ନୂଆଦିଲ୍ଲୀ, ୬/୨ : ଅଷ୍ଟ୍ରେଲିଆର ପୂର୍ବତନ ପ୍ରଧାନମନ୍ତ୍ରୀ ମ୍ୟାଲ୍କମ ଟର୍ନବୁଲ ନିକଟରେ ଭାରତ ଆସିଥିଲେ ଏବଂ ସେ ଅଦାନୀ ଗ୍ରୁପର ଚେୟାରମ୍ୟାନ ଗୌତମ ଅଦାନୀଙ୍କ ସହ ଖାଓ୍ବାଡ଼ାର ହାଇବ୍ରିଡ଼ ରିନ୍ୟୁଏବଲ ପାର୍କର ଗସ୍ତ କରିଥିଲେ । ଗୌତମ ଅଦାନୀ କହିଛନ୍ତି କି, ମ୍ୟାଲ୍କମ ଟର୍ନବୁଲଙ୍କ ସୌର ସମାନତାକୁ ନେଇ ଚିନ୍ତା ବହୁତ ପ୍ରେରଣାଦାୟକ ଅଟେ । ମ୍ୟାଲ୍କମ ଟର୍ନବୁଲ ଏବଂ ଲୁସୀ ଟର୍ନବୁଲଙ୍କ ସହ ଏକ ଫଟୋ ବି ଗୌତମ ଅଦାନୀ ସୋସିଆଲ ମିଡ଼ିଆରେ ସେୟାର କରିଛନ୍ତି ।
ଗୌତମ ଅଦାନୀ ‘ଏକ୍ସ’ରେ ଲେଖିଛନ୍ତି କି, ଅଷ୍ଟ୍ରେଲିଆର ପୂର୍ବତନ ପ୍ରଧାନମନ୍ତ୍ରୀ ମ୍ୟାଲ୍କମ ଟର୍ନବୁଲ ଏବଂ ଲୁସୀ ଟର୍ନବୁଲଙ୍କ ସ୍ବାଗତ କରିବା ସୌଭାଗ୍ୟର କଥା । ଖୁସି ଲାଗୁଛି କି ସେ ଖାଓ୍ବାଡ଼ା ଯିବାକୁ ସମୟ ବାହାର କରିଥିଲେ । ଯେଉଁଠାରେ ଅଦାନୀ ସମୂହ ୭୫୦ବର୍ଗ କିଲୋମିଟରରେ ନିର୍ମାଣଧୀନ ବିଶ୍ବର ସବୁଠାରୁ ବଡ଼ ୩୦ଗିଗାଓ୍ବାଟ ହାଇବ୍ରିଡ଼ ରିନ୍ୟୁଏବଲ ପାର୍କ ନିର୍ମାଣ କରୁଛନ୍ତି । ଟର୍ନବୁଲଙ୍କ ସହ ପ୍ରତ୍ୟେକ କଥାବାର୍ତ୍ତା ସମୃଦ୍ଧ, ବିଚାରୋତେଜକ ଏବଂ ଶିକ୍ଷାପ୍ରଦ ରହିଥିଲା । ସୌର ସମାନତା ଏବଂ ସନ୍ତୁଳିତ ପର୍ଯ୍ୟାବରଣ ପ୍ରବନ୍ଧନ ପ୍ରତି ତାଙ୍କର ପ୍ରତିବଦ୍ଧତା ବାସ୍ତବରେ ପ୍ରେରଣାଦାୟକ ଅଟେ ।
ପ୍ରକାଶ ଯେ, ଅଦାନୀ ଗ୍ରୁପ ଗୁଜୁରାଟର ମରୁଭୂମୀ ଅଞ୍ଚଳରେ ବିଶ୍ବର ସବୁଠାରୁ ବଡ଼ ଗ୍ରୀନ ଏନର୍ଜୀ ପାର୍କ କରୁଛନ୍ତି । ଏହି ପାର୍କ ସୌର ପାର୍କରୁ ପ୍ରାୟ ୨କୋଟିରୁ ଅଧିକ ଘରେ ବିଜୁଳି ଦେବା ଲାଗି ୩୦ଗୀଗାଓ୍ବାଟ ବିଦ୍ୟୁତ ପ୍ରସ୍ତୁତ କରାଯିବ । ଅଦାନୀ ଗ୍ରୁପର ଏହି ପ୍ରେଜେକ୍ଟ ଦ୍ବାରା ଭାରତର ଗ୍ରୀନ ଏନର୍ଜୀ କ୍ଷମତା ବଢିବା ଆଶା ରହିଛି । ଏହା ବ୍ୟତୀତ ସିଓପିରେ ଜଳବାୟୁକୁ ନେଇ କରାଯାଇଥିବା ପ୍ରତିଜ୍ଞାକୁ ପୂରା କରିବାରେ ସାହାଯ୍ୟ ମିଳିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବି ଏହି ‘ ଡ୍ରିମ ପ୍ରୋଜେକ୍ଟ’ ବିଷୟରେ କହିଛନ୍ତି ।
It was a privilege to welcome Hon Mr Malcolm Turnbull, former Prime Minister of Australia, and Ms Lucy Turnbull. Delighted that he made time to visit Khavda, where the Adani Group is building the world's largest 30 GW Hybrid Renewables Park, spanning 750 square kilometres. Every… pic.twitter.com/uY6U6M3onm
— Gautam Adani (@gautam_adani) February 5, 2024