ନୀଳଗିରି,୨୨/୦୯: ନୀଳଗିରି ରାଜପରିବାର ସଦସ୍ୟ ତଥା ସାମ୍ବାଦିକ ହରପ୍ରସାଦ ମର୍ଦ୍ଦରାଜ ଓରଫ ସାହେବ (୫୨) ଚିକିତ୍ସାଧୀନ ଅବସ୍ଥାରେ ସମ୍ ହସ୍ପିଟାଲରେ ମୃତ୍ୟୁ ହୋଇଛି । ତାଙ୍କ ମୃତ୍ୟୁରେ ସାଂସଦ ପ୍ରତାପ ଷଡ଼ଙ୍ଗୀ,ବିଧାୟକ ସନ୍ତୋଷ ଖଟୁଆ, ପୁର୍ବତନ ବିଧାୟକ ସୁକାନ୍ତ ନାୟକ, ଶିଶିର ରାଉତ, ଦୀପ୍ତିକାନ୍ତ ପୃଷ୍ଟି, ସୁରଞ୍ଜନ ମହାପାତ୍ର, ବ୍ରଜକିଶୋର ପାଣି, ଗତିକୃଷ୍ଣ ନନ୍ଦ, ଲୋକସମ୍ପର୍କ ସୂଚନା ଅଧିକାରୀ ଗୋବର୍ଦ୍ଧନ ବିଶ୍ୱାଳଙ୍କ ସମେତ ନୀଳଗିରିର ସମସ୍ତ ସାମ୍ବାଦିକ ମାନେ ଶୋକ ପ୍ରକାଶ କରିଛନ୍ତି । 

ସୂଚନା ମୁତାବକ, କିଛିଦିନ ଧରି ସାହେବଙ୍କ ଗୋଡ଼ହାତ ଫୁଲି ଯିବାସହ ସେ ଅସୁସ୍ଥ ଥିଲେ । ତାଙ୍କୁ ନୀଳଗିରି ଟ୍ରକମାଲିକ ସଂଘର ସଭାପତି ଶିଶିର ରାଉତ ଭୁବନେଶ୍ୱର ସମ୍ ହସ୍ପିଟାଲ ପଠାଇବାର ବ୍ୟବସ୍ଥା କରିଥିଲେ । ସେଠାରେ ତାଙ୍କର ଚିକିତ୍ସା କରାଯାଇଥିଲା ଏବଂ ତାଙ୍କର ହିମୋଗ୍ଲୋବିନ କମିଯିବାସହ କିଡନୀ ଜନିତ ସମସ୍ୟା ଦେଖାଦେଇଥିଲା । ତେଣୁ ତୁରନ୍ତ ତାଙ୍କୁ ଆଇସିୟୁରେ ଭର୍ତ୍ତି କରାଯାଇ ଡାଇଲିସିସ୍ ଆରମ୍ବ ହୋଇ ଜରୁରୀ ଚିକିତ୍ସା ଯୋଗାଇ ଦିଆଯାଇଥିଲା । ପରେ ତାଙ୍କର ଛାତି ସଂକ୍ରମଣ ହେବା ସହ ଗୁରୁତର ହୋଇ ପଡ଼ିଥିଲେ ସାହେବ । 

ତେବେ ଶନିବାର ସେ ନିଶ୍ୱାସ ନେବାରେ କଷ୍ଟ ଅନୁଭବ କରିବାରୁ ତାଙ୍କୁ ଭେଣ୍ଟିଲେଟରକୁ ନିଆଯାଇଥିଲା । ଏପରିକି ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ ଏମସ ଡାଇରେକ୍ଟରଙ୍କୁ ପତ୍ର ଲେଖିବା ସହ କଥା ହୋଇ ତାଙ୍କର ଉତ୍ତମ ଚିକିତ୍ସା ପାଇଁ ନିବେଦନ ମଧ୍ୟ କରିଥିଲେ । ରବିବାର ସାମ୍ବାଦିକ ବ୍ରଜକିଶୋର ପାଣି,ସମାଜସେବୀ ଶିଶିର ରାଉତ,ସୁରଞ୍ଜନ ମହାପାତ୍ର, ଦୀପ୍ତିକାନ୍ତ ପୃଷ୍ଟି, ଗତିକୃଷ୍ଣ ନନ୍ଦ ତାଙ୍କୁ ଏମ୍‌ସ ନେବାପାଇଁ ଭୁବନେଶ୍ୱର ଯିବାବେଳେ ରାସ୍ତାରେ ତାଙ୍କର ମୃତ୍ୟୁ ଖବର ପାଇଥିଲେ । ରବିବାର ସକାଳ ୧୦ଟା ସମୟରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ତାଙ୍କ ମୃତ୍ୟୁରେ ସାଂସଦ ପ୍ରତାପ ଷଡ଼ଙ୍ଗୀ,ବିଧାୟକ ସନ୍ତୋଷ ଖଟୁଆ,ପୁର୍ବତନ ବିଧାୟକ ସୁକାନ୍ତ ନାୟକ,ଶିଶିର ରାଉତ, ଦୀପ୍ତିକାନ୍ତ ପୃଷ୍ଟି, ସୁରଞ୍ଜନ ମହାପାତ୍ର, ବ୍ରଜକିଶୋର ପାଣି, ଗତିକୃଷ୍ଣ ନନ୍ଦ, ଲୋକସମ୍ପର୍କ ସୂଚନା ଅଧିକାରୀ ଗୋବର୍ଦ୍ଧନ ବିଶ୍ୱାଳଙ୍କ ସମେତ ନୀଳଗିରିର ସମସ୍ତ ସାମ୍ବାଦିକ ମାନେ ଶୋକ ପ୍ରକାଶ କରିଛନ୍ତି । ତାଙ୍କର ମର ଶରୀରର ପୁରୀ ସ୍ୱର୍ଗଦ୍ୱାରରେ ଶେଷକୃତ୍ୟ ସମାପନ ହେବ ।