ମୈଦଲପୁର ୧/୧୨ : ପାପଡାହାଣ୍ଡି ବ୍ଲକ ମୈଦଲପୁର ପଂଚାୟତର ଗୁଜୁମା ପଦର ଗ୍ରାମରେ ଶୁକ୍ରବାର ସକାଳ ୮ ଟା ବେଳେ ଏକ ଅଭାବନୀୟ ଘଟଣା ଘଟିଛି । ସ୍ବାମୀ-ସ୍ତ୍ରୀଙ୍କ ଝଗଡାରେ ଦୁଇଟି ନୀରିହ ଜୀବନ ଚାଲି ଯାଇଛି । ସୂଚନା ମୁତାବକ ଗ୍ରାମର ରାଧ ସାନ୍ତା ନିଜର ଦୁଇ ବର୍ଷର ପୁଅ ବିବି ସାନ୍ତାକୁ କଟୁରୀରେ ଆକ୍ରମଣ କରୁଥିବା ବେଳେ ପଡିଶା ଘରର ବୃଦ୍ଧ ଜନାଏ ସାନ୍ତା ଛଡାଇବା ପାଇଁ ଯାଇଥିଲେ l ଏହି ସମୟରେ ଜନାଏକୁ ମଧ୍ୟ କଟୁରୀରେ ଆକ୍ରମଣ କରିଥିଲା ଅଭିଯୁକ୍ତ । ତେବେ ଘଟଣା ସ୍ଥଳରେ ରାଧର ପୁଅ ବିବି ଓ ବୃଦ୍ଧ ଜନାଏଙ୍କର ମୃତ୍ୟୁ ହୋଇଥିଲା l ଏ ନେଇ ମୈଦଲପୁର ଥାନାରେ ମୃତ ଜନାଏଙ୍କ ପୁଅ ସିମାଞ୍ଚଳ ସାନ୍ତା ଲିଖିତ ଅଭିଯୋଗ କରିଛନ୍ତି  l 

ସୂଚନା ଅନୁସାରେ,ରାଧ ଓ ସ୍ତ୍ରୀ ମାଳତଙ୍କ ମଧ୍ୟରେ କୌଣସି କଥାକୁ ନେଇ ଝଗଡା ହୋଇଥିଲା ।  ଏଥିରେ ରାଧ ହଠାତ ରାଗି ଯାଇ ମାଳତକୁ ମାଡ଼ ମାରି କଟୁରୀରେ ଆକ୍ରମଣ କରିବାକୁ ଯିବାବେଳେ ଭୟରେ ମାଳତ ଘରେ ଥିବା ପୁଅକୁ ଛାଡି ଚାଲିଯାଇଥିଲା  l ଅନ୍ୟ ଉପରେ ନପାଇ ପୁଅ ବିବି ସାନ୍ତାକୁ ତଳେ କଚାଡି କଟୁରୀରେ ଆକ୍ରମଣ ବେଳେ ପଡିଶା ଘରର ବୃଦ୍ଧା ଜନାଏ ଛଡାଇବାକୁ ଯାଇ ଆକ୍ରମଣର ଶିକାର ହୋଇଥିଲେ  l ଘଟଣା ସ୍ଥଳରେ ବିବି ଓ ଜନାଏର ମୃତ୍ୟୁ ଘଟିଥିଲା l ଖବର ପ୍ରଚାର ହେବାରୁ ଗ୍ରାମବାସୀ ଉତ୍ୟକ୍ତ ହୋଇ ରାଧକୁ ମାଡ଼ ମାରି ବାନ୍ଧିକି ରଖିଥିଲେ l ପୋଲିସ ପହଂଚି ରାଧ କୁ ଉଦ୍ଧାର କରି 108 ଆମ୍ବୁଲାନ୍ସ ଯୋଗେ ପ୍ରଥମେ ପାପଡାହାଣ୍ଡି ଓ ପରେ ନବରଙ୍ଗପୁର ମେଡିକାଲ ସ୍ଥାନାନ୍ତରିତ କରାଯାଇଛି l ନବରଙ୍ଗପୁରରୁ ଏକ ସାଇଣ୍ଟିଫିକ ଟିମ ପହଂଚି ତଦନ୍ତ କରୁଛି  l ଏ ନେଇ ଥାନାରେ କେଶ ନଂ154/23ରେ ମାମଲା ରଜୁ ହେବା ସହ ଥାନା ଅଧିକାରୀ ବିପିନ କୁମାର କୁଲଦୀପ ତଦନ୍ତ କରୁଛନ୍ତି l ଘଟଣା ସ୍ଥଳରେ ପାପଡାହାଣ୍ଡି SDPO ଆଦିତ୍ୟ ସେନ, ପାପଡାହାଣ୍ଡି SI ଶିବଜୀ ପଣ୍ଡା, ଥାନା ASI ଉପସ୍ଥିତ ରହିଛନ୍ତି ।