କରଞ୍ଜିଆ,୦୫/୦୮: ଶିକାରୀ ଘରେ ଶିମିଳିପାଳ ବ୍ୟାଘ୍ର ସୁରକ୍ଷା ବାହିନୀର ହଠାତ୍ ଚଢ଼ାଉ । ଶିକାରୀ ଘରୁ ଜବତ ହେଲା ହାଡ଼, ଶିଙ୍ଗ ଏବଂ ଶିକାର ସମ୍ୱନ୍ଧୀୟ ସରଞ୍ଜାମ । ଶିକାରୀ ଜଣକ ହେଉଛନ୍ତି ମକାବାଡ଼ି ଗାଁର ଲଙ୍କନ୍ ବଦ୍ରା।

ସୂଚନା ଅନୁଯାୟୀ, ଶିମିଳିପାଳରେ ଶିକାରୀଙ୍କ ଉତ୍ପାତ । ଶିମିଳିପାଳ ଉତ୍ତର ବନ୍ୟପ୍ରାଣୀ ବନଖଣ୍ଡ ଅଞ୍ଚଳରେ ବେଆଇନ ଶିକାର ହେଉଥିବା ନେଇ ପୂର୍ବରୁ ଖବର ପାଇଥିଲା ଶିମିଳିପାଳ ବ୍ୟାଘ୍ର ସୁରକ୍ଷା ବାହିନୀ । ଖବର ପାଇ ସୋମବାର ନଅଣା ବନ୍ୟପ୍ରାଣୀ ରେଞ୍ଜ ମକାବାଡି ଗାଁରେ ଚଢାଉ କରିଥିଲା  । ସେଠାରେ ଏକ ଶିକାରୀ ଘରେ ଅମାନୁସିକ ଦୃଶ୍ୟ ଦେଖିବାକୁ ମିଳିଥିଲା । ଶିକାରୀ ଘରୁ ଗୋଟିଏ ବାଘ ମେରୁଦଣ୍ଡ ହାଡ଼, ଦୁଇଟି ହରିଣ ଶିଙ୍ଗ, ଶୁଖିଲା ମାଂସ, ଧନୁତୀର, ଅନେକଗୁଡ଼ିଏ ଫାସ, ଦୁଇଟି ଟାଙ୍ଗିଆ ଓ ବିଷ ଜବତ କରାଯାଇଛି । ଏଥି ସହିତ ସଂପୃକ୍ତ ଶିକାରୀକୁ ଗିରଫ କରିଛି ଶିମିଳିପାଳ ବ୍ୟାଘ୍ର ସୁରକ୍ଷା ବାହିନୀ ।