ଲକ୍ଷ୍ନୌ ୧୪/୦୯: ବାରାଣସୀ କୋର୍ଟ ଶୁକ୍ରବାର ଜ୍ଞାନବ୍ୟାପିର ବ୍ୟାସ ତହଖାନାର ଛାତ ଉପରେ ନମାଜପାଠ  ଉପରେ ରୋକ ଲଗାଇବା ଲାଗି ଦାଖଲ ଏକ  ଆବେଦନକୁ ଖାରଜ କରିଦେଇଛନ୍ତି । ଏହାର ମରାମତି ଉପରେ ମଧ୍ୟ ରୋକ୍‌ ଲଗାଇଛନ୍ତି କୋର୍ଟ । ଅବଶ୍ୟ ବ୍ୟାସ ତହଖାନାରେ ଚାଲୁଥିବା ପୂଜା ଜାରି ରହିବ । 

ବର୍ତ୍ତମାନ ବ୍ୟାସ ତହଖାନାର ଛାତ  ଉପରେ ନମାଜପାଠ କରାଯାଉଛି ଓ ତଳେ  ପୂଜା ହେଉଛି। ତେବେ ତହଖାନାର ଛାତ  ଉପରେ ନମାଜପାଠକୁ ନେଇ ଗତବର୍ଷ  ଡିସେମ୍ବର ମାସରେ ହିନ୍ଦୁ ପକ୍ଷ କୋର୍ଟଙ୍କ  ଦ୍ୱାରସ୍ଥ ହୋଇଥିଲେ । ସେଥିରେ ଦର୍ଶାଯାଇଥିଲା  ଯେ, ବ୍ୟାସ ତହଖାନା ବହୁତ ପୁରୁଣା । ଛାତ  ଦୁର୍ବଳ ହୋଇଥିବାରୁ ସେଥିରୁ ପାଣି ଖସୁଛି ।  ତହଖାନାର ପିଲର ମଧ୍ୟ ଦୁର୍ବଳ ରହିଛି ।  

ନମାଜପାଠ ଲାଗି ଲୋକେ ଏକତ୍ରିତ ହେବାରୁ  ଛାତକୁ କ୍ଷତି ପହଞ୍ଚୁଛି । ଏପରିସ୍ଥଳରେ  ତହଖାନାର ମରାମତି ସହିତ ଛାତ ଉପରେ  ନମାଜପାଠ ଉପରେ ରୋକ ଲଗାଇବା  ଲାଗି ସେମାନେ ଦାବି କରିଥିଲେ । ତେବେ  ସିଭିଲ୍‌ ଜଜ୍‌ ସିନିୟର ଡିଭିଜନ୍‌ ହିତେଶ  ଅଗ୍ରୱାଲ ହିନ୍ଦୁ ପକ୍ଷଙ୍କ ଆବେଦନକୁ ଖାରଜ  କରିଦେଇଛନ୍ତି । ଏହାପରେ ଏବେ ହିନ୍ଦୁ ପକ୍ଷ  ମରାମତି ଦାବିକୁ ନେଇ ଜିଲ୍ଲା କୋର୍ଟରେ  ଆବେଦନ କରିବେ ବୋଲି ସୂଚନା ମିଳିଛି