ଭୁବନେଶ୍ୱର, ୩୧/୦୩: ତାତି ବଢ଼ୁଛି । ରାଜ୍ୟରେ ବିଭିନ୍ନ ସ୍ଥାନରେ ପାରଦ ୪୦ ଟପିଲାଣି । ଟ୍ୱିନ୍ ସିଟିରେ ବି ନାହିଁ ନଥିବା ଖରା । ଘରୁ ଗୋଡ଼ କାଢ଼ିଲେ ପାଦ ପୋଡ଼ି ଯାଉଛି ଏଭଳି ସ୍ଥିତିରେ ପୋଲିସ ଅହରହ ଲୋକଙ୍କ ସୁରକ୍ଷା ପାଇଁ କାମ କରୁଛି । ପ୍ରବଳ ଖରା ଆଉ ଲଗାଣ ବର୍ଷାକୁ ଖାତିର୍ ନାହିଁ ।
ଅକ୍ଲାନ୍ତ ଭାବେ ପୋଲିସ ଦିନରାତି ଲୋକଙ୍କ ସେବାରେ ନିୟୋଜିତ ରହିଛି । ଆଉ ସେହି ପୋଲିସଙ୍କ ସ୍ୱାସ୍ଥ୍ୟ ପାଇଁ ଆଗେଇ ଆସିଛି ଏଭରଗ୍ରୀନ୍ ଟି । କମିଶନରେଟ ପୋଲିସକୁ ସଂସ୍ଥା ପକ୍ଷରୁ ଓଆରଏସର ୫ ହଜାର ସ୍ୟାଚେଟ୍ ଏବଂ ୧୦ ହଜାର ଟେଟ୍ରା ପ୍ୟାକ୍ସ ପ୍ରଦାନ କରାଯାଇଛି ।
ଏଭରଗ୍ରୀନ୍ ଟିର ଅଧ୍ୟକ୍ଷ ସଜନ ଅଗ୍ରୱାଲ, ଏମଡି ପ୍ରବୀଣ ଅଗ୍ରୱାଲ୍ ଓ ହାଇ-ଟେକ୍ ହସ୍ପିଟାଲର ଡକ୍ଟର ଅମ୍ରିତ ପାଟ୍ଟଯୋଶୀ ପ୍ରମୁଖ ପୋଲିସ କମିଶନର ସଞ୍ଜୀବ ପଣ୍ଡା, ଭୁବନେଶ୍ୱର ଡିସିପି ପ୍ରତୀକ ସିଂ ଓ ଅନ୍ୟ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଏସବୁ ସାମଗ୍ରୀ ପ୍ରଦାନ କରିଛନ୍ତି । ସାମଗ୍ରୀ ପ୍ରଦାନ କରି ସଜନ ଅଗ୍ରୱାଲ୍ ଖୁସିବ୍ୟକ୍ତ କରିଛନ୍ତି ।