ନୂଆଦିଲ୍ଲୀ – ଦେଶରେ ଲୋକସଭା ନିର୍ବାଚନ ୨୦୨୪ କୁ ନେଇ ସରଗରମ ବାତାବରଣ । ଏହି ମଧ୍ୟରେ INDIA bloc ରେ ସାମିଲ ଆମ୍ ଆଦମୀ ପାର୍ଟିର ନେତା ବଡ଼ ବୟାନ ଦେଇଛନ୍ତି। ଆପ୍ ନେତା ତଥା ଦିଲ୍ଲୀ ସରକାରଙ୍କର ମନ୍ତ୍ରୀ ଆତିଶୀ କହିଛନ୍ତି କି ୪ ଜୁନକୁ ଇଣ୍ଡିଆ ଗଠବନ୍ଧନର ସରକାର ହେବା ପରେ ବଡ଼ ବଡ଼ ଘୋଟାଲାର ଯାଞ୍ଚ କରାଯିବ ଏବଂ ଇଡି , ସିବିଆଇର ଅଧିକାରୀଙ୍କୁ ମଧ୍ୟ ଜେଲ୍ ପଠାଇ ଦିଆଯିବ।
ଆତିଶୀ ଏକ ପ୍ରେସ୍ କନଫରେନ୍ସରେ କହିଛନ୍ତି , ଦେଶର ଜନତା ମନକୁ ଦୃଢ କରି ନେଇଛନ୍ତି। ଦେଶର ଜନତା ନିଜର ଭୋଟ୍ ମାଧ୍ୟମରେ ହିଁ ଦେବେ ଉତ୍ତର। ସେମାନେ ଭାରତୀୟ ଜନତା ପାର୍ଟିକୁ ବାହାର କରିବାକୁ ଯାଉଛନ୍ତି। ଏଥିପାଇଁ ଆପଣଙ୍କୁ (ବିଜେପି) ୪ଜୁନ୍ ଯାଏ ଯେତେ ଷଡ଼ଯନ୍ତ୍ର ରଚିବାର ଅଛି ରଚି ନିଅ। କାରଣ ୪ ଜୁନ ପରେ ଏହି ଦେଶର ସବୁଠୁ ବଡ଼ ଘୋଟାଲାର ଯାଞ୍ଚ ହେବ। ୪ ଜୁନ ପରେ ଯେବେ ଇଣ୍ଡିଆ ଗଠବନ୍ଧନର ସରକାର ଗଠନ ହେବ ତ ହଜାର ହଜାର କୋଟି ଟଙ୍କାର ଇଲେକ୍ଟୋରାଲ ବଣ୍ଡ ଘୋଟାଲର ଯାଞ୍ଚ ହେବ। ଯେଉଁଥିରେ କେବଳ ବିଜେପିର ନେତା ଜେଲ୍ ଯିବେନି , ବରଂ ଇଡିର ଅଫିସର , ସିବିଆଇର ଅଫିସର ଓ ଇନକମ୍ ଟ୍ୟାକ୍ସ ବିଭାଗର ଅଫିସର ଜେଲ୍ ଯିବେ , କାରଣ ସେ ବି ଏହି ଘୋଟାଲାରେ ସାମିଲ ଅଛନ୍ତି।
ଉଲ୍ଲେଖନୀୟ ଯେ, ଦିଲ୍ଲୀ ହାଇକୋର୍ଟରେ ଆଜି ମଦ ଦୁ୍ର୍ନୀତିର ଅଭିଯୁକ୍ତ ତଥା ଆପ୍ ନେତା ମନୀଷ ସିସୋସଦିଆଙ୍କୁ ଇଡି ଓ ସିବିଆଇ ଉଭୟ କେସ୍ରେ ତାଙ୍କର ଜାମିନ ଆବେଦନକୁ ଖାରଜ କରି ଦେଇଛନ୍ତି। କୋର୍ଟଙ୍କ ଏହି ନିଷ୍ପତ୍ତିର କିଛି ସମୟରେ ପରେ ଆତିଶୀ ଏକ ସାମ୍ୱାଦିକ ସମ୍ମିଳନୀକୁ ସମ୍ୱୋଧିତ କରିଥିଲେ।