ନୂଆଦିଲ୍ଲୀ,୧୦।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ତୃତୀୟ କାର୍ଯ୍ୟକାଳର ସରକାରରେ ଆଜି ମନ୍ତ୍ରୀଙ୍କର ହୋଇଛି ବିଭାଗ ବଣ୍ଟନ। ବିହାରରୁ ସାମିଲ ହୋଇଥିବା ୪ କ୍ୟାବିନେଟ୍ ଓ ୪ ଜଣ ରାଷ୍ଟ୍ରମନ୍ତ୍ରୀଙ୍କୁ ବିଭାଗ ଓ ମନ୍ତ୍ରଣାଳୟ ବଣ୍ଟନ କରାଯାଇଛି। ବିହାରର ପୂର୍ବତନ ମୁଖ୍ୟମନ୍ତ୍ରୀ ଓ ହମ ଦଳର ନେତା ଏବଂ ଗୟାର ସାଂସଦ ଜିତନ ରାମ ମାନଝିଙ୍କୁ ଲଘୁ, କୁଟୀର ଏବଂ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ (ଏମ୍ଏସ୍ଏମ୍ଇ) ମନ୍ତ୍ରଣାଳୟ ମନ୍ତ୍ରୀ କରାଯାଇଛି। ସେଭଳି ଏଲଜେପି-ରାମବିଳାଶର ଅଧ୍ୟକ୍ଷ ଓ ହାଜିପୁର ସାଂସଦ ଚିରାଗ ପାସଓ୍ବାନଙ୍କୁ ଖଦ୍ୟ ପ୍ରକ୍ରିୟା କରଣ ଶିଳ୍ପ ମନ୍ତ୍ରଣାଳୟ ।
ଗ୍ରାମ ବିକାଶ ମନ୍ତ୍ରୀ ଥିବା ବିଜେପି ନେତା ଓ ବେଗୁସରାୟ ସାଂସଦ ଗିରିରାଜ ସିଂହଙ୍କୁ ବୟନ ଶିଳ୍ପ ମନ୍ତ୍ରଣାଳୟ ପ୍ରଦାନ କରାଯାଇଛି। ବିହାରର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ପାର୍ଟି ଜେଡିୟୁର ପୂର୍ବତନ ଅଧ୍ୟକ୍ଷ ଓ ମୁଙ୍ଗେର ସାଂସଦ ରାଜୀବ ରଞ୍ଜନ ସିଂହ ଓରଫ୍ ଲଲନ୍ ସିଂହଙ୍କୁ ମତ୍ସ୍ୟ ଓ ପଶୁପାଳନ ବିଭାଗ ବଣ୍ଟନ କରାଯାଇଛି।
ସେଭଳି ନିତ୍ୟାନନ୍ଦ ରାୟ(ରାଷ୍ଟ୍ରମନ୍ତ୍ରୀ)ଙ୍କୁ ଗୃହ ମନ୍ତ୍ରଣାଳୟ, ରାମନାଥ ଠାକୁର(ରାଷ୍ଟ୍ରମନ୍ତ୍ରୀ)ଙ୍କୁ କୃଷି ଓ କୃଷକ କଲ୍ୟାଣ ମନ୍ତ୍ରଣାଳୟ, ସତୀଶ ଚନ୍ଦ୍ର ଦୁବେ(ରାଷ୍ଟ୍ରମନ୍ତ୍ରୀ) କୋଇଲା ମନ୍ତ୍ରଣାଳୟ ଖନନ ମନ୍ତ୍ରଣାଳୟ ଏବଂ,ରାଜଭୂଷଣ ଚୌଧୁରୀ(ରାଷ୍ଟ୍ରମନ୍ତ୍ରୀ)ଙ୍କୁ ଜଳଶକ୍ତି ମନ୍ତ୍ରଣାଳୟ ମିଳିଛି।