ନୂଆଦିଲ୍ଲୀ, ୪।୬: ଇସ୍ରାଏଲୀଙ୍କୁ ମାଳଦୀପ ଯିବା ମନା । ଗାଜା ସଙ୍ଘର୍ଷ କାରଣରୁ ଦିନକ ପୂର୍ବରୁ ଇସ୍ରାଏଲ୍ ପାସପୋର୍ଟ ଧାରୀଙ୍କୁ ନିଜ ଦେଶରେ ପ୍ରବେଶ କରିବାକୁ ପ୍ରତିବନ୍ଧକ ଲଗାଇଛି ମାଳଦୀପ । ମାଳଦୀପର ଏଭଳି ନିଷ୍ପତ୍ତି ପ୍ରତିବାଦରେ ଇସ୍ରାଏଲ୍ ନିଜ ଦେଶର ଲୋକଙ୍କୁ ଭାରତର କିଛି ସମୁଦ୍ର ତଟ ଯିବାକୁ ପରାମର୍ଶ ଦେଇଛି । ଯେଉଁଥିରେ ଲାକ୍ଷାଦ୍ୱୀପ ସାମିଲ । ଇସ୍ରାଏଲ୍ ନିଜ ଦେଶର ଲୋକଙ୍କୁ ପରାମର୍ଶରେ କହିଛି ଯେ, ଇସ୍ରାଏଲୀ ସେହିସବୁ ଦ୍ୱୀପକୁ ଯାଆନ୍ତୁ, ଯେଉଁଠାକୁ ପ୍ରଧାନମନ୍ତ୍ରୀ ମୋଦି ଗସ୍ତ କରିଛନ୍ତି । ଇସ୍ରାଏଲୀ ଦୂତାବାସ ଦେଶବାସୀଙ୍କୁ ପରାମର୍ଶ ଦେବା ସଙ୍ଗେ ସଙ୍ଗେ ଭାରତର କିଛି ଦ୍ୱୀପର ଫଟୋ ମଧ୍ୟ ପୋଷ୍ଟ କରିଛି । ଦେଶବାସୀଙ୍କୁ ସେସବୁ ସ୍ଥାନକୁ ଭ୍ରମଣ କରିବାକୁ ପରାମର୍ଶ ଦେଇଛି । ଏଥିମଧ୍ୟରେ ଲାକ୍ଷାଦ୍ୱୀପ, ଗୋଆ, ଆଣ୍ଡାମାନ୍ ଓ ନିକୋବର ଦ୍ୱୀପପୁଞ୍ଜ ସମେତ କେରଳ ତଟ ମଧ୍ୟ ସାମିଲ । 

Since the Maldives is no longer welcoming Israelis, here are some beautiful and amazing Indian beaches where Israeli tourists are warmly welcomed and treated with utmost hospitality. 🏖️🇮🇳

Check out these recommendations from @IsraelinIndia, based on the places visited by our… pic.twitter.com/kGNEDS6fsp

— Israel in India (@IsraelinIndia) June 3, 2024

କହିରଖୁ କି, ଚଳିତ ବର୍ଷ ପ୍ରାରମ୍ଭରେ ପ୍ରଧାନମନ୍ତ୍ରୀ ମୋଦି ଲାକ୍ଷାଦ୍ୱୀପ ଗସ୍ତରେ ଯାଇଥିଲେ । ଯାହାର ବିରୋଧ କରିଥିଲେ ମାଳଦୀପର କିଛି ନେତା । ପ୍ରଧାନମନ୍ତ୍ରୀ ମୋଦିଙ୍କ ଲାକ୍ଷାଦ୍ୱୀପ ଯାତ୍ରାରେ ମାଳଦୀପର ଯୁବା କାର୍ଯ୍ୟ ମନ୍ତ୍ରାଳୟର ତିନି ଜଣ ମନ୍ତ୍ରୀ ମୋଦିଙ୍କୁ ମାଳଦୀପର ପର୍ଯ୍ୟଟନ ପାଇଁ ବିପଦ ବୋଲି ଦର୍ଶାଇଥିଲେ । ଏଥିସହ ପ୍ରଧାନମନ୍ତ୍ରୀ ମୋଦିଙ୍କ ବିରୋଧରେ ନକାରତ୍ମକ ଟିପ୍ପଣୀମାନ ଦେଇଥିଲେ । ଯାହା ପରେ ଭାରତୀୟମାନେ ମାଳଦୀପକୁ ବହିଷ୍କାର କରିବା ଆରମ୍ଭ କରିଥିଲେ । ମାଳଦୀପ ଯାଉଥିବା ଅନେକ ପର୍ଯ୍ୟଟକ ନିଜ ଟିକେଟ କ୍ୟାନସଲ କରିଦେଇଥିଲେ । ଯାହା ଫଳରେ ମାଳଦୀପକୁ ଆର୍ଥିକ ସଙ୍କଟ ଦେଇ ଗତି କରିବାକୁ ପଡ଼ିଥିଲା । କହିରଖୁ କି, ଏହି ଘଟଣାର ତୁରନ୍ତ ପରେ ଅନଲାଇନ୍ ଟ୍ରାଭେଲ ଏଜେନ୍ସି ଇଜ୍ ମାଇ ଟ୍ରିପ୍ ମାଳଦୀପକୁ ଯିବା ଲାଗି ଟିକେଟ ବୁକିଂ କରିବା ବନ୍ଦ କରିଦେଇଥିଲା ।