  କରିଛି । ଶୁକ୍ରବାର ଜଣାପଡ଼ିବ  କୋର୍ଟ କେତେ ଦିନ ରିମାଣ୍ଡ  ଦେଉଛନ୍ତି । 

ଏବେ ସୁଦ୍ଧା ସତ୍ୟଜିତ୍‌  ୯୯ ଜଣ ମହିଳା-ଯୁବତୀଙ୍କ ସହ  ଶାରୀରିକ ସମ୍ପର୍କ ରଖିଥିବା ପୁଲିସ୍‌  କହିଛି । ତେବେ ସେ ଗିରଫ  ହୋଇ ଜେଲ୍‌ ଗଲା ପରେ ତା  ଏଟିଏମ୍‌ରୁ କେହି ଟଙ୍କା ଉଠାଇଛି ।  ଉକ୍ତ ଏଟିଏମ୍‌କୁ ଗତ ମଙ୍ଗଳବାର ଦିନ ପୁଲିସ୍‌ ଚନ୍ଦ୍ରଶେଖରପୁରସ୍ଥିତ  ସତ୍ୟଜିତ୍‌ର ଭଡ଼ା ଘରୁ ଜବତ  କରିଥିଲା । ସେ କାର୍ଡ କିଏ ନେଇ  ଟଙ୍କା ଉଠାଇଲା ତାକୁ ନେଇ ଏବେ  ତଦନ୍ତ ଆରମ୍ଭ କରିଛି ପୁଲିସ୍‌ । ଖାଲି  ଟଙ୍କା ଉଠା ଯାଇନାହିଁ । କିଛି ଟଙ୍କା  ଟ୍ରାନ୍ସଫର ମଧ୍ୟ ହୋଇଛି । ପୁଲିସ୍‌  ବ୍ୟାଙ୍କ୍‌କୁ ତଥ୍ୟ ମାଗିଛି।