ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ୟୁକ୍ରେନରେ ପହଞ୍ଚିଛନ୍ତି। ରାଜଧାନୀ କିଭ୍ରେ ୟୁକ୍ରେନୀ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କୁ ସାକ୍ଷାତ କରିଛନ୍ତି। ଏହି ସମୟରେ ସେ କହିଛନ୍ତି , ଆମେ ଯେଉଁ ଦ୍ୱିତୀୟ ରାସ୍ତା ଚୟନ କରିଛୁ, ତାହା ହେଉଛି ଯୁଦ୍ଧ ଠାରୁ ଦୂରେଇ ରହିବା। ଆମେ ବହୁତ ଦୃଢତାର ସହ ଯୁଦ୍ଧ ଠାରୁ ଦୂରରେ ରହିଛୁ। ଆମେ ପ୍ରଥମ ଦିନରୁ ହିଁ ଗୋଟିଏ ପକ୍ଷରେ ରହିଛୁ , ତାହା ହେଉଛି ଶାନ୍ତି । ଆମେ ବୁଦ୍ଧଙ୍କ ମାଟିରେ ଜନ୍ମ ହୋଇଛୁ , ଯେଉଁଠି ଯୁଦ୍ଧର କୌଣସି ସ୍ଥାନ ନାହିଁ। ଆମେ ମହାତ୍ମା ଗାନ୍ଧୀଙ୍କ ଦେଶର ଲୋକ , ଯିଏକି ପୂରା ଦୁନିଆକୁ ଶାନ୍ତିର ବାର୍ତ୍ତା ଦେଇଛନ୍ତି।
ପ୍ରଧାନମନ୍ତ୍ରୀ ମୋଦି କହିଛନ୍ତି, ଯେତେବେଳେ ଯୁଦ୍ଧର ପ୍ରାରମ୍ଭ ଦିନ ଥିଲା, ସେତେବେଳେ ଆପଣ ଭାରତୀୟ ନାଗରିକ ଓ ଛାତ୍ରଛାତ୍ରୀଙ୍କୁ ବାହାର କରିବାରେ ସାହାଯ୍ୟ କରି ଥିଲେ। ମୁଁ ସଙ୍କଟର ଏହି ସମୟରେ ଆପଣଙ୍କର ସାହାଯ୍ୟ ପାଇଁ ଆପଣଙ୍କୁ କୃତଜ୍ଞତା ଜଣାଉଛି। ଦୁନିଆ ଭଲ ଭାବେ ଜାଣେ ଯୁଦ୍ଧ ବେଳେ ଆମେ ୨ଟି ଭୂମିକା ନିଭାଇ ଥିଲୁ। ପ୍ରଥମ ଭୂମିକା ମାନବୀୟ ଦୃଷ୍ଟିକୋଣ ଥିଲା। ମୁଁ ଆପଣଙ୍କୁ ବିଶ୍ୱାସ ଦେଉଛି କି, ମାନବୀୟ ଦୃଷ୍ଟିକୋଣରେ ଯାହା ଆବଶ୍ୟକ ହେବ , ଏଥିପାଇଁ ଭାରତ ସର୍ବଦା ଆପଣଙ୍କ ସହ ଠିଆ ହେବ ଏବଂ ଦୁଇ ପାଦ ଆଗରେ ରହିବ।
ନରେନ୍ଦ୍ର ମୋଦି କହିଛନ୍ତି , ଆପଣ ଓ ୟୁକ୍ରେନର ଲୋକେ ମଧ୍ୟ ଜାଣନ୍ତି କି, ଭାରତର ଶାନ୍ତି ପ୍ରୟାସରେ ସକ୍ରିୟ ଯୋଗଦାନ ରହିଛି। ଆପଣ ଜାଣନ୍ତି ଯେ, ଆମର ଦୃଷ୍ଟିକୋଣ ଲୋକଙ୍କ ଉପରେ କେନ୍ଦ୍ରିତ ରହିଛି। ମୁଁ ଆପଣଙ୍କୁ ଓ ପୂରା ବିଶ୍ୱକୁ ବିଶ୍ୱାସ ଦେବାକୁ ଚାହୁଁଛି କି ଏହା ଭାରତର ପ୍ରତିବଦ୍ଧତା। ଆମେ ମାନୁଛୁ କି ସାର୍ବଭୌମତ୍ୱ ଓ ଅଖଣ୍ଡତାର ସମ୍ମାନ ଆମ ପାଇଁ ସବୁଠୁ ଉର୍ଦ୍ଧ୍ୱରେ। ଆମେ ଏହାର ସମର୍ଥନ କରୁଛୁ। କିଛି ଦିନ ପୂର୍ବେ ଯେବେ ମୁଁ ଏହାର ସମର୍ଥନରେ ରାଷ୍ଟ୍ରପତି ପୁଟିନଙ୍କୁ ଭେଟି ଥିଲି, ତ ମୁଁ ତାଙ୍କୁ କହି ଥିଲି କି, ଏହା ଯୁଦ୍ଧର ସମୟ ନୁହେଁ। ଗତ ଦିନରେ ଯେବେ ମୁଁ ଏକ ବୈଠକ ପାଇଁ ରୁଷ୍ ଯାଇଥିଲି, ତ ମୁଁ ସେଠାରେ ମଧ୍ୟ ସ୍ପଷ୍ଟ ଶବ୍ଦରେ କହି ଥିଲି ଯେ କୌଣସି ବି ସମସ୍ୟାର ସମାଧାନ କେବେ ବି ରଣଭୂମିରେ ହୋଇ ନଥାଏ ।
ସମାଧାନ କେବଳ କଥାବାର୍ତ୍ତା , ଓ କୂଟନୀତିକ ମାଧ୍ୟମରେ ହୋଇଥାଏ। ଆମେ ସମୟ ନଷ୍ଟ ନକରି ସେହି ଦିଗରେ ଆଗକୁ ବଢିବା ଉଚିତ୍। ଉଭୟ ପକ୍ଷକୁ ଏକା ସାଥିରେ ବସିବା ଉଚିତ୍ ଏବଂ ଏହି ସଙ୍କଟରୁ ବାହାରି ରାସ୍ତା ଖୋଜିବାକୁ ହେବ।
