ନୂଆଦିଲ୍ଳୀ,୨୮।୩: କର୍ମଚାରୀ ଭବିଷ୍ୟନିଧି ସଂଗଠନରେ ସାରା ଦେଶରେ କୋଟି କୋଟି ଆକାଉଣ୍ଟଧାରୀ ଅଛନ୍ତି। ଯଦି ଆପଣ ମଧ୍ୟ EPFO ରେ ନିବେଶ କରନ୍ତି ତେବେ ଏହି ଖବର ଆପଣଙ୍କ ପାଇଁ ଖୁବ୍ ଦରକାରୀ। EPFO ଏବେ ଗ୍ରାହକମାନଙ୍କ ପାଇଁ ଇ- KYC ବାଧ୍ୟତାମୂଳକ କରିଛି। ଖାତାଧାରୀମାନଙ୍କୁ ଅନଲାଇନ୍ ଠକେଇରୁ ରକ୍ଷା କରିବା ପାଇଁ EPFO ପକ୍ଷରୁ KYC କୁ ବାଧ୍ୟତାମୂଳକ କରିଛି। ଏହା ସହିତ EPFO ସହିତ ଜଡିତ କ୍ଲେମ ଓ ସେଟେଲମେଣ୍ଟ ମାମଲାରେ ମଧ୍ୟ KYC ତ୍ବରିତ କାମ କରିବ।
ଆପଣ ଘରେ ବସି e-KYC କାର୍ଯ୍ୟ ସମାପ୍ତ କରିପାରିବେ-
କର୍ମଚାରୀ ଭବିଷ୍ୟ ନିଧି ସଂଗଠନ ଏହାର ଆକାଉଣ୍ଟଧାରୀଙ୍କୁ ଘରେ ବସି e-KYC କରିବା ପାଇଁ ସୁବିଧା ଯୋଗାଇଥାଏ। କେବଳ କିଛି ସହଜ ପଦକ୍ଷେପ ଅନୁସରଣ କରି ଆପଣ ସହଜରେ KYC ପ୍ରକ୍ରିୟା ସଂପୂର୍ଣ୍ଣ କରିପାରିବେ। ଆପଣ ଏହାକୁ ଏଭଳି ପକ୍ରିୟାରେ କରିପାରିବେ।
ଇପିଏଫ୍ରେ e-KYC ପୁରା କରିବା ପାଇଁ ଦରକାର ପଡିବ ଏହି ଡକ୍ୟୁମେଣ୍ଟ
-ଆଧର କାର୍ଡ
-ପ୍ୟାନ୍ କାର୍ଡ
-ବ୍ୟାଙ୍କ ଆକାଉଣ୍ଟ ଡିଟେଲ୍ସ
-ପାସପୋର୍ଟ ନମ୍ବର
-ଡ୍ରାଇଭିଂ ଲାଇସେନ୍ସ
-ଭୋଟର ଆଇଡି କାର୍ଡ
-ରାସନ୍ କାର୍ଡ
ଏଭଳି ଇପିଏଫ୍ ଖାତାରେ KYC କରିପାରିବେ ଅପଡେଟ୍
-କେଓ୍ବାଇସି ଅପଡେଟ୍ କରିବା ପାଇଁ ସବୁଠାରୁ ପ୍ରଥମେ ଆପଣ ଇପିଏଫ୍ଓ ଅଧିକାରୀଙ୍କ ଓ୍ବେବସାଇଟ୍ରେ ଭିଜିଟ୍ କରନ୍ତୁ।
-ଆଗକୁ ସର୍ଭିସ ଟ୍ୟାବ୍ରେ କ୍ଲିକ୍ କରି For Employees ସେକ୍ସନ୍ରେ କ୍ଲିକ୍ କରନ୍ତୁ।
-ଆଗକୁ ନିଜର ୟୁଏଏନ୍ ମେମ୍ବର ପୋର୍ଟାଲରେ କ୍ଲିକ୍ କରନ୍ତୁ।
- ଆଗକୁ ନିଜର ୟୁଏଏନ୍ ମେମ୍ବର ପୋର୍ଟାଲରେ କ୍ଲିକ୍ କରନ୍ତୁ।
-ଏହାପରେ ଆପଣଙ୍କୁ ୟୁଏଏନ୍ ନମ୍ବର ଓ ପାସଓ୍ବାର୍ଡ ଦିଅନ୍ତୁ।
-ଆଗକୁ ହୋମ୍ ପେଜ୍ରେ ମ୍ୟାନେଜ୍ ବିକଳ୍ପକୁ ଚୟନ କରନ୍ତୁ।
-ଆଗକୁ ଆପଣଙ୍କୁ ବହୁ ବିକଳ୍ପ ଦେଖାଯିବ, ଯେଉଁଥିରେ କେଓ୍ବାଇସି ଅପ୍ସନକୁ ସିଲେକ୍ଟ କରନ୍ତୁ।
-ଏହାପରେ ଆପଣଙ୍କ ଆଗରେ ଏକ ପେଜ୍ ଖୋଲିବ, ଯେଉଁଥିରେ ଦିଆଯାଇଥିବା ଡକ୍ୟୁମେଣ୍ଟକୁ ସିଲେକ୍ଟ କରନ୍ତୁ।
-ଧ୍ୟାନ ଦିଅନ୍ତୁ ଯେ, ପ୍ୟାନ୍ ଓ ଆଧାରର ସୂଚନା ଦେବା ବାଧ୍ୟତାମୂଳକ।
-ଡିଟେଲ୍ସ ଭରିବା ପରେ ସବୁ ଡିଟେଲ୍ସକୁ ଚେକ୍ କରନ୍ତୁ।
-ଏହାପରେ ସେଭ୍ ବଟନ୍ ଉପରେ କ୍ଳିକ୍ କରନ୍ତୁ।
-କେଓ୍ବାଇସି ଅପଡେଟ୍ ହେବାପରେ ଏହି ସୂଚନା ଆପଣ ନିଯୁକ୍ତିଦାତାଙ୍କ ପାଖକୁ ଚାଲିଯିବ।
-ନିଯୁକ୍ତିଦାତାଙ୍କଠାରୁ ଆପ୍ରୁଭାଲ ପରେ ଇପିଏଫ୍ରେ କେଓ୍ବାଇସି ଅପଡେଟ୍ ହୋଇଯିବ।