ଚନ୍ଦନେଶ୍ୱର,୧୬/୦୪: ଅଂଶୁଘାତରେ ଜଣେ ଚାଷୀଙ୍କ ଜୀବନ ଯାଇଥିବା ଅଭିଯୋଗ ହୋଇଛି । ମୃତକ ହେଲେ ବାଳେଶ୍ୱର ଜିଲ୍ଲା ଭୋଗରାଇର ମହେଶପୁର ପଞ୍ଚାୟତ ମହେଶପୁର ଗାଁର ଲକ୍ଷ୍ମୀକାନ୍ତ  ସାହୁ(୬୪) । ଏନେଇ ଭୋଗରାଇ ଥାନାରେ ଅପମୃତ୍ୟୁ ମାମଲା ରୁଜୁ ହୋଇଛି । ଲକ୍ଷ୍ମୀକାନ୍ତ ସକାଳେ ଧାନଜମିକୁ ଚାଷ ଦେଖିବାକୁ ଯାଇଥିଲେ ।  ମଧ୍ୟାହ୍ନ ପ୍ରାୟ ୧୨ଟା ୩୦ରେ ସେ ଜମି ପାଖରେ ଅଚେତ ହୋଇ ପଡ଼ିଥିବା  ଦେଖି ଜଣେ ଚାଷୀ ତାଙ୍କ ପରିବାର ଲୋକଙ୍କୁ ଖବର ଦେଇଥିଲେ । ପରିବାର  ଲୋକେ ତାଙ୍କୁ ଜଳେଶ୍ୱରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ଡାକ୍ତର  ତାଙ୍କୁ ମୃତ ଘୋଷଣା କରିଥିଲେ । ପ୍ରବଳ ଗ୍ରୀଷ୍ମ ପ୍ରବାହ ହେତୁ ଅଂଶୁଘାତରେ  ଲକ୍ଷ୍ମୀକାନ୍ତଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି ।