ଚନ୍ଦାହାଣ୍ଡି,୧୮/୪ : ରାଜ୍ୟର ସାଧାରଣ ନିର୍ବାଚନରେ ବିଧାୟକ ଏବଂ ସାଂସଦ ପ୍ରାର୍ଥୀଙ୍କ ନାମାଙ୍କନ ପ୍ରକ୍ରିୟା ଆରମ୍ଭ ହୋଇଯାଇଛି । ଏହିକ୍ରମରେ ନବରଙ୍ଗପୁର ଜିଲ୍ଲା ସାଂସଦ କ୍ଷେତ୍ର ୧୨ ଏବଂ ଝରିଗାଁ ୧୭ବିଧାନସଭାର ପ୍ରାର୍ଥୀଙ୍କ ନାମଙ୍କନ ପ୍ରକ୍ରିୟା ଆରମ୍ଭକୁ ନେଇ ଚନ୍ଦାହାଣ୍ଡି ବ୍ଲକ ପ୍ରଶାସନ ତତ୍ପରତା ପ୍ରକାଶ ପାଇଛି l ଚନ୍ଦାହାଣ୍ଡି ବ୍ଲକ ବିଡିଓ ତଥା ନିର୍ବାଚନ ଅଧିକାରୀ ରାମକୃଷ୍ଣ ନାୟକ ଗୁରୁବାର ବ୍ଲକର ଆଇସିଡିଏସ ତହସିଲ ବିଭାଗ ଏବଂ ବ୍ଲକର ସମସ୍ତ କର୍ମଚାରୀ ପିଇଓମାନଙ୍କୁ ନେଇ ଏକ ବୈଠକର ଆୟୋଜନ କରିଥିଲେ l 

ନିର୍ବାଚନରେ କୌଣସି ବିଶୃଙ୍ଖଳା ଦେଖା ନ ଯିବା ସହ ନିର୍ବାଚନ ଯେପରି ବୈଧତାର ସହ ସଂସଦୀୟ ଏବଂ ବିଧାନସଭା ନିର୍ବାଚନ ଚାଲିବ । ସେହିପରି ସହ କୌଣସି ରାଜନୈତିକ ଦଳ ଦ୍ୱାରା ଭୋଟରଙ୍କୁ ପ୍ରଲୋଭନ ଦେଖାଇ ଭୋଟ ହାତେଇବା ପାଇଁ ଯେପରି କୌଣସି ଅର୍ଥ କରବାର ନ ହୁଏ ଏଥିପାଇଁ ପ୍ରତି ପଂଚାୟତ, ବ୍ଲକ ସଦର ତହସିଲ କାର୍ଯ୍ୟଳୟ ଏବଂ ଆଇସିଡିଏସ କାର୍ଯ୍ୟାଳୟରେ ନୋଟିସ ଛାପିବା ସହ ଯେପରି ଲୋକଙ୍କୁ ସଚେତନତା କରାଯିବ    ଏଥିପାଇଁ ଫ୍ଲାଇଂ ସ୍ୱାର୍ଡ ଗଠନ କରାଯିବ l  

ଛତିଶଗଡ଼ ସୀମାନ୍ତ କୋଇଲିମୁଣ୍ଡା, ମାଲଗାଁ ଏବଂ ତେଲାତାଣ୍ଡି ରାସ୍ତାରେ ଗେଟ ପ୍ରସ୍ତୁତ କରାଯାଇ ଗାଡ଼ି ମୋଟର ଯାଞ୍ଚ କଡ଼ାକଡ଼ି କରାଯିବା ସହ ସିଆରପିଏଫ ଏବଂ ଆଇଆରବି ପୋଲିସ ମୁତୟନ କରାଯିବା ସହ ସେଠାରେ ସିସିଟିଭି ଫୁଟେଜ ଲଗାଯିବାର ବ୍ୟବସ୍ଥା ରହିଛି l ଚନ୍ଦାହାଣ୍ଡି ବ୍ଲକରେ ୬୭ଟି ସମ୍ବେଦନଶୀଳ ବୁଥ ରହି ଥିବାବେଳେ ୧୩ଟି ଅତି ସମ୍ବେଦନଶୀଳ ବୁଥ ରହିଛି l ସମ୍ବେଦନଶୀଳ ବୁଥକୁ ଆଇଆରବି ପୋଲିସ ଜଗିଥିବାବେଳେ ଅତି ସମ୍ବେଦନଶୀଳ ବୁଥକୁ ନିର୍ବାଚନ ସମୟରେ ସିଆରପିଏଫ ପୋଲିସ ଜଗିବେ ବୋଲି ବିଡିଓ ରାମକୃଷ୍ଣ ନାୟକ ଗଣମାଧ୍ୟମକୁ ସୂଚନା ଦେଇଛନ୍ତି l