ପାଟନା: ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ସୁଶିଲ କୁମାର ମୋଦୀଙ୍କ ପରଲୋକ । ବିହାର ବିଜେପିର ଭୀଷ୍ମ ପିତାମହ ସୁଶିଲ ମୋଦୀଙ୍କ ନିଧନ  ହୋଇଛି । ବିଜେପିର ସଂକଟମୋଚକ କୁହାଯାଉଥିବା ସୁଶିଲ ମୋଦୀ ଦୀର୍ଘ ଦିନ ଧରି କର୍କଟ ରୋଗରେ ପୀଡ଼ିତ ଥିଲେ । ତେବେ ୭୨ ବର୍ଷୀୟ ସୁଶିଲ ମୋଦୀଙ୍କ ନିଧନ ହୋଇଥିବା ନେଇ ବିହାରର ଉପମୁଖ୍ୟମନ୍ତ୍ରୀ  ସମ୍ରାଟ ଚୌଧୁରୀ ଏକ୍ସରେ ସୂଚନା ଦେଇଛନ୍ତି । ସେ ଲେଖିଛନ୍ତି, ‘ ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ଏବଂ ପୂର୍ବତନ ରାଜ୍ୟସଭା ସାଂସଦ ସୁଶିଲ କୁମାର ମୋଦୀଙ୍କ ନିଧନରେ ଶ୍ରଦ୍ଧାଞ୍ଜଳି ଜଣାଉଛି ।ତାଙ୍କର ବିୟୋଗ ବିହାର ବିଜେପି ଲାଗି ଅପୂରଣୀୟ କ୍ଷତି ।’

 ସୁଶିଲ ମୋଦୀ ଦୀର୍ଘ  ୬ ମାସ ହେଲା କର୍କଟ ରୋଗରେ ପୀଡ଼ିତ ଥିଲେ । ତାଙ୍କୁ କ୍ୟାନ୍ସର ହୋଇଥିବା ନେଇ ଏପ୍ରିଲ ୩ରେ ଖୋଦ ସୁଶିଲ ମୋଦୀ ଏକ୍ସ ହ୍ୟାଣ୍ଡଲରେ ସୂଚନା ଦେଇଥିଲେ । ତେବେ ସୁଶିଲ କୁମାର ମୋଦୀଙ୍କ ଜନ୍ମ ବିହାରର ରାଜଧାନୀ ପାଟନାରେ ହୋଇଥିଲା । ସେ ୫ ଜାନୁଆରୀ ୧୯୫୨ରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ମୋତିଲାଲ ମୋଦୀ ଏବଂ ମା’ଙ୍କ ନାମ ରତ୍ନା ଦେବୀ ଥିଲା । ତାଙ୍କ ପତ୍ନୀ ଜେମ୍ସି ମୋଦୀ ଖ୍ରୀଷ୍ଟିଆନ ଧର୍ମର ହୋଇଥିବା ବେଳେ ସେ ଜଣେ ପ୍ରଫେସର। ସୁଶିଲ ମୋଦୀଙ୍କର ଦୁଇ ଜଣ ପୁତ୍ର ଉତ୍କର୍ଷ ତଥାଗତ ଏବଂ ଅକ୍ଷୟ ଅମୃତାଂଶୁ ଅଛନ୍ତି । 

पार्टी में अपने मूल्यवान सहयोगी और दशकों से मेरे मित्र रहे सुशील मोदी जी के असामयिक निधन से अत्यंत दुख हुआ है। बिहार में भाजपा के उत्थान और उसकी सफलताओं के पीछे उनका अमूल्य योगदान रहा है। आपातकाल का पुरजोर विरोध करते हुए, उन्होंने छात्र राजनीति से अपनी एक अलग पहचान बनाई थी। वे… pic.twitter.com/160Bfbt72n

— Narendra Modi (@narendramodi) May 13, 2024

ସୁଶିଲ କୁମାର ମୋଦୀ ପାଟନା ସାଇନ୍ସ କଲେଜ୍‌ ଉଦ୍ଭିଦ ବିଜ୍ଞାନରେ ଗ୍ରାଜୁଏସନ ପାସ କରିଥିଲେ । ସେ ପ୍ରଥମ ଥର ଲାଗି ୧୯୯୦ ବିହାର ବିଧାନସଭାକୁ ନିର୍ବାଚିତ ହୋଇଥିଲେ ।ଏହା ପରେ ୧୯୯୫ ଏବଂ ୨୦୦୦ ମସିହାରେ ବିଧାୟକ ହୋଇଥିଲେ ସୁଶିଲ ମୋଦୀ । ସେ ଲଗାତାର ୩ ଥର ବିଧାୟକ ରହିଥିଲେ ।ତେବେ ବିଜେପିର ଜଣେ ବରିଷ୍ଠ ନେତା ସୁଶିଲ କୁମାର ମୋଦୀଙ୍କ ବିୟୋଗରେ ଦେଶରେ ଶୋକର ଛାୟା ଖେଳିଯାଇଛି । ପ୍ରଧାନମନ୍ତ୍ରୀ ମୋଦୀଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ସୁଶିଲ ମୋଦୀଙ୍କ ମୃତ୍ୟୁରେ ଶୋକ ପ୍ରକାଶ କରିବା ସହ ପରିବାରକୁ ସମବେଦନା ଜଣାଇଛନ୍ତି ।