ଭୁବନେଶ୍ୱର ୧୫/୦୯: କେବେ ସେ କାହାଣୀର ହିରୋ,ଆଉ କେବେ ଗ୍ୟାଙ୍ଗଷ୍ଟର । ହଁ, ଆମେ ଆମ ସିନେମାର ଲୋକପ୍ରିୟ ତାରକା ଅର୍ଦ୍ଧେନ୍ଦୁଙ୍କ ସମ୍ପର୍କରେ କହୁଛୁ । ‘ଟପୋରି’, ‘ବ୍ଲାକ୍ମେଲ୍’, ‘ମୁଁ ପରଦେଶୀ ଚଢ଼େଇ’ ଆଦି ଚଳଚ୍ଚିତ୍ରରେ ଆପଣ ତାଙ୍କୁ ନାୟକ ଭାବେ ଦେଖିଥିଲେ ।
ଆସନ୍ତା ଦଶହରା ଅବସରରେ ମୁକ୍ତିଲାଭ କରୁଥିବା ‘ଭିଲେନ୍’ରେ ଅର୍ଦ୍ଧେନ୍ଦୁଙ୍କୁ ଦେଖିବେ ଗ୍ୟାଙ୍ଗଷ୍ଟର ଅବତାରରେ । ସିନେମାର ଟ୍ୟାଗ୍ଲାଇନ୍ ରଖାଯାଇଛି ‘ଲାଇଫ୍ ଅଫ୍ ଏ ଗ୍ୟାଙ୍ଗଷ୍ଟର’ । ଫିଲ୍ମରେ ଭରପୂର ଆକ୍ସନ ଦେଖିବେ ଦର୍ଶକ । ଏଥିପାଇଁ ଅର୍ଦ୍ଧେନ୍ଦୁ କାଳେ ସିନେମା ନିର୍ମାଣରେ କୌଣସି କ୍ଷେତ୍ରରେ କମ୍ପ୍ରମାଇଜ୍ କରିନାହାନ୍ତି । ବିଗ୍ ବଜେଟ୍ର ଏହି ସିନେମା ଦଶହରା ଦର୍ଶକଙ୍କ ମନକୁ ପାଇବ ବୋଲି କୁହାଯାଇଛି ପ୍ରଯୋଜନା ସଂସ୍ଥା ପକ୍ଷରୁ । ଫିଲ୍ମରେ ଅର୍ଦ୍ଧେନ୍ଦୁଙ୍କ ନାୟିକା ଭାବେ ନଜର ଆସିବେ ତମନ୍ନା । ଆଦିଲକ୍ଷ୍ମୀ ଏଣ୍ଟରଟେନମେଣ୍ଟ ବ୍ୟାନରରେ ନିର୍ମାଣ ଚାଲିଛି ‘ଭିଲେନ୍’ ।
ଫିଲ୍ମର ନିର୍ଦ୍ଦେଶନା ଦେଇଛନ୍ତି କେ. ମୁରଲି କ୍ରିଷ୍ଣା । ପ୍ରଯୋଜନାରେ ଅଛନ୍ତି ଆଦିକନ୍ଦ ସାହୁ । ଫିଲ୍ମରେ ସୁନ୍ଦର ସୁନ୍ଦର ଗୀତ ମଧ୍ୟ ରହିଛି, ଯାହାକୁ ଦର୍ଶକ ଓ ଶ୍ରୋତା ବେଶ୍ ପସନ୍ଦ କରିବେ ବୋଲି ଆଶା କରିଛି ପୂରା ଟିମ୍ । ଏହି ଗୀତଗୁଡ଼ିକ ରଚନା କରିଛନ୍ତି ତପୁ ନାୟକ, ବାପୁ ଗୋସ୍ୱାମୀ ଓ ରଞ୍ଜନ ନାୟକ । କାହାଣୀ ଲେଖିଛନ୍ତି ଦେବୀଦତ୍ତ ମହାନ୍ତି।
