ନୂଆଦିଲ୍ଲୀ ୧୯/୯: ରିଲାଏନ୍ସ ଜିଓ ଆଜି ୧୯ ସେପ୍ଟେମ୍ବରରେ ଗଣେଷ ପୂଜା ଅବସରରେ ନିଜ ଏୟାର ଫାଇବର ସର୍ଭିସ୍ ଲଞ୍ଚ୍ କରିଦେଇଛି । ବର୍ତ୍ତମାନ ଏହି ସର୍ଭିସ୍ ୮ ସହର ଅହମଦାବାଦ, ବେଙ୍ଗାଲୁରୁ, ଚେନ୍ନାଇ, ଦିଲ୍ଲୀ, ହାଇଦ୍ରାବାଦ, କୋଲକାତା, ମୁମ୍ବାଇ ଏବଂ ପୁଣେରେ ମିଳିବ । ଏୟାର ଫାଇବର ପାଇଁ ୧୦୦୦ ଟଙ୍କା ଇନ୍ଷ୍ଟଲେସନ ଚାର୍ଜ ଦେବାକୁ ହେବ । ୧୦୦ ଟଙ୍କାରେ ଏହାକୁ ବୁକ୍ କରିପାରିବେ ଗ୍ରାହକ । ଏହା ଆମାଉଣ୍ଟ ବିଲରେ ଆଡଜଷ୍ଟ ହୋଇଯିବ । ଏୟାର ଫାଇବରର ବୁକିଂ ପାଇଁ ଜିଓର ଅଫିସିଆଲ୍ ୱେବସାଇଟକୁ ଯିବାକୁ ହେବ । କନେକ୍ସନ ସହିତ ଲାଟେଷ୍ଟ ୱାଇ-ଫାଇ ରାଉଟର, ଟିଭି ପାଇଁ 4K ସେଟ୍ ଟପ୍ ବକ୍ସ ଏବଂ ଭଏସ୍ ଆକ୍ଟିଭ୍ ରିମୋଟ୍ ମିଳିବ । ସମସ୍ତ ପ୍ଲାନ୍ ୬ ଏବଂ ୧୨ ମାସର ଅପ୍ସନରେ ଉପଲବ୍ଧ । ଯଦି ୧୨ ମାସର ପ୍ଲାନ୍ ନେବାକୁ ଚାହୁଁଛନ୍ତି ତେବେ ଗ୍ରାହକଙ୍କୁ ୧୦୦୦ ଟଙ୍କାର ଇନଷ୍ଟଲେସନ ଚାର୍ଜ ଦେବାକୁ ପଡିବନି । 

ଏୟାର ଫାଇବରର ଖାସ୍ ଫିଚର୍ ହେଉଛି ଏହାର ପୋର୍ଟେବିଲିଟି । ୟୁଜର ଏହାକୁ କୌଣସି ବି ଲୋକେସନକୁ ନେଇ ବ୍ୟବହାର କରିପାରିବେ । ତେବେ ସେଠାରେ 5G କନେକ୍ଟିଭିଟି ହେବା ଉଚିତ୍ । ରିଲାଏନ୍ସ ଜିଓ ଅନୁସାରେ ତାର ଏୟାର ଫାଇବର ଚଳନ୍ତା ବ୍ରଡବ୍ୟାଣ୍ଡ୍ ଭଳି ସ୍ପିଡ୍ ଦେବାରେ ସକ୍ଷମ । ଏବେ ଜିଓ, ଏୟାରଟେଲ୍ ସମେତ ଅନ୍ୟ କମ୍ପାନୀମାନଙ୍କ ଆପ୍ଟିକ୍ ୱାୟର ଟେକ୍ନୋଲୋଜିରେ ବେଷ୍ଟ୍ଡ ଫାଇବର ଅନେକ ସହର ପର୍ଯ୍ୟନ୍ତ ସୀମିତ । କିନ୍ତୁ ଏୟାର ଫାଇବର ବିନା କୌଣସି ୱେୟାରରେ ଇଣ୍ଟରନେଟ୍ ପ୍ରୋଭାଇଡ୍ କରିଥାଏ । ଏଭଳି କ୍ଷେତ୍ରରେ ଏୟାର ଫାଇବର ଜରିଆରେ ହାଇ ସ୍ପିଡ୍ ଇଣ୍ଟରନେଟ୍ ସହଜରେ ଦୂର ଅଞ୍ଚଳରେ ପହଞ୍ଚି ପାରିବ । 

ଜିଓ ଫାଇବର ଅପ୍ଟିକ୍ ୱେୟାର ଟେକ୍ନୋଲୋଜିରେ ବେଷ୍ଟ୍ଡ । ଏହା ଜରିଆରେ ଇଣ୍ଟରନେଟ୍ ପ୍ରୋଭାଇଡ୍ କରିବା ପାଇଁ କମ୍ପାନୀ ଘର/ଅଫିସରେ ଏକ ରାଉଟର ଇନଷ୍ଟଲ୍ କରିଥାଏ । ସେହି ରାଉଟର ପର୍ଯ୍ୟନ୍ତ ଅପ୍ଟିକ୍ ୱେୟାରକୁ କନେକ୍ଟ କରିଥାଏ । ଏହା ପରେ ଫାଇବର ଷ୍ଟେବଲ ହାଇସ୍ପିଡ୍ ଇଣ୍ଟରନେଟ୍ ପ୍ରୋଭାଇଡ୍ କରିଥାଏ । ଏୟାର ଫାଇବର ଜରିଆରେ କମ୍ପାନୀ ୱେୟାରଲେସ୍ ବ୍ରଡବ୍ୟାଣ୍ଡ ସର୍ଭିସ୍ ପ୍ରୋଭାଇଡ କରୁଛି । ଏହା ଅନେକାଂଶରେ ୱେୟାରଲେସ୍ ଡଙ୍ଗଲ ଭଳି କାମ କରେ । କିନ୍ତୁ ଇଣ୍ଟରନେଟ ସ୍ପିଡ୍ ବହୁତ ଅଧିକ । ଏଥିପାଇଁ କୌଣସି ବି ପ୍ରକାର ଇନଫ୍ରାଷ୍ଟ୍ରକ୍ଚରକୁ ମଧ୍ୟ ଆବଶ୍ୟକ ପଡେନି । ଏହା ସହଜରେ ଇନଷ୍ଟଲ୍ ହୋଇଯାଏ ।