ଭୁବନେଶ୍ବର,୧୫।୫ : ସାଧାରଣ ନିର୍ବାଚନ ପୂର୍ବରୁ ବ୍ରଜରାଜନଗରରେ ବିଜେପିକୁ ଶକ୍ତ ଝଟକା ଲାଗିଛି। ପୂର୍ବତନ ବିଧାୟିକା ରାଧାରାଣୀ ପଣ୍ଡା ବିଜେପି ଛାଡିଛନ୍ତି। ସେ ନିଜ ଇସ୍ତଫାପତ୍ର ବିଜେପି ରାଜ୍ୟ ସଭାପତିଙ୍କୁ ପଠାଇଛନ୍ତି। ତେବେ ବିଜେପିରୁ ଇସ୍ତଫା ଦେବା ସହ ସେ ବିଜେଡିରେ ସାମିଲ ହୋଇଛନ୍ତି। ବିଜେଡି ସାଂଗଠିନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେସେ ବିଜେଡିରେ ସାମିଲ ହୋଇଛନ୍ତି।
୨୦୧୪ରେ ସେ ବ୍ରଜରାଜନଗରରୁ ବିଧାୟିକା ଭାବେ ନିର୍ବାଚିତ ହୋଇଥିଲେ। ୨୦୨୪ ରେ ଟିକେଟ ପାଇଁ ସେ ଆଶାୟୀ ଥିଲେ। କିନ୍ତୁ ବିଜେପି ତାଙ୍କ ପରିବର୍ତେ ସୁରେଶ ପୂଜାରୀଙ୍କୁ ବ୍ରଜରାଜନଗରରୁ ପ୍ରାର୍ଥୀ କରିଥିଲା। ଏହାକୁ ନେଇ ସେ ଅସନ୍ତୋଷ ଥିଲେ।
