ପ୍ରମୂଖ ଖବର
  • ଭୁବନେଶ୍ଵର : ପ୍ରକାଶ ପାଇଲା OSSTET ପରୀକ୍ଷା ଫଳ, ୱେବସାଇଟରୁ ମିଳିବ ଡିଜିଟାଲ ସାର୍ଟିଫିକେଟ
  • ||
  • ଭୁବନେଶ୍ଵର : ବାଚସ୍ପତି ପ୍ରାର୍ଥୀ ହେଲେ ସୁରମା ପାଢୀ, ଭରିଲେ ନାମାଙ୍କନ ପତ୍ର
  • ||
  • ପୁରୀ : ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିରେ ବିଳମ୍ବ, ବିବାଦ ଯୋଗୁଁ ଅଟକିଛି ନୀତିକାନ୍ତି
  • ||
  • ଭୁବନେଶ୍ଵର : ବୁଧବାର ରାଜ୍ୟରେ ଛେଚିବ ବର୍ଷା, ୨୦ ସୁଦ୍ଧା ଅଧା ଓଡ଼ିଶା ଛୁଇଁବ ମୌସୁମୀ
  • ||
  • ଡ୍ରେନ୍‌ରେ ପଡ଼ି ନାବାଳକଙ୍କ ମୃତ୍ୟୁ ଘଟଣା : ମୁକୁଳା ଡ୍ରେନ୍‌ର ସମୀକ୍ଷା କଲେ ନଗର ଉନ୍ନୟନ ମନ୍ତ୍ରୀ, ୭ ଦିନ ଭିତରେ ନିଆଯିବ କାର୍ଯ୍ୟାନୁଷ୍ଠାନ
  • ||

୪୦ ଲୋକଙ୍କ ମୃତ୍ୟୁରେ କମ୍ପିଲା ନାଇଜେରିଆ; ଆଖିବୁଜା ଗୁଳିମାଡ଼ କଲେ ଆକ୍ରମଣକାରୀ

Image source: ABC news

ନୂଆଦିଲ୍ଲୀ,୨୨/୦୫: ଆଫ୍ରିକୀୟ ଦେଶ ନାଇଜେରିଆରେ ଆତଙ୍କୀ ଆକ୍ରମଣ ଘଟଣା ଏଇ କିଛି ଦିନ ହେବ ଏକ ବଡ଼ ସମସ୍ୟା ପାଲଟିଛି। ମଙ୍ଗଳବାର ସନ୍ଧ୍ୟାରେ ବନ୍ଧୁକଧାରୀମାନେ ଏଠାରେ ଥିବା ଏକ ଗାଁ ଉପରେ ଆକ୍ରମଣ କରିଥିଲେ। ଏହି ଆକ୍ରମଣରେ ୪୦ ଜଣଙ୍କର ମୃତ୍ୟୁ ଘଟିଛି। ଅଭିଯୁକ୍ତମାନେ ଗାଁ ଭିତରକୁ ପଶି ଆଖିବୁଜା ଗୁଳି ଚଳାଇଥିଲେ। ଗ୍ରାମବାସୀମାନେ କହିଛନ୍ତି ଯେ ଅଭିଯୁକ୍ତମାନେ ଅନେକ ଘରେ ନିଆଁ ଲଗାଇ ଦେଇଛନ୍ତି। ଅନେକ ଲୋକଙ୍କୁ ମଧ୍ୟ ଅପହରଣ କରାଯାଇଥିଲା। କହିରଖୁଛୁ ଯେ, ଏଠାରେ କୃଷକ ଏବଂ ମେଷପାଳକଙ୍କ ମଧ୍ୟରେ ବାରମ୍ବାର ସଂଘର୍ଷ ଲାଗି ଆସୁଛି। ଏହି ଘଟଣା ଉତ୍ତର-କେନ୍ଦ୍ରୀୟ ନାଇଜେରିଆରେ ଅବସ୍ଥିତ ପଠାରୀ ରାଜ୍ୟରେ ଘଟିଛି। 

ପଠାରୀ ପୋଲିସ ମୁଖପାତ୍ର ଆଲଫ୍ରେଡ ଆଲାବୋ କହିଛନ୍ତି ଯେ ପଠାରୀ ବଙ୍ଗଲାଲ ଜଙ୍ଗଲରେ ସୁରକ୍ଷା ଏଜେଣ୍ଟଙ୍କ ଆକ୍ରମଣରୁ ପଳାୟନ କରୁଥିବା ଡକାୟତମାନେ ସୋମବାର ବିଳମ୍ବିତ ରାତିରେ ଜୁରାକ ଏବଂ ଡାକାଇ ଗ୍ରାମ ଉପରେ ଆକ୍ରମଣ କରିଥିଲେ। ସୁରକ୍ଷା ଏଜେଣ୍ଟମାନେ ୭ ଜଣ ଆକ୍ରମଣକାରୀଙ୍କୁ ହତ୍ୟା କରିବାରେ ସଫଳ ହୋଇଛନ୍ତିି। ଖସି ପଳାଉଥିବା ବେଳେ ଡକାୟତମାନେ ୯ ଜଣ ସାଧାରଣ ଲୋକଙ୍କୁ ହତ୍ୟା କରିଥିଲେ। ଗ୍ରାମବାସୀମାନେ କହିଛନ୍ତି ଯେ ମୃତ୍ୟୁ ସଂଖ୍ୟା ବହୁତ ଅଧିକ। ବନ୍ଧୁକଧାରୀମାନେ ଡଜନେରୁ ଅଧିକ ଥିଲେ। ସେମାନେ କେତେକ ବାଇକରେ ଆସି ଗାଁ ଉପରେ ଚଢ଼ାଉ କରିଥିଲେ ଓ ଆଖିବୁଜା ଗୁଳି ଚଳାଇଥଇଲେ। କିଛି ଘରେ ନିଆଁ ଲଗାଇବା ସହିତ ଅନେକ ଲୋକଙ୍କୁ ଅପହରଣ କରି ନେଇଥିଲେ।

ଜୁରାକର ବାସିନ୍ଦା ବାବାଙ୍ଗିଡା ଆଲିୟୁ କହିଛନ୍ତି ଯେ 'ଆମ ଗାଁରେ ପ୍ରବେଶ କରିବା ମାତ୍ରେ ସେମାନେ ଗୁଳି ଚଳାଇବା ଆରମ୍ଭ କରିଦେଇଥିଲେ। କେଉଁଠି କିଏ କିପରି ଅଛନ୍ତି ସେଥିପ୍ରତି ନଜର ନଦେଇ ଆଖିବୁଜା ଗୁଳିମାଡ଼ କରିଥିଲେ , ଫଳରେ ୪୦ ରୁ ଅଧିକ ଲୋକ ଜୀବନ ହରାଇଥିଲେ। କୌଣସି ପ୍ରକାରେ ମୁଁ ସେମାନଙ୍କ କବଳରୁ ପଳାଇ ମୋ ଜୀବନ ବଞ୍ଚାଇବାକୁ ସକ୍ଷମ ହେଲି। ମୁଁ ଏପର୍ଯ୍ୟନ୍ତ ମୋ ପରିବାରକୁ ଦେଖି ନାହିଁ।' ସେମାନେ ଅନେକ ଲୋକଙ୍କୁ ଅପହରଣ କରିଥିଲେ। ସେମାନେ ଆମ ଘରେ ନିଆଁ ଲଗାଇଲେ।'

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.