ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଜିଲ୍ଲା ଆଇନସେବା ପ୍ରାଧିକରଣଙ୍କ ପଦକ୍ଷେପ : କିଛି ଘଣ୍ଟା ଭିତରେ ଗରିବ ମହିଳାଙ୍କ ଘରେ ହେଲା ବିଦ୍ୟୁତ ସଂଯୋଗ


ମାଲକାନଗିରି,୪/୭(ଆପ୍ର ) : ଜିଲ୍ଲା ଆଇନସେବା ପ୍ରାଧିକରଣଙ୍କ ପଦକ୍ଷେପ ଯୋଗୁଁ କିଛି ଘଣ୍ଟା ଭିତରେ ଜଣେ ଗରିବ  ମହିଳା ଗ୍ରାହକଙ୍କ ଘରେ ଟାଟା ପାୱାର କରିଛି ବିଜୁଳି ସଂଯୋଗ।

କିଛି ତଦନ୍ତ ନ କରି ଟାଟା ପାୱାର ମନମୁଖୀ ଭାବେ  ମାଲକାନଗିରି ଅର୍.ଆଇ କାର୍ଯ୍ୟାଳୟ ନିକଟରେ ରହୁଥିବା  ଶାନ୍ତି ନାମ୍ନୀ ଜଣେ ମହିଳାଙ୍କ ଘରୁ ବିଜୁଳି ସଂଯୋଗ ବିଛିନ୍ନ କରି ଦେଇଥିଲେ। ଉକ୍ତ ମହିଳା  ଜଣକ ଟାଟା ପାଓ୍ବାର ଅଧିକାରୀମାନଙ୍କୁ ଯେତେ ଅନୁରୋଧ କରିଥିଲେ  ମଧ୍ୟ ସେମାନେ କିଛି ଶୁଣି ନ ଥିଲେ । ଉକ୍ତ ମହିଳା ଜଣକ  ବିଡ଼ିଓ, ମ୍ୟୁନିସିପାଲଟି ଅଧିକାରୀ ଓ ଅନ୍ୟାନ୍ୟ ପଦାଧିକାରୀଙ୍କୁ ଗୁହାରି ଜଣାଇ ଥିଲେ।  କିନ୍ତୁ କିଏ କିଛି ନ ଶୁଣିବାରୁ ଶେଷରେ  ଆଇନସେବା ପ୍ରାଧିକରଣର ଦ୍ବାରସ୍ଥ ହୋଇଥିଲେ। ଜିଲ୍ଲା ଆଇନସେବା ପ୍ରାଧିକରଣ ର ସଚିବ ତଥା ସ୍ଥାୟୀ ଓ ନିରନ୍ତର ଲୋକ ଅଦାଲତଙ୍କ  ବିଚାରପତି ସଂଗୀତା ପାତ୍ରଙ୍କ ନିକଟରେ ଗୁହାରି ଜଣାଇଥିଲେ।

ବିଚାରପତି ଏହାକୁ ଖୁବ୍ ଗୁରୁତ୍ବର ସହ ଗ୍ରହଣକରି ଟାଟା ପାୱାର ର ଅଧିକାରୀଙ୍କୁ   ଅଦାଲତକୁ ଡକାଇଥିଲେ। ବିନା ନୋଟିସରେ ଓ ବିନା କାରଣରେ ବିଜୁଳି ସଂଯୋଗ ବିଚ୍ଛିନ୍ନ କରିଥିବାରୁ ଦୁଇ ପକ୍ଷଙ୍କ ଉପସ୍ଥିତିରେ ତତକ୍ଷଣାତ୍ ବିଜୁଳି ସଂଯୋଗ ପାଇଁ ନିର୍ଦ୍ଦେଶ ପ୍ରଦାନ କରିଥିଲେ। ଆଦେଶ ପାଳନ ପୂର୍ବକ ଟାଟା ପାୱାର ତୁରନ୍ତ ବିଜୁଳି ସଂଯୋଗ କରି ଅଦାଲତକୁ  ବିଜୁଳି ସଂଯୋଗ କଥା ଜଣାଇଥିଲା । 

ପୂର୍ବ ସଚିବଙ୍କ ବଦଳି ପରେ  ବିଚାରପତି ସଂଗୀତା ପାତ୍ର ତିନି ଦିନ ତଳେ ପୁରୀ ଜିଲ୍ଲା ପିପିଲିରୁ ବଦଳି ହୋଇ ମାଲକାନଗିରି ଜିଲ୍ଲାରେ ପଦଭାର ଗ୍ରହଣ କରିଥିଲେ। ପଦଭାର ଗ୍ରହଣ କରିବା ପରେ ଏହା  ତାଙ୍କର ପ୍ରଥମ ଦୃଷ୍ଟାନ୍ତ ମୂଳକ ଆଦେଶ ଥିଲା । ଯେଉଁଥିରେ ସେ ଜଣେ ଅସହାୟ ମହିଳାଙ୍କୁ ତ୍ୱରିତ ନ୍ୟାୟ ପ୍ରଦାନ କରିଥିଲେ। ଏହି ମାମଲାରେ ବରିଷ୍ଠ ଆଇନଜୀବୀ ତଥା ରିମାଣ୍ଡ   ଆଡଭୋକେଟ ଗୌତମ ସରକାର ସହଯୋଗ କରିଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.