ନୂଆଦିଲ୍ଲୀ,୩୦/୫ : କଂଗ୍ରେସର ମହାସଚିବ ଜୟରାମ ରମେଶ ୭ମ ଏବଂ ଶେଷ ପର୍ଯ୍ୟାୟ ଭୋଟିଂ ପୂର୍ବରୁ ବଡ଼ ଭବିଷ୍ୟବାଣୀ କରିଛନ୍ତି । ସେ ଦାବି କରିଛନ୍ତି କି ୨୦୨୪ର ଲୋକସଭା ନିର୍ବାଚନରେ ୨୦୦୪ଭଳି ସ୍ଥିତି ଦେଖିବାକୁ ମିଳିବ । ସେ କହିଛନ୍ତି କି ଦେଶର କେତେକ ରାଜ୍ୟରେ କଂଗ୍ରେସ ଏବଂ ଇଣ୍ଡିଆ ମେଣ୍ଟ ଭଲ ପ୍ରଦର୍ଶନ କରିବ ।
ଜୟରାମ ରମେଶ କହିଛନ୍ତି କି, କଂଗ୍ରେସ ପାର୍ଟି ରାଜସ୍ଥାନ, କର୍ଣ୍ଣାଟକ, ତେଲେଙ୍ଗାନା ଏବଂ ମହାରାଷ୍ଟରେ ଭଲ ବୃଦ୍ଧି ହାସଲ କରିବ । ଏହା ବ୍ୟତୀତ ଛତିଶଗଡ଼, ମଧ୍ୟପ୍ରଦେଶ ଏବଂ ଆସାମରେ ବି ଦଳର ସ୍ଥିତିରେ ସୁଧାର ହେବ ’। ସମାଚାର ଏଜେନ୍ସି ପିଟିଆଇକୁ ଦେଇଥିବା ଏକ ସାକ୍ଷାତକାରରେ ସେ ଏହି ଭବିଷ୍ୟବାଣୀ କରିଛନ୍ତି ।
କଂଗ୍ରେସ ନେତା କହିଛନ୍ତି କି ଇଣ୍ଡିଆ ମେଣ୍ଟ ଏଥର ଦେଶର କେତେକ ରାଜ୍ୟରେ ଭଲ ପ୍ରଦର୍ଶନ କରିବ । ଏଥର ଦେଖିବା ଯଦି କଂଗ୍ରେସ ପାର୍ଟି ୨୦ବର୍ଷ ପୂର୍ବରୁ ତଥା ୨୦୦୪ର ସ୍ଥିତି ଭଳି ଆଗକୁ ଯାଉଛି । ସେ କହିଛନ୍ତି କି ଆମେ ଛତିଶଗଡ଼, ମଧ୍ୟପ୍ରଦେଶ ଏବଂ ଆସାମରେ ନିଜ ସ୍ଥିତିରେ ସୁଧାର କରିବୁ । ପ୍ରଥମ ଦୁଇ ପର୍ଯ୍ୟାୟ ପରେ ମୋ ପାଇଁ ଏହା ସ୍ପଷ୍ଟ ହୋଇଯାଇଥିଲା କି ଦକ୍ଷୀଣରେ ବିଜେପି ସଫା ହେବାକୁ ଯାଉଛି ଏବଂ ଉତ୍ତରରେ ଅଧା ରହିଯିବ ।