ନୂଆଦିଲ୍ଲୀ,୦୬/୧୧: ଚଳିତ ଦିନିକିଆ ବିଶ୍ୱକପ୍‌ରେ ଭାରତୀୟ ଦଳ ନିଜର ଆଭିମୁଖ୍ୟକୁ ସଂପୂର୍ଣ୍ଣ ଭାବେ ଦର୍ଶାଇଛି। ଭାରତ ହେଉଛି ଏକମାତ୍ର ଦଳ ଯାହାକୁ ଏପର୍ଯ୍ୟନ୍ତ ଅନ୍ୟ କୌଣସି ଦଳ ପରାସ୍ତ କରିପାରି ନାହାଁନ୍ତି ଏବଂ ବର୍ତ୍ତମାନ ଲିଗ୍ ପର୍ଯ୍ୟାୟରେ କେବଳ ଗୋଟିଏ ମ୍ୟାଚ୍ ବାକି ଅଛି, ଯାହା ନେଦରଲ୍ୟାଣ୍ଡ ବିପକ୍ଷରେ ଖେଳାଯିବ। ଭାରତ ସେମିଫାଇନାଲରେ ପ୍ରବେଶ କରିଛି ଏବଂ ଯଦି ପାକିସ୍ତାନ କୌଣସି ପ୍ରକାରେ ସେମିଫାଇନାଲରେ ପ୍ରବେଶ କରେ ତେବେ ଭାରତ ଏବଂ ପାକିସ୍ଥାନ ମଧ୍ୟରେ ସେମିଫାଇନାଲ ମ୍ୟାଚ୍ ହେବା ପାଖାପାଖି ନିଶ୍ଚିତ। ଏଭଳି ପରିସ୍ଥିତିରେ ପ୍ରଶ୍ନ ଉଠିଛି ଯେ ପାକିସ୍ତାନ ଏହି ପର୍ଯ୍ୟାୟରୁ ସେମିଫାଇନାଲରେ କିପରି ପହଞ୍ଚିବ? ଏହାର ପ୍ରମୁଖ ସମୀକରଣ କ'ଣ ରହିଛି ଆସନ୍ତୁ ଜାଣିବା....

ସୂଚନାଥାଉକି, ଭାରତ ଏବଂ ଦକ୍ଷିଣ ଆଫ୍ରିକା ଦଳ ସେମିଫାଇନାଲରେ ପ୍ରବେଶ କରିଛନ୍ତି। ବର୍ତ୍ତମାନ ଆଉ ଦୁଇଟି ଦଳ ସେମିଫାଇନାଲରେ ପ୍ରବେଶ କରିବେ, କିନ୍ତୂ ଯେଉଁଥିରେ ଅଷ୍ଟ୍ରେଲିଆ, ନ୍ୟୁଜିଲ୍ୟାଣ୍ଡ, ପାକିସ୍ଥାନ, ଆଫଗାନିସ୍ତାନ, ଶ୍ରୀଲଙ୍କା ଏବଂ ନେଦରଲ୍ୟାଣ୍ଡ ମଧ୍ୟ ଏହି ଦୌଡ଼ରେ ଅଛନ୍ତି। ଏଥିମଧ୍ୟରୁ ଶ୍ରୀଲଙ୍କା ଏବଂ ନେଦରଲ୍ୟାଣ୍ଡ ପହଞ୍ଚିବା ଅତ୍ୟନ୍ତ କଷ୍ଟକର ମନେହୁଏ, କିନ୍ତୁ ଅବଶିଷ୍ଟ ଚାରିଟି ଦଳର ଅଧିକ ସୁଯୋଗ ରହିଛି। ସେଥିମଧ୍ୟରୁ ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡର ସେମିଫାଇନାଲରେ ସ୍ଥାନ ସୁରକ୍ଷିତ କରିବାର ଅଧିକ ସୁଯୋଗ ରହିଛି।

ପଢ଼ନ୍ତୁ: ଗ୍ରାଉଣ୍ଡ ଆକ୍ରମଣ ଭିତରେ ଇସ୍ରାଏଲ୍‌ର ଦାବି: କହିଲା,'ଆମେ ଗାଜାକୁ ଦୁଇ ଭାଗରେ ବିଭକ୍ତ କରିଦେବୁ'

କେମିତି ସେମିଫାଇନାଲରେ ପହଞ୍ଚିବ ପାକିସ୍ତାନ?

ଯଦି ଆଫଗାନିସ୍ତାନ ଏହାର ଉଭୟ ଅବଶିଷ୍ଟ ମ୍ୟାଚ୍ ଜିତେ, ତା’ହେଲେ ଦଳ ବିନା କୌଣସି ଦଳ ଉପରେ ନିର୍ଭର ନକରି ସେମିଫାଇନାଲରେ ସ୍ଥାନ ପାଇପାରିବ, କିନ୍ତୁ ଏଥିପାଇଁ ପ୍ରଥମେ ଅଷ୍ଟ୍ରେଲିଆ ଏବଂ ପରେ ଦକ୍ଷିଣ ଆଫ୍ରିକା ଭଳି ଦୁଇଟି ପ୍ରମୁଖ ଦଳକୁ ସାମ୍ନା କରିବାକୁ ପଡ଼ିବ, କେବଳ ଏତିିକି ନୁହେଁ, ବରଂ ଆଫଗାନିସ୍ତାନ ଉଭୟ ଆଫ୍ରିକା ଓ ଅଷ୍ଟ୍ରେଲିଆକୁ ହରାଇବାକୁ ହେବ। ପାକିସ୍ତାନ ଶେଷ ମ୍ୟାଚରେ ନ୍ୟୁଜିଲ୍ୟାଣ୍ଡକୁ ପରାସ୍ତ କରି ସେମିଫାଇନାଲରେ ପ୍ରବେଶ କରିବାକୁ ରାସ୍ତା ଖୋଲା ରଖିଛି ସତ କିନ୍ତୁ ଏହା ଏତେ ସହଜସାଧ୍ୟ ନୁହେଁ। ପାକିସ୍ତାନ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ପଏଣ୍ଟ ଟେବୁଲର ଟପ୍‌ ୪କୁ ନେଇ ପ୍ରତିଦ୍ବନ୍ଦିତା ହୋଇପାରେ ବୋଲି ଏକ ବଡ଼ ସମ୍ଭାବନା ରହିଛି। ଏହି ଉଭୟ ଦଳର ଗୋଟିଏ ମ୍ୟାଚ୍ ବାକି ଅଛି ଏବଂ ଉଭୟ -୪ ନମ୍ବର ଏବଂ -୫ ନମ୍ବର ସହିତ ୮ ପଏଣ୍ଟ ରଖିଛନ୍ତି।

ପଢ଼ନ୍ତୁ: ୧୦ ବର୍ଷ ପରେ ଜାପାନ ଠାରୁ ପ୍ରତିଶୋଧ ନେଲା ଭାରତ, ଜିତିଲା ମହିଳା ଏସିଆନ୍ ଚାମ୍ପିଅନ୍ସ ଟ୍ରଫି ଟାଇଟଲ୍

ନ୍ୟୁଜିଲ୍ୟାଣ୍ଡର ଅବଶିଷ୍ଟ ଗୋଟିଏ ମ୍ୟାଚ୍ ଶ୍ରୀଲଙ୍କା ବିପକ୍ଷରେ ଏବଂ ପାକିସ୍ତାନର ଶେଷ ଲିଗ୍ ମ୍ୟାଚ୍ ଇଂଲଣ୍ଡ ବିପକ୍ଷରେ ହେବ। ଯଦି ନ୍ୟୁଜିଲ୍ୟାଣ୍ଡ ଏହାର ଶେଷ ଲିଗ୍ ମ୍ୟାଚ୍ ଜିତେ, ତେବେ ପାକିସ୍ତାନ ଇଂଲଣ୍ଡକୁ ବିପୁଳ ବ୍ୟବଧାନରେ ହରାଇବାକୁ କରିବାକୁ ପଡ଼ିବ, ତା ପରେ ଯାଇ ପାକିସାନ ନ୍ୟୁଜିଲ୍ୟାଣ୍ଡକୁ ରନ୍ ରେଟ୍‌ରେ ଅତିକ୍ରମ କରି ପଏଣ୍ଟ ଟେବୁଲରେ ଉପରେ ପହଞ୍ଚି ପାରିବ। ଏଥି ସହିତ ଯଦି ନ୍ୟୁଜିଲ୍ୟାଣ୍ଡ ଦଳ ଶ୍ରୀଲଙ୍କାକୁ ହରାଇବ, ତେବେ ପାକିସ୍ତାନ ପାଇଁ କାମ ଟିକିଏ ସହଜ ହେବ, କାରଣ ସେତେବେଳେ ନ୍ୟୁଜିଲ୍ୟାଣ୍ଡ ମାତ୍ର ୮ ପଏଣ୍ଟରେ ରହିବ ଏବଂ ପାକିସ୍ତାନରେ ୧୦ ପଏଣ୍ଟ ରହିବ। ଏଥି ସହିତ ଯଦି ଆଫଗାନିସ୍ତାନ ଦଳ କୌଣସି ଉତ୍କୃଷ୍ଟ ପ୍ରଦର୍ଶନ ନ ଦିଏ ତେବେ ସେମିଫାଇନାଲରେ ପାକିସ୍ତାନ ନିଜର ସ୍ଥାନ ସୁରକ୍ଷିତ କରିବ।

You can also read: ବିରାଟଙ୍କ ଶତକ, ଜାଡ଼େଜାଙ୍କ ବୋଲିଂ ବଳରେ ଜିତିଲା ଭାରତ, ବିଶ୍ୱକପରେ ଦକ୍ଷିଣ ଆଫ୍ରିକାକୁ ହରାଇ ଅଷ୍ଟମ ବିଜୟ