ମାଲକାନଗିରି ,୧୦।୯(ଆପ୍ର): ଶନିବାର ଅପରାହ୍ନ ରେ ହାଟ ସାରି ଘରକୁ ଫେରୁଥିବା ବେଳେ ବାଲିମେଳା ଜଳଭଣ୍ଡାର ରେ ଡ଼ଙ୍ଗା ବୁଡି ଚିତ୍ରକୋଣ୍ଡା ସ୍ୱାଭିମାନ ଆଞ୍ଚଳର ଅଞ୍ଚଳ ରାମଗୁଡ଼ା ଗ୍ରାମର  ରାମଚନ୍ଦ୍ର ମୁଦୁଲି(୪୭) ନିଖୋଜ ହୋଇଥିଲେ। ଶନିବାର ଅପରାହ୍ନ ଠାରୁ ଅଗ୍ନିଶମ ବିଭାଗ ଓ ଯୋଡ଼ାମ୍ବ ଥାନା ପୁଲିସ ଓ ଗ୍ରାମ ବାସୀଙ୍କ ପକ୍ଷରୁ ଜଳଭଣ୍ଡାର ରେ ଖୋଜା ଖୋଜି ଜାରୀ ରହିଛି। ୨୪ ଘଣ୍ଟା ଧରି ଖୋଜା ଚାଲିଥିଲେ ମଧ୍ୟ ଆଜି ସନ୍ଧ୍ୟା ସୁଦ୍ଧା ନିଖୋଜ ବ୍ୟକ୍ତିଙ୍କ କିଛି ପତ୍ତା ମିଳିନାହିଁ।  ସୋମବାର ମଧ୍ୟ ଜଳଭଣ୍ଡାର ରେ ଖୋଜା ଜାରି ରହିବ ବୋଲି ଯୋଡ଼ାମ୍ବ ଥାନା ଅଧିକାରୀ ସଞ୍ଜୟକୁମାର ପୋଡାସେଠୀ ଓ ଚିତ୍ରକୋଣ୍ଡା ତହସିଲଦାର ସୂଚନା ଦେଇଛନ୍ତି।

  ଘଟଣାରୁ ପ୍ରକାଶ ଯେ ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳ ରାମଗୁଡ଼ା ଗ୍ରାମର  ରାମଚନ୍ଦ୍ର ମୁଦୁଲି(୪୭) ଶନିବାର ଅପରାହ୍ନରେ ଯୋଡ଼ାମ୍ବ ପଞ୍ଚାୟତ ଦରଲାବେଡା ହାଟକୁ ଯାଇଥିଲେ। ହାଟରୁ କାମ ସାରି ଡଙ୍ଗାରେ ବସି ଫେରିବା ବେଳେ ଜଳଭଣ୍ଡାର ରେ ଡ଼ଙ୍ଗାବୁଡି ରାମଚନ୍ଦ୍ର ନିଖୋଜ ହୋଇଯାଇଥିଲେ। ୨୪ ଘଣ୍ଟା ପରେ ମଧ୍ୟ ରାମଚନ୍ଦ୍ର ଙ୍କ  କିଛି ଖବର ମିଳୁନଥିବାରୁ ଶନିବାର ଠାରୁ ତାଙ୍କ ପରିବାର ଲୋକ ଙ୍କ ଆଖିରୁ ଲୁହ ଶୁଖୁନାହିଁ।ଗତ କାଲି ଠାରୁ ଉପାସ ଭୋକ ରେ ଜଳ ଭଣ୍ଡାର ନିକଟ ରେ ପରିବାର ଲୋକେ ଜଗିରହିଛନ୍ତି । 

 ଆହୁରି ପଢନ୍ତୁ : କୀଟନାଶକ ପିଇ ପୁଅ-ଝିଅ ମୃତ, ମା’ ଗୁରୁତର : ୪ ଦିନ ତଳେ ଚାଲି ଯାଇଥିଲା ବାପାର ଜୀବନ